استفسار استفسارات لاهل كندا ..... حاسب

كم المدة الزمنية بين تدقيق الاوراق والترشيح النهائي ومتى يتم اصدار قرار الابتعاث؟
- تقدري تقولي ان سفرتك ان شاء الله راح تكون شهر 3 او 4 ميلادي

هل في حال ترشحت نهائيا هل استلم الضمان المالي قبل سفري ام عند وصولي في بلد الابتعاث ؟
- الضمان المالي ماراح تعطيك ياه الوزاره إلا إذا طلبتيه منهم... هم ماراح يعطوك ياه لانهم راح يرسلوه مباشره للسفاره الكنديه... بس إذا طلبتيه عشين تقدمين على جامعات وانتي في السعوديه مثلا راح يرسلوه لك... وبرضوا لمن توصلي كندا تقدري تطلبيه من الملحقيه.. يعني الان ماتحتاجيه إلا اذا كنتي تبغين تقدمين على جامعات الان.. وفي الملتقى راح يتكملوا عن ذي النقطه

عند وصولي لبلد الابتعاث هل هناك اجراءات معينة تابعة للمحلقية وماالمدة الزمنية التي اسطتيع انهاء هذه الاجراءات فيها
- ايوه في اجراءات وهي سهله لانه كلها الكترونيه.. بس تدخلين موقع الملحقيه وتعبي البيانات وترفقي صور الكترونيه اللي هي عباره عن صوره الشهاده وقرارا الابتعاث وكشف الدرجات و و و ..... والافضل تجين كندا ويكون في جهازك صور من كل اوراقك الخاصه بالبعثه يعني بدل ماتجين هنا وتدورين سكانر!! يصير بس لمن توصلي كندا تاخذين ورقه من المعهد وتسوي لها سكان
طبعا هذا الشغل كله جدا جدا سهل وفي شرح له في موقع الملحقيه
فتح الملف يستغرق تقريبا اسبوعين من ارسال جميع البيانات والملفات عن طريق الموقع

هل اقدر اضيف ابنتي للبعثة لاحقا بعد ذهابي لمقر الابتعاث وهل تاخذ وقت ؟
- في هذه النقطه تقدري تراجعي بعض المواضيع في المنتدى لانه للاسف ماعندي خبره بذا الموضوع
بس هي تنزلها مكافأه بس مو زي مكافأتك ..

هل يوجد مدارس سعودية للمرحلة الابتدائية بكندا ؟
- برضوا ذي النقطه مابغا اتفلسف فيها وانا ماني متأكد من كل شي.... بس اوتاوا هي العاصمه وشي اكيد فيها

http://www.saudischool.ca/


انا خريجة علوم حاسب تخصص نظم معلومات ابغى تقولولي على جامعة بكندا بمدينة اقدر اجيب فيها قبول بسهولة لتخصص الحاسب ماستر وكمان فيها مدارس سعودية عشان بنتي ؟
- اذا تقديرك جيدجدا فأكيد بإذن الله راح تحصلي قبول.. بس باقي لك شرط اللغه
في جامعتين في اوتاوا تقدري تدرسي فيها تخصصك
جامعه اوتاوا http://www.grad.uottawa.ca/Default.aspx?tabid=1727&monControl=Programmes&Prog Id=985
وجامعه كارلتون Carleton University Graduate Calendar 2010-2011 طبعا برضوا عندهم تخصص ماجستير علوم حاسب الي
وفي جامعات غيرهم

هل يكفيني الراتب الشهري ؟
- يب

وبالنسبة للفيزا هل انا اسويها بنفسي ام عند ترشيحي نهائي تصدرلي فيزا مباشرة ؟
في الملتقى راح يعطوك قبول المعهد وقتها راح تقدمي على الفيزا
اذا تبغين تروحي مدينه معينه جيبي قبول من معهد لغه فيها عشين تقدري تعطيه الوزاره وتعتمده وتروحي للمدينه اللي تبغينها وترا قبول اللغه بإمكانك الحصول عليه مجانا

