آدخل آفدني بيجي يوم تحتاج من يفيدك

عليكم السلام ورحمه الله وبركاته

اخوي بكندا تقدر تسوي كل شي الي يعجبك بمعنى انك تقدر تدرس بمعهد تابع للجامعه ولما تخلص تقدر تدرس بولايه ثانيه وجامعه ثانيه لكن الفرق الي بيكون انك لو درست بنفس الجامعه الي فيها المعهد مايسوون لك اختبار توفل ولا يطلبون منك اي اختبار للتوفل

لما تخلص المعهد وتروح لجامعه ثانيه راح يطلبون منك اختبار توفل ولازم تجيب درجه محدده هم طالبيها واذا ماجبتها تدرس عندهم لغه لين ماتكمل وتجيب العلامه الي هم طالبيها باللغه

وبقولك نصيحه لله عشان ماتضيع وقتك ولا تتعب

ركز اول شي في لغه لانها هي المفتاح الي يدخلك للجامعه ولو عندك لغه قوية تقدر تدخل اي جامعه واي قسم بدون اي مشكله المهم انك بالاختبار مال توفل تجيب الدرجه المطلوبه ولاتحاتي الامور طيبه اهم شي تخلص موضوع لغة على خير وقبول الجامعه مب مشكله

واي استفسار ثاني انا حاضر

جعل ربي يفتح لك كل ماتتمناه بحياتك ..


انا با الانجليزي خفيف اعرف ابدرس با السعوديه كم شهر وبروح ..

تقدر تجيب لي قبول للجامعه وكم ياخذون قبول للجامعه

شوف يلغالي انا خبرتك ونصحتك لكن ماادري شكلك ماتبى تسمع النصيحه

دام بيزاتك موجوده يخلقون لك قبول بأي جامعه تباها

الانجليزي الخفيف الي عندك ماراح ينفعك ولا تفكر ان ينفعك بكندا ونصيحه تعال كندا بالقبول الي عندك مال لغه ادخل وقوي لغتك وبعدها لما تقدم على اي جامعه بدون نقاش تقبلك وقبول الجامعه الحين ماينفعك لانك ماتضمن بتجيب لهم علامه توفل الي هم يبونها لذلك اقولك ركز في لغه الحينه صدقني راح تتعب على الفاضي وبالنهايه بتتذكر كلامي وتقول ياليتني سمعت كلام فزعتكم

الجامعات فاتحين عشان رزقهم وتدري ان رزقهم يكون على الطلاب ودام بيزاتك موجوده تسير وتدفع رسوم تسجيل ويسوون لك موعد اختبار وكل الامور طيبه وبنفس الوقت يكون عندك اطلاع على الجامعات وتسمع الكلام وتقدر تقرر شو الي ينفعك وشو الي ماينفعك

انا بالنسبه لي مااقدر اجيبلك قبول ونصحتك لله وانت على راحتك بعد