استفسار الزوجة لها ابلكيشن لوحدها في الفيزا؟؟

هلا بك يالغالي

أي شخص راح يسافر معك لازم تقدم له على طلب منفرد ،، طبعا انت راح تقدم على فيزا دراسية ،، والمرافقين اللي معك اذا مايبون يدرسون قدم لهم على فيزا سياحية .

حتى لو كان طفل عمرهـ اشهر لابد يكون له ابلكيشن خاص .

وشوف هالرابط ان شاء الله يفيدك :
http://www.mbt3th.us/vb/forum108/thread278776.html

(( ملاحظة / أنا اشوف ولدك قريب من سن الدراسة ،، يعني اذا تشوف نفسك بتطول هناك وتبيه يدرس لازم تقدم له على فيزا دراسية عشان يدرس ))
بالتوفيق

ألف شكر لك عزيزى

كيف أطلب للولد فيزا دراسة وهو ماعنده ضمان مالي؟ ولا عادي ،، وهل أستطيع أقدم للزوجة و الابن تصريح دراسة من داخل كندا؟

هلا بك حبيبي

من داخل كندا ماراح تقدر تحول الفيزا لدراسية ،، لذلك اذا تبي ولدك ومرتك يدرسون قدم لهم من السعودية على فيزا دراسية .

بالنسبة للمرافقين اللي معك ،، مثل ماقالوا لنا الاخوان المبتعثين في المرحلة الاخيرة ،، ان الوزارة تعطي ضمان للمبتعث فقط ،، اما المرافقين عليهم احضار ضمان ،، فأنت هات ضمان مالي وكشف حساب عادي ومو شرط يكون مبلغ كبير ،، لطفلك ومرتك ،، من باب اكمال الاجراءات فقط ،،،، لان السفارة الكندية عارفه اساسا ان الحكومة راح تصرف على ولدك ومرتك لكن فقط من باب اكمال الاجراءات ،، حاول احضار ضمان مالي وكشف حساب لهم .

ومجرد ماتنرسل اوراقهم معك راح تكون مساعدة وبشكل كبير .

ان شاء الله فهمتني وناخوك .

بالتوفيق

تسلم يا الغالي
هل انت في كندا حاليا ؟
المفروض نكك،، فزاع ولا ذيبان ولا النشمي وش وداك عند قوطي فاضي

اخوي ،، زوجتك تقدر تقدم لها من داخل كندا ،، صحيح المفروض الستدي بيرمت تقدم عليه من برى كندا بس للزوج والزوجه فيه استثناء ،، بس بالنسبه للطفل ما ادري صراحه ،،
انا كنت جايه مع زوجي هو عنده قبول فاخذ ستدي بيرمت بس انا وولدي جينا كزائرين ،، بعد ما جبت قبول جامعي قدمت على ستدي بيرمت اون لاين من داخل كندا ووصلنا عالبريد ..

موفق

وناخوك مو معناها اذا ضبط معك الوضع راح يضبط مع البقية ،،، كندا بالمزاجية ماشفت مثلها ،، فليه يغامر على شغلة نسبة نجاحها غير مضمونه ،، وبأمكانه يسويها الآن بدون قلق ،، خاصة انهم كاتبين في مواقعهم الرسمية انه لا يمكنك تغير الفيزا من سياحية إلى دراسية من داخل كندا .

أنا انصحك بصراحة اذا ودك تقدم لهم على فيزا دراسية قدم لهم من السعودية وريح راسك لاني اعرف ناس رجعوهم من كندا بسبب هالشغلة ،، واذا ودك يدخلون بفيزة سياحية براحتك .

