الملابس و الاحذيه الشتويه - جديده على برد كندا

السلام عليكم .. في محل اتوقع انه ارخص و بنفس جودة اللي ذكرتيه .. من ناحية اكوات للبرد و ايضاً شوزات مقاومة للماء و الثلج و البرودة اسمه

THE NORTH FACE

اتوقع اغلب اللي بكندا يعرفون هذا المحل .. تحصلين عنوانه من Google .. تحياتي لك

عندك دي الشركات
Colombia
North Face
Point Zero تعتبر رخيصة نسبيا
ممكن تشتريها من سيرزSears بعض الاحيان ينزلو تخفيضات على الموديل القديم او حق السنة اللي راحت
اهم شي يكون - 30 - -40 وطبعا انتي ممكن تشتري واذا ماعجبك ممكن ترديه اتوقع في اسبوعين والجزمة خديها من الوول مارت اذا تبي وممكن ترديها كمان اذا شفتي انو ما ناسبك
تبغي شي غالي ويعيش معاكي روحي محل اسمو
Sport Check يعني يجيكي الجاكت ب 400 دولار بس يدفييييي يعني بس تيشيرت تحتو وصلى الله وبارك ولا تنسي القفازات ممكن تاخذيها من الوول مارت كمان او سبورت تشيك
نصيحة تحت الجنز البسي شي قطني طويل عشان تدفي رجولك لأنو البرد مايرحم طبعا انا باتكلم عن تجربة عشتها في كندا وصلت درجة الحرارة الى -50 مع الوند شل Wind chill

جزاكم الله خير ..
طيب كيف بالنسبة للاحذية الله يكرمكم ..
اذا اشتريت شئ مررره دافي راح يكون مزعج داخل الفصل !!!
كيف تتعاملوا معاها ؟؟؟؟

سؤال مررررة حلو
ننتظر الجواب-------------
شكرا صاحبة الموضوع على طرحه
اخ مصطفى اجباتك جدا شااااافية
جزاك الله خيرات الله

السلام عليكم

للمعلوميه اولا قبل كل شي اذا كنتي من سكان فانكوفر فلا ياتيهم برد قوي جدا زي المدن الشماليه او الشرقيه

ثانيا لاتخسري نفسه وتشتري اشياء كثيره شتويه مالها لازم انا شريت جاكيت فقط وشوز ولا احتاج لاي شي ثاني لان داخل المباني والقاعه حررر وراح يضايقك
الجاكيت من شركه قويه اسمها TUNDRA CANADA بي 250 دولار وحر بعد ومعه قبعه اطراف فرو طبعا محشي موب داخل ريش
فقط اللبس هذا الجاكيت وتحت اللبس تيشيرت فقط نص كم وحررر ودرجه الحراره -5 تحت الصفر والارض بيضااااء
واعتقد انها تتبع لشركه CANADA GOOSE بس كندا قوست غاليه جداااا ممكن اقل حاجه 600 دولار وفيها

تحياتي لكم واتمنى اني افدتكم

اختي الله يعافيكي ويجزاكي خير
في احذية طويلة توصل للساق وشكلها حلو ممكن تلبسيها في الكلاس عادي وبالنسبة لية انا كنت البس شي يصلح ل -50 بس افسخو في معهد اللغة طبعا يكون عندي لوكر رووم( مخزن صغير تحطي فيه اغراضك) تستاجري بشي رمزي. عموما ما تبغي قروشة اللوكر روم خدي شي تحسي انو كويس الين ربع الساق وجربي في البرد يعني استني البرد الين ييجي او استني الثلج بشكل اصح ,ماعجبك اسبوعين اغلب المحلات وتردي بس لا تنسي تجربي قدام البيت عشان بعدين اذا استخدمتي كثير ممكن مايرجعو (الاحوط اسالي البائع/ة هذا مناسب للبرد -30 او -40) طبعا جزم الدلع انسيها في البرد ووفريها للصيف
نصيحة اذا خرجاتك كثيرة مع صاحباتك ومع زميلاتك في المعهد خدي شي يدفي عشان لا تندمي
واذا اخذتي جاكت طويل خلاص مشي الحال وممكن تلبسي تحتو زي ماتلبسي في الايام العادية ديك الساعة تحطي الجاكت في العليقة اللي في الكلاس واكثر الكلاسات موفرين عليقات
ما ادري شكلي طولت عليكم عذرا