ارجو المساعده

اخذ العائلة معك في البداية ان شاء الله مافيها ابدا مشاكل
لانه توجد مدارس ابتدائية تدرس المناهج السعودية

وباقي الاستفسارت ان شاء الاخوان ماراح يقصرو معك

ونسال الله لنا ولكم التوفيق والنجاح

بعد السلام عليكم نقول لك وعليك السلام ورحمة الله وبركاته ،، هلا بك أبو ربه .

شوف وناخوك بخصوص الالتحاق بالبعثة مافيه انسان يقدر يفيدك فيه أبد ،، ممكن ناس تقولك شهرين وممكن يقولون لك اربعه ،، لكن نصيحتي لك لاتعتمد على هالتخمينات وتغامر وتنصدم أنه ماتم ضمك الا عقب انهائك مرحلة اللغة ،، فضع براسك ان الملحقية ماراح تلحقك الا عقب انهاء مرحلة اللغة وانت احسبها .

وبخصوص نصيحتي لك ،، فانا انصحك تسافر وحدك وتخلي عيالك لحد ماتجيك البعثة ان شا ءالله ،، لان كندا غاليه حيل بصراحة وبتتعب كثير وبيتعبون عيالك من جوها فروح وحدك والله يستر عليك .

وعلفكرة اصحاب الماجستير يضمونهم أسرع من اصحاب البكالريوس والله أعلم .

بالتوفيق

الله يجزاكم خير
من كلامك اخي قوطي فاضي انا تراني بطلت من كندا المثل يقول فجعت الذيب ولا ذبحت
طيب اشرايك في بريطانيا في الضم للبعثة

هلا بك يالغالي .

شوفي انا ماقلت هالكلام عشان أحطمك لا ،، انا ابيك تعرف هالمعلومات قبل ماتسافر وتنصدم بغلا الاسعار اللي فيها خاصة وان عملتها الان تساوي 3،85 ريال ، يعني اكثر من الدولار الامريكي .

فأنت اذا تشوف نفسك بتتقن اللغة في فترة بسيطة ان شاء الله توكل على الله وروح ،، وعقب ماتنهي مرحلة اللغة ان شاء الله يضمونك خاصة وانك تبي ماجستير ،، اما اذا تشوف اللغة عندك معدومة ومحتاج وقت طويل لاتستعجل بقرارك وفكر .

بالنسبة لبريطانيا اللي اعرفه ان الابتعاث فيها موقف من فترة بسبب تكدس الطلاب ،، ولا اعلم هل الماجستير متوقفة ايضا ام لا .

وبالنسبة لنيوزيلندا هي الارخص من بين الدول اللتي لغتها الام انجليزي ولكن الاهتمام من قبل الحكومة والملحقية ليس بمثل الاهتمام بأمريكا او كندا .

وبالنسبة لي أنا لو خيرتني بين هالدول راح اختار أمريكا ،، المعيشة والسكن فيها ارخص من كندا ،، والديرة كبيرة فيها الولاية الدافئة والولاية الباردة ،، فيها الولاية الرخيصة والولاية الغالية ،، والحكومة مهتمة فيها جدا ،، ولكن مشكلتها ان دراسة اللغة فيها أغلى من كندا والله اعلم .

فأنت اذا ودك تروح لامريكا وتشوف الوضع والمعيشة وثمن تقرر هل تجيب عيالك مبكر او تأخرهم شوي ،، واذا نويت امريكا انا انصحك بولاية تكساس بالنسبة للاسعار والامن .

فأستخير الله وتوكل عليه ،، ولاتعتمد على كلامي فقط ،، ابحث وشوف بنفسك وثمن قرر

بالتوفيق