اريد انا اصطحب شغالتي معايا هل في شي بخصوصها لازم احضره وهل يقبلوها كمرافق
ماراح يقبلوها كمرافق
وبخصوص الشغاله ممكن تحصلي مواضيع تساعدك في المنتدى
في الملتقى تقدري تسأليهم عن الشغاله
الافضل انك تاخذي الحذر في ذي النقطه.. بما انك في كندا لازم تتبعي قوانين البلد.. يعني الخدامه ماتشتغل ماشالله 7 ايام في الاسبوع زي السعوديه لازم تعطيها اجازه يوم ولا تقدر ترفع عليك قضيه.... ابحثني عن مواضيع بذا الخصوص في المنتدى

- انا محرمي غير سعودي هل له مخصصات مالية وتذكرة سفر ام لا ؟
بصراحه مدري.. بس انا قرأت في المنتدى كذا موضوع بذا الخصوص وكلهم اتفقوا نه تنزله مخصصات ماليه من راتب وغيره وتذاكر. وهذا هو الشي المنطقي بس اللي كتبوا عن ذا الموضوع اختلفوا في انه يحق له دراسه اللغه ام لا... في الملتقى تقدري تسألي ذا السؤال عشين تاخذي الجواب الاكييييد


وانا طالعة انا وبنتي وولدي وشغالتي واخويا
انا هادرس وبنتي هاتلتحق بمدرسة ابتدائي هناك يعني فيزا دراسية؟
اما ولدي واخويا فيزا زائر كما فهمت ؟
هل هذا صحيح
- بخصوص الفيزا ماقدر افيدك... بس انصحك تروحي لمكتب الفيفا اذا كنتي في الغربيه وتسألي هناك وهم راح يعطوك ان شاءالله الجواب الاكيد لاني كمان انا اسمع انه في فيزه اسمها فيزه مرافق بس ماشوف الناس تقدم عليها مدري ليه!! بس سوري ماقدر افيدك بذا الموضوع

ارجو افادتي بالجو العام لكندا من ناحية المعيشة والاسعار والايجارات
- هذه تعتمد من مدينه الى مدينه
زي مثلا اوتاوا ارخص من فانكوفر من ناحيه الايجارات
المدن الكبيره اغلى من الصغيره زي مثلا فانكوفر وتورنتو ومونتريال تعتبر غاليه
بس على العموم المكافأه الحمدالله تكفي

وبالتوفيق ان شاء الله
واذا احتجتي شي نحنا حاضرين

يسلموووووووووو اخي الكريم

بانتظار المزيد من الاجابات الشافية

سلام عليكم
انا راح ارد عليك بختصار شديد لبعض الاسأله بنسبه للوقت يخذ وقت اول شي ترشيح بعده ممكن شهرين يجيك تدقيق الاوراق وبعدها ممكن شهر يجيك موعد الملتقى وهوه الاقبول الاخير وقبله يجيك قبول الغه في الملتقى تخذي ورقت الضمان المالي لسفاره فقط عشان تطلعي الفيزه اذا كان معاك محر يعمل يخذ ورقه لعمله من الملتقى عادتن يكون ثلاثه ايام على حسب وبع كذا تروحي تضبطي اوراق الفيز طبعن الوزاره معليها منك في النحيه هذي انتي تضبطيها بنفسك ممكن تخذ شهر لما ترسليها وتجيك اذا عندك دارسين تجيبيلهم قبول عشان يخذو فيزه درسيه بعد متطلعي الفيزه تروحي وتطلعي قرار البتعاث وامر الاركاب في يوم واحد وتحددي موعد السفر كل الاشيئ هذ تخذ منك ممكن 3 شهور بعد قبولك الاخير بنسبه لولدك اذا يدرس في الابتدائي يدرسوه على حسابهم وفيه مدارس اسلاميه كثيره بنسبه للفلوس ما تصرفلك الا لما توصلي بتاريخ 20 الى 25 وقت نزول المكافأه يعني انتي نزلتي بتاريخ 1 مثلان تصرفلك بتا ريخ 20 يعين جيبي معاك فلوس اقل شي 3000 دولار عشان اول شهر واي خدمه انا موجود