وصلت كندا ، ساعدوني في معرفة طرق الاماكن

February 26th, 2012, 04:19 PM

السلام عليكم جميعا

انا ليا كم يوم واصله لكندا حايييسه ام الدنيا

دحين بديت افهم حوسه الباصات والقطارات شويه

انا في تورنتو وابا اروح للملحقية في اتاوا بس ما اعرف كيف ، الله يجزاكم خير دلوني ، ضرووري اروح
وايش الاوراق المطلوبه عشان اقدم للبعثه واخدها معايا وانا رايحه للملحقية

ممم وسؤال تاني الكرت حق الي اخش فيه الباصات والقطارات انا عندي اسبوعي ، في شهري ؟ انا ماسألت ، لان صحبة السكن كانت معايا وجابتلي كرت وطلع حق اسبوع واحد بس

+ اشتريت شريحه للجوال وطلعت ماأقدر افعل البي بي عليها ، الله يسعدكم ابا اعرف اش انواع الشركات الكويسه حق الاتصالات عندهم واقدر افعل البي بي عليها كمان ، وفين الاقيها ، انا اشتريت الشريحه من الـ dufferin mall

+ ابا اعرف المطاعم الحلال عندهم فين مكانها ، انا اتغديت مره من ماكدونالز في الدفرين مول بس لين اليوم شاكه دجاجهم كان حلال ولا لا "~"
+ اش الاماكن الي اقدر اروحلها في الداون تاون وغيرو والمولات حقهم وكيف اقدر اوصلها


ومرا مشكوررين ، سوري كترت اسئلة بس ما أعرف احد ممكن اسئلو ولين دحين ما اتعرفت على أحد ممكن يفيدني ،،
ان شاء الله ي رب تقدرو تساعدوني

اطيب تحياتي

• نشر عبر تويتر
• نشر عبر فيسبوك
• نشر عبر جوجل