بالتوفيق

السؤال هو ما يحتاج ضمان مالي رسمي ؟؟ لأني مبتعث حكومي ولا يعطون ضمان للمرافقين ،، وعلى حسب كلام اخوي قوطي أنه ما يحتاج ضمان رسمي ويكفي كشف حساب بنكي ،، وعشان تطلع فيزا دارس لازم قبول معهد ،، المشكلة أن زوجتي لن تدرس الا بعد 3 أو 4 أشهر حسب الظروف وليس حسب مواعيد قبول المعهد ،، الشغلة مشربكة

هلا بك يابش مهندس ،،انت مشربك الوضع

شوف يالغالي انت مبتعث من جهة عملك وليس من وزارة التعليم ؟؟

على كلامك الجهة اللي مبتعثتك راح تعطيك ضمان لك انت فقط ،، ومالهم شغل بمرافقينك ،،، اذا احضر ورقة الضمان وكشف الحساب انت لمرافقينك ،، ( علفكرة انا ماقلت مايحتاج ضمان ) .

فأنت عليك توفر لمرافقينك ورقة الضمان وكشف الحساب سواء كان من عندك أو من عند شخص قريب مثلا والد زوجتك او اخوها وهكذا ،،، كشف الحساب لاخر 4 اشهر ،، وورقة الضمان انا واضع عينه لها في شرحي للتقديم على الفيزا .

بالنسبة لقبول المعهد طفلك ماراح يحتاج قبول معهد ،، لكن زوجتك راح تحتاج لقبول ،، لذلك راسل نفس المعهد اللي اخذت قبول منه وخلهم يرسلون لك قبول لزوجتك .

ومايهم تدرس خلال شهر او شهرين ،، لان كندا مو مثل امريكا راح تستقعد لك اذا مارحت تدرس .

وعلعموم يالغالي انا ماعندي خلفية كثير عن ابتعاث الموظفين من جهات عملهم ،، هل يصرفون لها راتب وهي ماتدرس وغيرهـ ،، فانت رتب وضعك وعلمنا وش ناوي تسوي واي سؤال نعرف اجابته ان شاء الله مانقصر معك .

(( أنا بصراحة اقترح عليك وهو مجرد اقتراح ،، انه اذا جهة عملك ماراح تصرف راتب لزوجتك وهي ماتدرس ،، قدم لها طلب الفيزا معك ،، وعقب ماتطلع الفيز ان شاء الله ،، اطلع انت وحدك لكندا ،، ومتى ماخلصت ظروف مرتك خلها تجيك هي وولدك ،، وتكون انت مرتب السكن وكل الامور ،، هذا اذا كنت تبيها تدرس )) .

وعلفكرة اغلب المعاهد التجارية هناك اذا تبي تدرس فيها لغة ماتسالك هل معك فيزا دراسية هل معك تصريح دراسة ،، كل تفكيرهم دراهمك ،، فقط تدفع لهم وتدخل الكلاس ،، لكن اذا جهة عملك بتدفع لك مصاريف دراسة مرافقك لازم يكون معاك فيزا دراسية .


بالتوفيق

بالنسبة لي أنا عضو هيئة تدريس ومبتعث من الجامعة التي تتبع وزارة التعليم العالي ،، ولست تبع برنامج الملك عبدالله،، والجامعة تقول اذا وصلت بلد البعثة اعمل طلب ضم مرافق للملحقية وماعندهم مشكلة طبعا حسب الائحة الي عندهم ،، المشكلة بس في الفيزا وصداع الابلكيشنات هل تقدم زائر ولا دارس ولا ولا ... شغلة معقدة ...
المهم
أخوي قوطي ،، بالنسبة للضمان المالي ,, أقدر أكتب خطاب أنني اتكفل بزوجتي ماليا وأنا أوقع عليه ؟..... علما بأن لدي مبلغ مو بطال في الحساب وراتبي كويس. ولا عندي مؤسسة ولا شركة ولا أبوها ,لا أخوها عندهم ،، العيلة موظفين حكوميين كلهم

ألف شكر لك ،، الدراسة باقي بدري،، في شهر سبتمبر،، بس أبغى أصنع أموري من الحين