أبي مساعدتكم .... إلى من يمتهن مهنة الصيدلة أو المهن الصحية الأخرى

معقولة !!!!!!!!!!!!!!!!!

مافيه أحد عنده علم عن هالتخصص ؟؟؟

مازلت مؤمل فيكم الخير

دمتم بخير

الحمدلله اني لقيت واحد يجاوبني على أسئلتي >>>>> اكفش

فينك من زمان متخبي ؟؟






أنا من زماان ادور واحد صيدلاني يجاوبني على أسئلتي

قصتي باختصار : خريجة كيمياء بمعدل ممتاز مع مرتبة الشرف ومقدمه على ماستر صيدله لا وكمان متشرطه أبغى Clinical Pharmacy يعني نفس تخصصك وبصراحه متخوفه جدا أخاف ماأفلح في الصيدله (خاصة اني ام بزوره)

كيف هل هي صعبه وكيف حيبدأوا معاي الكورسات هل حتكون مكثفه وهل حأتخرج في سنتين ولا كيف ؟

أنا كان حلم حياتي أدرس صيدله بس أياميها كان لسه مافي هذا القسم في جامعتي المصونه والآن قدمت عليه في البعثه وانقبلت ولله الحمد فكلي حماس أجيب الماستر في الصيدله السريريه

هل ممكن تعطيني فكره عن الكورسات اللي اخذتها في البكالوريوس ؟؟
وكمان عن تخصص علم تركيب الأدويه وتخصص اقتصاديات الصيدله وفين حتوظف لو رجعت بالسلامه ؟

وهل فاكر شيء من أسماء الكتب المهمه في الصيدله ؟؟ أبغى أقوي الBackground حقي في الصيدله قبل السفر

سألتك بالله ماتطنشني والله المنتدى كله مالقيت فيه أحد صيدلاني غيرك

وآسفه اني خشيت عرض في الموضوع

نسيت أقولك

ترى Ph.D أظن انها درجه علميه يعني ماهي تخصص

يعني لو كملت دكتوراه تسير دكتور صيدلي Ph.D ان شاء الله

وأظن كمان انو في جامعات تخليك تعدي من مرحلة البكالوريوس لمرحلة الدكتوراه من غير ماجستير .. يبغالك تدور الله يعينك عاد

بس ماظنيت تخصص صعب زي الصيدله وفي دوله قبولاتها صعبه انك حتقدر تعمل الشيء هذا .ز

بس هذا علمي وسلامتكم

أولاً حياك الله أختي

مبروك التخرج وعقبال ماتنالين اللي في بالك !!!!!

بالنسبة لك بما إنك خريجة كيمياء ,,, فبإمكانك إكمال ماجستير في الصيدلة ... في علم الأدوية أو حتى في الصيدلة الصناعية أو الكيمياء الصيدلية .... بس الصيدلة السريرية أعتقد لابد إنك تدرسين كورسات من البكالوريوس لأنها تعتمد بشكل كبير على بعض المواد اللي تعتبر أساسية ,,,,

أما بالنسبة لكثافة الكورسات ,,,,, فأعتقد إنها راح تكون مكثفة أكيد ,,,,, خصوصاً إنك ماتحملين شهادة بكالوريوس صيدلة ,,,,, بس صدقيني لو تشدين حيلك بتنجحين .... وتعدين بسرعة ,,,, وتخصص إقتصاديات الدواء مهم جداً خصوصا إنه راح يطبقون التأمين الصحي عندنا .... يعني شركات التأمين راح تطلب صيادلة قانونيين يحملون شهادة اقتصاديات الدواء لأن اللي معه التخصص هذا يفيدهم في عملية تقليص الخسائر وزيادة المكاسب ,,,

أما الكتاب اللي أنصحك تقرئين منه ,,,, فعندك كتاب إسمه (( Comperhensive Pharmacy Review )) الكتاب هذا جداً خطير .... واللي يبغى ينجح في البورد الكندي أو البورد الأمريكي يقرأ من هالكتاب لأنه مفيد مرررررررررة ..!

Pharm.D تختلف عن Ph.D ..... الأولى مهنية يعني متخصصة .... والثانية مثل ماتفضلتي علمية

الأولى تعني Doctor of Pharmacy بينما الثانية Philosophy of Doctor ...... أعي تماماً الفرق بين الرمزين .... وشاكر لك

بالعكس أنا لاقي جامعة تسوي النظام هذا في أستراليا ..... بس أنا أبي روح البحث العلمي

أنا بس ألاقي قبول فارم دي ...... الللي بعده كله يهون

شكرا

اهلا اخوي clincal pharm. مادري اذا كان نظامكم لازم تاخد الرخصة الكندية ام لا زي خريجين كلية الطب ؟؟؟ اذا نفس الشي لازم تبحث في القنصلية عن مواعد الإختبار و تختبره علشان تحصل على الرخصة و بعدين تبأ مرحلة القبول
ثاني شي القبول تدخل على موقع الجامعات اللي انت محددها و اللي تدي الدرجة اللي انت تبيها و تعبي الأبلكيشن لأنه بما انه دراستك انجلش فلازم يكون عندك درجة توفل ( يعني لازم تختبر علشان هي وحدة من الشروط ) بعدين و بكالوريوس صيدلة يعني عندك كل الباكجراوند انك تدخل في البروجرام على طول والله يوفقك بس
اول شي اتأكد عن اختبار الرخصة ؟؟ اوك الله معاك
و يوفقنا جميعا

شكرا لك ياأخي على رفعك لمعنوياتي بعد ماكنت شاكه جدا في نفسي اني أهل لدراسة الصيدله (خايفه)

واذا على شدة الحيل الله يقدرنا جميعا نشد حيلنا وأصلا الجو هناك يساعد ع المذاكره لأنو مافي طلعات ولا غيره إلا في الويك اند ..

وراح أدور على الكتاب وأقتنيه باذن الله ..

وأنا بعد ماأوصل كندا باذن الله حأروح الجامعه وأسأل هناك عن التخصصين ( صيدله سريريه واقتصاديات صيدله ) وراح أستخير بينهم >>>>>>>>>>>>> ايش تنصحني ؟؟ .. بس المشكله هل تتوقع انو ألقى وظيفه هنا ( نسائيه) في شركات التأمين لمن أرجع ؟؟

أنا أعرف انو الصيدله السريريه مجالها الأول المستشفيات وهذه ضامنتها باذن الله لأنو النساء بيشتغلوا في المستشفيات .. بس اقتصاديات صيدله !! مدري والله

عموما ألف شكر لك وجزاك الله خير وسامحني كثرت عليك الأسئله .