لدي مشكلة مع مكتب الهجرة الكندي ارجو المساعدة؟

December 5th, 2011, 04:23 AM

السلام عليكم ورحمة الله وبركاته


اخوان الكرام بتكلم بالعامية لان الفصحى رايحة فيها ههههههههههههههههههههههههه

انا انتهى تصريح الدراسة حقي والفيزا شهر 2 الماضي وطبعا لما ارسلت اوراقي لتجديد تصريح الدراسة الى مكتب الهجرة الكندي عن طريق البريد الكندي مو اونلاين
اضفت الابلكيشن+صورة الجواز+الضمان المالي+القبول الجامعي+ترانسكربت من المعهد+صورة من تصريح الدراسة المنتهي+صورة من الفيزا المنتهيه

وحطيتها داخل الظرف وارسلتها عن طريق البريد الكندي قبل لا ينتهي تصريح الدراسة بـ20 يوم واستلموا اوراقي ومثل ما هو مكتوب في موقع الامقريشن تصريح الدراسة يقعد لمدة 90 يوم حتى يتجدد
لو صار الي صار وطول بالمرة 6 شهور ما يتعداها ولكن للاسف انا حظي زي الزفت صرت اتصل عليهم بين فترة وفترة وكل ما اكلمهم يقولون لي انتظر بيجيك تصريح الدراسة قريب
وسحبوا فيني شهرين 3 4 5 6 7 8 9 قعدت 9 شهور انتظار وكل ما اتصل عليهم يقولون انتظر انتظر انتظر

بعد طول انتظار رد علي موظف وقال اسمع حنا استقبلنا كل اوراقك ما عدا الابلكيشن ما استلمناه قلت شلون ما استلمتوه وانا مرسله يعني بالله من كامل عقلك برسل اوراقك من غير ابلكيشن
قال لا ما استلمنا شي وانت لازم تغادر كندا بأسرع وقت ممكن قلت طيب ليش اغادر كندا خير ان شاء الله انا متاكد مرسل اوراقي كاملة قلت له طيب نفرض انو انا ما حطيت الابلكيشن طيب انتم عارفين عنواني تلفون البيت والجوال وايميلي وعنوان المعهد وتلفون المعهد كل الاشاء هاذي عندكم ليش ما ارسلتوا لي شي قالوا حنا ارسلنا لك قلت انا اشيك من المعهد بشكل يومي وما وصلني اي ورقة منكم
لان انا اعرف الامقريشن اذا كانت اوراقك ناقصه على طول يرجعون لك اوراقك ويقولون كمل الناقص المهم صار الي صار وكلمنا سفارتنا وملحقيتنا العزيزة ولا حياة لمن تنادي حتى مستشار الملحقيه القانوني طلع مثل ربعنا واخس بعد ما سوالي ولا شي فابغى اي حل منكم يا جماعه اي نصيحة اي شي اقدر اسويه انا المشكلة مالي اي ذنب ولو طلعت برا كندا معناته ممكن يرفضوني او يروح علي الترم الجاي ( وعاد دوبي بديت الجامعه سبتمبر الي راح ((((( ارجو الافادة وشكرا

• نشر عبر تويتر
• نشر عبر فيسبوك
• نشر عبر جوجل