بخصوص تذاكر السفر وأمر الإركاااب عااااااااااااااااااااااااجل

مو معقولة وصل عدد المشاهدين إلى 100 شخص ولا رد واااحد
الله يعافيكم احتاج ردكم ضروري لاني مسافر بعد شهر وللحين ما طلعت الفيز ولا قطعت التذاكر
فأرجو الفزعة يا اخوووان

والله ماعندي معلومه بس اتمنى احد يفيدكـ ..


والله يسهل لك باقي اموركـ ..

مشكورة أختي على ردك
والله يجزاك كل خير
والله غريبة معقولة ولا احد عنده معلومة او اي خلفية وصل عدد المشاهدين 130 ما غير رد واحد

اخوي الله يحفظك مسألة استرجاعها ماعندي خلفيه عنها تقدر تدخل موقع الملحقيه الثقافيه بكندا وبتلقى دليل المبتعث ممكن تلقى فيه معلومه ... انا بالنسبه لاعاده اطفالك للسعوديه .. يوقف الصرف عنهم .. انا في امريكا اخذت تذاكري بعد سنه وثلاثه شهور ولكن استخدمتها .

أخي الكريم
مسألة ارجاع التذاكر والحصول على مبلغها .. لا يمكن ذلك
رسوم التذاكر والرسوم الدراسية تدفعها الملحقية عن الطالب المبتعث ومرافقيه ولكن في حالة الارجاع ترجع المبالغ للملحقية
وليست مثل التذاكر الحكومية .. هذا في حالة التذاكر صادرة من الملحقية

في حالة أنك موظف حكومي وصدر لك أمر إركاب من جهتك الحكومية لابتعاثك .. فيمكن التعامل معه وفق النظام في أوامر الاركاب من تغيير الدرجة ووغيرها

ثانياً: الملحقية لا تعوض عن التذاكر المشتراه .. إذا استحقيت التذكرة نظاماً تصرف لك بعد تقديمك على طلب تذاكر .. إذا لا تستحقها نظاماً كيفك بتسافر على حسابك أنت تتحمل التكاليف
والمفروض تبلغ الملحقية بسفرك أو سفرهم من باب إبراء للذمة بحيث لا يصرف لك بدل مرافقين
ولا يمكن ارجاع التذاكر والحصول على قيمتها

ثالثاً : ممكن الملحقية تصرف لك تذاكر قبل التسعو أشهر .. تقريبا في الشهر السابع أو الثامن حسب تفهم المشرف (أحيان بتصير)
وممكن تصرف لك تذاكر لمرافقيك للعودة للسعودية نهائي أو السفر ذهاب وإياب في حالة وجود ظرف قهري مقنع
كحالات المرض الشديدة أو الوفاة لا قدر الله

باختصار اذا بتشتري تذاكر الملحقية ما تعوضك ..