استفسار عن جامعة سانت ماري والمعهد التابع لها بهليفاكس

انت شكلك ماستر صح !

طيب اذا ماستر كم معدلك

والقبول للماستر جدا صعب في كندا

ويحتاج الى 6 شهور او اكثر

لا والله اخوي بكالوريس ومعي دبلوم والقبول ماخذ مني وقت ثلاث اسابيع وجاني

بس انهم ماعادلوا لي ولا شي بشهادة الدبلوم الكلية التقنية مايعترفون فيها

بس كل تعقيد موضوعي كان بالسفارة قعدت سبع اسابيع احتري الكشف الطبي

والسبب انهم يبون يتأكدون من الدول الي سافرت لها

اها ,, يعني انت قد سافرت قبل كذا ,, ايييه اييه ,,

طيب يخوي ,, الدبلوم بعض الجامعات تعترف فيه وتلغي لك السنة التحضيرية وتروح بالتخصص على طول ,, بس مدري اش هي الجامعات بالضبط ..

هل مستعد تدرس جامعة من جديد !
ربي يوفقك ..

--------------------------

جامعة سانت ماري

http://www.smu.ca/

جامعة سانت ماري من أفضل الجامعات في الإدارة لكن وجودهم في ولاية فقيرة نسبيا جعلهم ليسوا بتلك الشهرة مع محافظتهم على الجودة المطلوبة من مجلس التعليم العالي الكندي وزيادة

وكأن اللي فهمته من الناس ان هالجامعة كاثوليكية وتهتم بالديانة الكاثولوكية بشكل ملحوظ وقوي

واسم الجامعة يرجع للقدية ماري ,,

على كل حال ربي يوفقك وماقدر أجمع لك معلومات عنا ,,

لو تجيب قبول من معاهد أخرى في نظري أفضل لان اول مرة سم عن هالجامعة ومعهدها ,,

عندك جامعة دالهاوسي ومعدها شهيرة جدا ,,

أو خذ لك أي معهد قوي وقدم في اي جامعة ,,

عندك أيضا معهد كناد للغات قوي ,, والله يوفقك ..

تسلم والله اخوي الغامدي على هالمعلومات

والجامعة معترف فيها بالوزارة والي ذكرها لي

كثيرين من الي راحوا للدراسه وامتدحوا لي الجامعة

وبالنسبة للدبلوم حاولت تقريبا باربع جامعات ورفضوا يعترفون فيه مادري وش السبب

بس ان شاء الله تكون خيره


مشكور وماقصرت تسلم على هالمتابعة

اتوقع انك تقدر تعادل بس كم مادة
حاول تستفسر عن المواد الي اخذتها هم يعادلونها ولا لا, لا تستفسر عن الشهادة ككل
واذا جيت تراسل حاول انك تراسل القسم الي بنفس تخصصك, لا تراسل القبول والتسجيل
لاني اعرف كذا طالب درسوا اقتصاد بالثانوي, ويوم بدوا الجامعة عادلوا الاقتصاد حقهم وبدوا باقتصاد حق السنة الثانية
وعلى فكرة الطلاب هذولي راحوا بانفسهم للقسم وطالبوهم بعد بداية الدراسة

تسلم والله اخوي حمد وانا هذا الي سويته راسلت القسم

وقالوا لي هالكلام مانقدر نعادل لك شهادتك لانهم مايعرفون محتوى الماده

ولا شرح لها وانا يوم شفت انها بتطول السالفه قلت مايحتاج المهم نخلص من القبول

تسلم والله وربي يخليك على هالمعلومه بس انا للحين ماحد عطاني

معلومه عن الجامعة والمعهد ابي اعرف وضعهم كويس ولا دامني بالاول اغير الجامعة