استفسار ابي اطلع لكندا..فهل من معيين ؟

1- كيف المعيشه فيها (من رسوم الجامعه ..السكن .. الصرفيه الشخصيه ..)
رسوم الجامعه علي حسب الجامعه وقوتها وسمعتها الرسوم تختلف من جامعه لجامعه .. كذلك بالنسبة للمصاريف الشخصية تختلف من مدينة لثانيه في كندا وبرضه من شخص لاخر
لكن عندك مثلاا تورنتو اغلي مدينة بكندا ومن اغلي مدن العالم كانت الالف دولار وشويه .. اسعار السكن فيها من ال 500 ال 600 دولار للغرفه وانت طالع
ونفس الحال تقريباا في فانكوفر .

2- كيف العنصريه عندهم هل هي مثل بريطانيا في عنصريتهم او عادي عندهم ...
انا ماصادفتني عنصريه ولا اي مضايقات مع اني اتنقلت في اكثر من مدينة في كندا

3- افضل المدن أو الولايات عندهم ...(ياليت يتبين مع كل مدينه بما تمتاز فييييه ..)
افضل مدينه علي راي الكنديين انها تورنتو ويجي بعدها مدينة فانكوفر .. لكن الامر في النهاية راجع لك
يعني مثلاا الكنديين يقولوا عن تورنتو انها مدينه بطابع امريكي يعني زحمه شوارع واجناس مختلفه واسواق ومولات ورجه
حتي المطاعم ما اتصور فيه اكله مافي في تورنتو حتي المساجد فيه اكثر من ميه مسجد في تورنتو لكنها في الشتا موت سالب 30 وكذا
اما بالنسبة لفانكوفر فقبل كم سنه طلعت ثالث اجمل مدن العالم وهاذي السنه حسب ماسمعت طلعت اجمل مدينه بالعالم من ناحيه الطبيعة فهي جنة
وفي الشتا بردها معقول زي الهدا عندنا تقريبا .. فشوف الي يناسبك

4- كيف اقدم على الدراسه في كندا .. (من الألف لليآآء ..بالتفصيل الممل ..)
اول شي تروح مكتب يجيب قبولات معاهد لغة وجامعات واذا استلمت القبولات تقدم علي الفيزا الكنديه فيزا طالب طبعا وتقدم القبولات مع كشف حساب لمدة سته اشهر لك او لولي امرك يكون حساب نشيط وفيه مبلغ يغطي تكاليف دراستك
وطبعا لو تروح مكتب اسمه الفيفا هو مكتب يقدم علي الفيزا راح يفهمك علي كل شي بالضبط

5- كيف طريقه السكن عندهم هل هي تسكن مع عوائل او عزابي او سكن جامعي ...
فيه سكن عوائل وفيه سكن عزابي وفيه سكن جامعه كله موجود بس انت اختار الي يناسبك فيهم
لانه مثلا العايله كويسه عشان اللغه ومن ناحيه الاكل اذا ماتعرف تطبخ بس فيه ناس وانا منهم ما يعجبهم وضع العوائل ويحب يعيش لحاله
سكن الطلاب كويس جدا بالنسبة للغة لكن فله بزياده.

6- هل وصولي مقيد بزمن دراستهم او في أي وقت اوصل ابدى دراستي في اللغه ..
علي حسب اذا معهد اكاديمي او معهد تجاري .. المعهد الاكاديمي يعني معهد تابع لجامعه يعني له ترم يبدا في وقت معين وينتهي بوقت معين
اما لو معهد تجاري يعني زي نيوهورايزن كذا فمتى ماتحب تنسق معاهم وتبدأ .

7- ما هي افضل الجامعات في الهندسه ...
افضل جامعات بتخصص الهندسه في كنداا .. فهي كالتالي :
جامعة تورنتو : في مدينة تورنتو وهي افضل جامعة في كندا ومن افضل جامعات العالم .
University of Toronto

جامعة ماكجيل:
McGill University
وهاذي في مقاطعة كوبيك في مدينة مونتريال ولغة المدينة فرنسيه , وهي من افضل جامعات كندا والعالم.

جامعة برتش كولومبيا :
University of British Columbia
في مدينة فانكوفر وهي ثاني افضل جامعات كندا بعد تورنتو او بالاصح بينهم تنافس وهي من افضل جامعات العالم.

جامعة واترلو :
University of Waterloo
في مقاطعه اونتاريو نفس المقاطعه الي فيها تورنتو , وهي الجامعه الي اخترعت البلاك بيري

8- هل يجب ان أحصل على قبول جامعي وانا في السعوديه أو اني اقدر اطلع
بيفزا سياحيه واحصل على قبولي من هناك ...
اذا حاب تدرس فالافضل انك تطلع فيزا طالب واضمن لك .. والافضل انك تكون مخلص امورك من السعودية .

9- كم تحتاج سنه لدراسه بكالريوس هندسه مع اللغه
اللغة حسب اجتهادك وخلفيتك باللغة فيه ناس خلصت وجابت الايلتس من سته اشهر وناس من سنه وناس من سنه وسته اشهر
اما دراسة الهندسه ماعندي علم بس الغالب انها خمسه سنوات .

بالتوفيق

نسيت انبهك لشغلتين مهمه اول شغله بخصوص العنوان وكلمة هل من معين ..نصيحة اخ خلي معينك في هاذي الدنيا هو الله علي مستوى الكلام والتصرفات
اذا سألت فسأل الله وأذا استعنت فأستعن بالله .

الشغله الثانيه الي لاتفوتها ابداا الي هي ركعتين الاستخاره قبل اي شي تسويه ..تصلي ركعتين من غير الفريضه واذا حاب بالسجود تحمد الله ثم تقول دعاء الاستخاره(والافضل انك تكرره ثلاث مرات) ولاتنسي الصلاه ع النبي بالاخر .. وبعد كذا تختار الي استخرت عشانه ..اذا لك خير راح تتسهل لك واذا مالك راح يصرفه عنك ويصرفك بدون ماتشعر للي فيه خير لك .

ربي يعافيك ...ويحقق كل امانيييك ..
كفيت ووفيت ..
والحمدالله قبل لا احط موضوعي هذا استخرت والحمدالله ..

شوف كندا مرررره حلوه الحمدلله وامنه بعد الله سبحانه وتعالى إذا بتجي توكل على الله وتعال خاصه انك بكالريوس
وقبولك مررررررررررررررره سهل تورنتو مدينه امنه الحمدلله ومادري عن المناطق الثانيه ................
اتمنى اكون افدتك................