بعض الاسئلة بخصوص الفيزا الكندية

December 1st, 2011, 07:08 PM

السلام عليكم و رحمة الله و بركاته ,,


بداية على أساس تكون معلوماتي واضحة بالنسبة لكم , أنا مبتعثة من جامعتي للدراسة في كندا , جبت ورقة قبول من معهد و كورسي راح يبدأ في شهر أبريل ,,,

و تطبيقا لنصائح الأخوة و الأخوات هنا , قررت أعبي الأبلكيشنز بنفسي لأنها صدق سهلة و ما تحتاج إلا شوية تركيز مثل ما قالوا , فعيب علي ما أسوي شي سهل و عيب

علي أكون اتكالية من بداية مشواري التغربي , و ما له داعي أدفع رسوم مبالغ فيها .


كم ابلكيشن يجب علي تعبئته ؟ أردت فقط التأكد .. عبيت ثلاث نماذج

الأول عن المبتعث نفسه
و الثاني عن العائلة
و الثالث التكميلي

عندي استفسارات و اسئلة في كل أبلكيشن للأسف

بالنسبة للأبلكيشن الأول اللي عن المبتعث نفسه :

1- هل الخانات اللي ما لها معلومات نتركها فاضية ؟ أو لازم نكتب N\A في كل خانة ما نعبيها ؟

و 2- بالنسبة لصندوق البريد و الرمز البريدي ؟ نعبيه و إلا نتركه فاضي ؟ أنا بخانة P O BOX كتبت صندوق البريد , و بخانة الرمز البريدي كتبت الرمز البريدي بس ما أدري

أحس لازم يكونوا مع بعض أو ورى بعض ؟ و إلا أنا غلطانة ؟

بالنسبة للآبلكيشن التكميلي :

A فقرة 4 معلومات الرحلة , قرأت نكتب تاريخ الرحلة قبل بداية الكورس باسبوعين , و زمن الوصول بعد التاريخ اللي ابكتبه بيوم

مثلا أبكتب إنه في تاريخ 20\3\2012 يوم رحلتي ,, و تاريخ الوصول أبخليه 21\3\2012 .. صح كذا ؟ و طيب تاريخ المغادرة وش أحطه ؟ أنا كورسي 3 شهور بينتهي في 22 جون و هذا المكتوب في ورقة القبول

لكن ما رح أرجع للسعودية أبكمل إن شاء الله .. هل أألف لي تاريخ متوقع من راسي ؟ و إلا أكتب بعد 22 جون بأسبوع ؟


و بالنسبة لــ E ,, هذي كلها على بعضها مدري وش أكتب فيها أو بالأحرى ما ودي أكتب شيء لست متأكدة منه ,, يعني الآيجنت نيم من أكتب اسمه ؟ اسم الموظفة اللي ارسلت لي القبول ؟ و الفون نمبر رقمها ؟

و الجدول معلومات الكورس صح ؟ يا ليت أحد يعلمني وش اللي اكتبه بالضبط في هالفقرة , و بالنسبة للشخص اللي بيدفع ؟ هو التعليم العالي لكن كاتبين الاسم الكامل و صلة القرابة و رقم الهاتف ...




الآن نجي على الأشياء اللي لازم أرفقها مع الآبلكيشنز ...

قريت و فصفصت مواضيع المنتدى تقريبا .. لكن ما زال عندي بعض الشكوك و ودي اتأكد ..

1\ قرأت إنه لازم أجيب آخر مؤهل حصلت عليه و السجل الأكاديمي , و هذي سهلة شهادتي البكالوريوس و سجلي مترجمة و جاهزة و كل شي تمام الحمد لله , لكن قريت إنه لازم

بعد شهادة الثانوي و ناس يقولون مهوب لازم شهادة الثانوي ,, مشكلتي اني تخرجت من الثانوي عام 1426 هـ أي قبل ما ترجم الوزارة الشهادات , معناها يبي من يترجمها و و و .

2\ الضمان المالي ما هو الضمان المالي المطلوب ؟ جامعتي عطتني ضمان مالي باسم جامعة تورنتو هل عادي أصوره و أعطيه السفارة و إلا لازم ضمان آخر من جامعتي باسمهم ؟ أقصد موجه للسفارة الكندية ؟

3\ بالنسبة للصورة قرأت أنه لازم تكون منابت الشعر واضحة , هل صحيح هالكلام ؟ لأن صوري حجابي فوق حواجبي يعني ما وضحت منابت الشعر , و إلا عادي ما يدققون ؟






جزاكم الله خيرا و شاكرة لكم تعاونكم سلفا ..

• نشر عبر تويتر
• نشر عبر فيسبوك
• نشر عبر جوجل