ضروري

بعد السلام عليكم نقولك وعليك السلام ورحمة الله وبركاته ،، هلا بك يالاخو .

ياليت مرهـ ثانية ترتب موضوعك على شكل أسالة عشان يقدر الجميع يفيدك والله يوفقك .

بالنسبة للاغراض اللي تاخذها معك فلو تفر المنتدى راح تلاقي اسئلة كثيرة عن هذا الجانب وراح تفيدك كثير ،، وبخصوص الافياش حقت الكهرب يارجال لاتشغل بالك راح تلاقيها في كندا وماراح يكلفك اكثر من 5 دولار .

وبخصوص الاوراق اللي بالمطار ،، انت خل كل الاوراق معاك في شنطة الكتف ،، ورقة قبول المعهد واذا سألوك عن قبول الجامعه طلع لهم واذا معك ورقة شهادة بنكية اللي فيها رصيد المتكفل بمصاريفك وضع عنوان السكن اللي بتسكن فيه سواء كان سكن مع عائلة او سكن خارجي وضع رقمهم ايضا في ورقة خارجية معك ،، ولا تكثر معاهم اسالة واستفسارات ،، فقط ان سألك سؤال رد عليه بالجواب واسكت .

وبالنسبة للاستدي بيرمت راح يعطونه لك في المطار .

وبالنسبة للدخان فانا أنصحك نصيحة لوجه الله تترك الدخان لانه راح يحرقك حرق في كندا وبيطير ميزانيتك فووق تحت ،، ونا اخبر واحد من الزملاء كان جايب معه أربعه كروز اعتقد ،، ولكن هل راح يسببون لك مشاكل بسببها الله أعلم ،، لذلك أبعد عن الدخان وفك نفسك من المغامرات وانت واللي يريحك .

وبعض الاغراض السريعه اللي انصحك تاخذها ،، مصحف كريم وسجادة صلاة ، وضع جميع الاوراق تبعك من شهادة ثانوية مترجمة وصورة بطاقة وجواز وغيرها في فلاش صغير معك وسوي لها سكان داخله ،، وحاول انك تضع لك من كل ورقة نسختين او ثلاث من باب الاحتياط ،، وشيك على بطاقة الصراف تبعك هل هي دوليه او لا ،، وراح يعطونك ورقة تعبيها في الطائرة اذا مافهمتها لاتتفلسف فيها ،، خل احد المضيفات تساعدك في تعبئتها .

ومايحضرني شي الان ومثل ماقلت لك ابحث في المنتدى وراح تلاقي .

بالتوفيق

اخوي توصل بالسلامه

اولا لاتشيل هم شي كل امورك انشاءالله بتتسهل وكل شي موجود

بس في شي بذكرك فيه جيب معك ابريق للحمام وانت بكرامه لأنه ما بتلاقيه هنا .

وبالتوفيق

انا بكون معك كلامي غير قوطي تماما ..

اول شي توصل بسلامة ثاني شي بختصار مفيد اول شي الاوراق المهمه سو لها سكان واحفظها في ايميلك الرسمي .
بعدين الاوراق التي لزم تكون معك في شنطة اليد هي ( ورقة القبول حق الجامعة او المعهد الغة وا ورقة السكن وعند من بتسكن وا ورقه مهمه جدا جدا الي هي الورقة التي عطوكيها السفارة الكندية مع الجواز ورقة عادية لكن مكتوب فيها اشياء مهمه وجواز السفر وورقة او كرت بتعبيه في الطائره قبل ماتوصل .
اما بنسبة لستخدام الفيزه وشحنها انا انصحك تشحنها بمبلغ ويكون معك مبلغ بدولار الكندي كاش ٥٠٠ دولار اقل شي والباقي في حسابك .

اما بنسة للافياش فكتب بقوقل وبتطلع لك صور الفياش المطلوبه ..

اما بنسبة لدخان فعذرني ماقدر افيدك ..

واهل بك في فانكوفر عند الزقرة الي هناك والله يانت بتخق بتفتح فمك اسبوع هههههه .

واذا تبي البرد والثلج ابد ادمنتون حبيبة الشعب واولهم انا حياك ^_^

دمتوم بوود

ههههههههههههههههههههههه
لا بريق ولا هم يحزنون تخيل يشيل بريقه من السعودية ..
وبعدين اذا جاب بريق زي ماتقول وين بيغسل في البانيو مثلا ....!!؟؟
ههههههههه
ابد فيه منديل مخصصه ناعمه وش حليلها ويغسل بعدها والي مايبي الله يعينه اذا اءءء يتروش وانتهى الموضوع .

انا رحلتي بعداسبوعين
طيب الحين بسالك كم تاخذ معك شنطة لانو مكتب الطيار وهقني وقال انو بس ناخذ شنطة وحدة وزنها 23كيلو غرام...
انا اللي اعرف انو ناخذ شنطتين بس هوا قال لا النظام تغير من ثلاث شهور وصارت قطعة وحدة بالشحن صحيح كلاموولا لا ..
بليييييييييييييييييييز علموني الصح لاني تضايعة...

اول شي مشكورين حبايبي ما قصرتو هو كل شي تمام بس المشكله بالسكن انا الى الحين ما عندي عائله ولا شي انا ناوي اروح هناك وادور عائله بنفسي هل بيكون مشكله بالمطار يعني لازم عندي عنوان سكن اعطيهم

وبالنسبه لك اختي دانه الوزن والشنط تختلف من طيران الى طيران انا الطيران البريطاني ماخذ معي شنطه كبيره وشنطه وسط وشنطة كتف وكلها فل ههههههههههه انتي ايش طيرانك ومتى رحلتك

انا سالفة الشنط وعددها لخبطت ترتيباتي انا ع الطيران الالماني( الرياض _فرانكفورت_فانكوفر)
رحلتي 29 سبتمبر