استفسار بخصوص الفيزا الكنديه

بعد التحية:

والله يا اختي على حد علمي ان الابليكيشنز عددهم ٣ وليس خمسه. الابليكيشنز موجوده على هذا الرابط Application For a Temporary Resident Visa to Visit Canada اذا فتحتي الصفحه ونزلتي تحت اخر شي راح تلقين مجموعه ملفات PDF، مطلوب منك تعبين الملفات التالية: ١- Application for Temporary Resident Visa Made Outside of Canad هذا يكون خاص بمعلوماتك الشخصيه انتي نفسك.
٢- Family Information هذا يكون فيه معلومات اهلك، واذا قريتي الابليكيشن راح تشوفين في خانه تسالك عن اذا كان في شخص راح يرافقك من الاهل او لا . انتي حطي لا عند جميع اسماء اهلك ما عدا اخوك. ( اخوك لازم يعبي نفس الاوراق الابليكيشنز برضو)
٣- Schedule 1 - Application for a Temporary Resident Visa Made Outside of Canada خاص بالخدمه العسكريه الي انتي راح تجاوبين على الاسئله بـ لا . ومن ثم ترفقين الاوراق المطلوبه الاخرى : ( جواز السفر، صور شخصيه بحجم صورة الجواز عدد ٢. الصور الشخصيه يكون مكتوب عليها من الخلف اسمك وتاريخ ميلادك، كشف الحساب البنكي، وشيك مكتوب باسمهم - تاكدي من اسم المستلم في الشيك لانه والله ما يحضرني الان- ، وقبول المعهد، واخر شهاده دراسيه ). واخوك يفعل نفس العمليه ويعبي نفس الاوراق.
ملاحظه: الابليكيشنز الثاني والثالث ما تقدرين تحفظينهم على جهازك، بمعنى انك اول ما تعبينهم يستحب يكون يمك طابعه عشان تطبعينهم على طول.

موفقه

وبعدين ارسليهم على السفاره!

يعطيكم العافيه على المعلومات

ربي يسهلها لنا كلنا ان شاء الله

عفوا يا أخوي

الاخت تريد الفيزا الدراسية

أختي أستفيدي من هذا الموضوع

http://www.mbt3th.us/vb/forum108/thread278776.html

حياك الله يالغالي: هي نفسها الروابط الي عطيتها اياها هي الفيزا الدراسيه. اول ما تفتح الابليكيشن تطلع لك لسته خيارات ( سياحه، دراسه، عمل، اخرى) كل ما عليك هو ان تختار دراسه. للمعلوميه فقط انا توني مجدد فيزتي قبل اسبوعين وكل الخطوات الي ذكرتها استخدمتها في تجديد فيزتي.
شاكر لك حرصك

Calgarian الف شكر والله لايحرمك الأجر

شاكره للجميع المرور