الماجستير في التصميم الداخلي

يالله

الاسم دا يجيبلي القشعريرة في جسمي !!

طبعا انا اقصد اسم التخصص ( interior design )

بس ابغا اعرف في الاول انت مبتعث للبرنامج الثالث و لا رايح على حسابك ؟

لانو لو مبتعث التخصص هادا مو مسموح للاسف الشديييييييييييد لانو من اقسام الفنون !!

اما لو كنت على حسابك .. المفروض تشوف اول شي الجامعات المعترف فيها في الوزارة عشان تقدر تشتغل في اي مكان !!

على العموم في كلتا الحالتين ..

صدق او لا تصدق

مافي الا جامعة واحده في كندا كلها معترفة من الوزارة و هيا

The University of Manitoba

في مدينة

Winnipeg

يعني اتخيل لو ما انقبلت فيها ايش بيصير فيك ؟؟!!!!!

او انك تستغنى عن الاعتراف من الوزارة و تسبع نفسك !!

اما افضل الجامعات و المعاهد ما عندي خبر بس ممكن تسوي سيرش في النت عن الاحصائيات لافضل الجامعات للقسم و شوف ..

هلا والله اخوي dondy

انا على بعثة خادم الحرمين الشريفين المرحلة الثالثة

والله اتفاجأت من ردك معقولة جامعة وحده بس .. ايش الحل طيب

اغير التخصص ولا احول بريطانيا عشان تخصصي وهل اقدر أعمل كدا ... والله احترت

لو عندك حل .. انا في انتظار ردك ..

وباقي الاعضاء والمشرفين لو عندكم اي معلومات لا تبخلوا علينا الله يحفظكم ...

اختكم ..ألوفا

اهلين

شوفي يا الوفا ..

حكاية انك تدرسي التصميم الداخلي هادا شيليه من دماغك بالمرررررررره !!

( محطم صح ؟؟ ) خخخخخخخ

بس انا باقولك لاني متاكد !!.. انا حلمي ادرس التصميم الداخلي .. و الين دحين اتمنى .. لكن و الله سالت في الوزاره و قالولي التخصص هادا مو مسموح لانو من اقسام الفنون !!..

و من بعدها و الين دحين انا و الله محتار ايش ادرس للماجستير لاني كنت ما افكر الا في التصميم الداخلي !!

و لو تفتكري اول ما عبينا الابليكيشن عالنت ماكان فيه من الخيارات غير الهندسة و الطب و الادارة !!.. يعني نحلم ندرس قسم غير الموجود في القائمة !!..

و التصميم الداخلي ما تدرس في كندا الا جامعة واحده فقط لا غير .. طبعا الجامعة الي معترفة فيها الوزارة !!.. بس اكيد في جامعات تانية كتير لكن الوزارة ماهي معترفة فيها!!.. و انتي عارفة طبعا انو الوزاره ما تبعث طلابها على جامعات غير معترف فيها !!...

فالحل انك تدوري على تخصص تاني و الله يعينك !!!!!!..

انتي ايش تخصصك في البكالوريوس كان ؟؟؟

انتي الي كنتي اليوم تسالي في الملتقى عن هذا التخصص صح ؟؟؟؟
طيب شنو راح تسوين يعني ؟
لانو انا مثلك

احتمال كبير انها الوفا الي سالت السؤال
بس كان رد الموسى غريب انك تقدمي معروض !! كل الاسئله نقدم عليها معروض

ما بعتقد انها الوفا هيا لي سألت

لآنه الي سألت كانت بتقول ان التصميم الداخلي احد فروع الهندسه

وهدا دكتور الموسى الي فهمه ولما شاف انو مو مره فاهم على سؤالها

قالها اكتبي المعروض وفي لجنه راح تناقش هدا الشي

لآنه بجد كتيرين اسئلتهم ما كان مفهوم الغرض منها لأن السؤال ما كان مصاغ بطريقه جيده

وبالتوفيق للجميع

see u

ايوالله صادق دوندي
دورت في قوقل لقيت بس مانيتوبا (حتى مدري وينها فيه) تعطي ماستر عليه

هذي اول مشاركة لي .. طبعا انا سمعت بسؤال الاخت عن التصميم الداخلي Interior Design
بس الحق انا اول ما جاء في بالي هو Mechanical Interior Design قلت في نفسي ماشاء الله لاول مرة ادري انو عدنا اقسام ميكانيكية للطالبات ...

مجرد تعليق وشكرا لكموووو

الوقت كان مرة مضغوط عشان كذه قال المعاريض افضل

وان شاء الله تحل كل مشاكلنا