تحويل الريال للدورلار الكندي كيف الطريقه ؟؟؟ الي يعرف يدخل الله يوفقه :)

سلام عليكم
معليش انا بطلع خارج موضوعك بس اذكر انك كنت من الناس اللي عانو مع السفاره وكنت متابع أخبارك بس فجاه انقطعت
وشكلك ماشاء الله استلمت الفيزا ومسافر ع كندا بس حبيت أقولك مبروك وتوصل بسلامه يارب وعقبالي تطلع الفيزا قريب
نصيحة لك ماتحمل معاك مبلغ كبير في المطار
وبالتوفيق لك ودعواتك لي

اسمع اخوي

٤٠ الف قسمهم ع حسابين

اذا معاك الاهلي حط فيه كذا ريال ،، والراجحي كذا ريال اريح لك وحاول انك ما تسحب كثيرررر عشان ما ياخذون عليك شي واجد
او طريقه ثانيه
حط في حسابك ١٠ الاف ريال و٣٠ الف خلهم عند اخوووك مثلا واذا وصلت هنا افتح حساب كندي وخل اخوك يحول الباقي عليهم اضمن لك

وبالتوفيق

السلام عليكم .. في حركة تقدر تسويها .. و سعر الصرف بعد يكون من صالحك .. قسم المبلغ على دفعتين ( كل دفعة ٢٠ الاف ريال ) .. و ارسل نصها لولد عمك من ويسترن يونين او تيلي موني .. قبل ما تحول يا غالي تقدر تشوف سعر الصرف .. يعني تشوف اليوم اللي فيه الدولار طايح تروح تحول دفعة .. البقية اللي معك خذ معك ١٠ الاف كاش ( حوله كندي يوصل حدود ٢٨٠٠ دولار ) و الباقي خليه مثلا بحسابك الاهلي او الراجحي او اي ما كان .. توصل بالسلامة و الله يوفقك .. تحياتي

وعليكم السلام ورحمة الله وبركاته ،، هلا بك يالغالي .

بالنسبة لوجهة نظري المتواضعه ،، اشوف انك تاخذ معاك مبلغ بسيط ( 1000 $ كندي كاش ) ،، اما باقي المبلغ ضعه في حسابك سواء في بنك الراجحي او الاهلي .

ومتى ما أحتجت شي بأمكانك تسحب من الصرافات المتواجدة في كندا مبلغ كبير مره وحده ( 800$ ) ،، لان مع كل سحبة ياخذون منك رسوم رمزية ،، وسعر الصرف راح يكون مناسب .

أشوف هالطريقة افضل من انك تحولها لهناك ،، او عن طريق الويسترن .

(( اهم شي تتأكد ان بطاقتك دولية ،، يعني راح تشتغل في كندا ))

بالتوفيق

اخواني هذا الموقع تقدرون تحولون العمله الي تريدون عليها

XE - Universal Currency Converter

الله يعطيكــم الف عافيــه ,, وشكرا على افادتكــم لي ياحبايبـــي ..

جاري العمــل على الافكار ..

اخوي k.m.s الله يوفقك ياغالي عقبال ماتطلعلك .. الفيزه طلعت بعد ماتعبتني نفســيا ..

بعد ما ارسلت الشكاوي لأيميــل السفاره , ارسلولي رسالـه قالولي الشيك حقـك منتهي تاريخــه . ارسلنا شيك جديد المهم انها قفلت معاي ذاك اليوم وفقدت الأمل أنها بتطلـع الفيزه .. رحت من بكره قلت خلني ابي اجرب حظي اخر مره يمكن تطلــع الفيزه , ورحت البنك و عملت شيك جديد وحطيت في نفس الرساله جميع فواتير الخساير الي خسرتها على الايجار والدراســه وارسلتلهم ايضا معاناتي مع الفيزه .. المهـم من بعد اسبوع ارسلولي رساله فيديكـس بأستلام رساله لك من السفاره الكنديه ,. والقى جوازي والفيـزه موجوده فيـه بعد معاناه معهم 9 شهـور ..

رحلتي يوم السبت الجاي بأذن الله تعالى ..

الله يعينك ياصاحب وتتوفق في الفيــزه انشالله , المهم انك تصبر وحاول لاتوقف ايميلات على ايميل السفاره الكنديه بالرياض عشان تذكرهم في موضوعك ..

الف تحيه لك

الله يسعدك و يوفقك والله اني فرحة لك يارجال
والله ارسلت لهم وقالو لي ان لسه الطلب تحت المراجعه وكلمتهم وقالوا لي أسبوعين وتطلع وخلصت أسبوعين ولا طلعت الله كريم
وانا صابر وان شاء الله تطلع قريب
دعواتك لي وبالتوفيق لك مره ثانيه

طيب معليش أنا عندي حوالي 7000 دولار كاش أقدر أودعها بحسابي بعد التحويل ؟
وإذا خليتها زي ماهي في مشاكل ؟؟