عنصرية ولغة كندا

اخوي العنصريه بكل مكان بالعالم
وصراحه حنى نتعامل فيها بين أخواننا العرب بديرتنا فمبالك بغرباء مثلنا

راح تحصل كل شيء بس أهم شيء ماحد يقدر يتعرض لك

واي شخص يتعامل معاك بعنصريه او يتكلم بشي معين تقدر تشتكيه

واذا اللغه حلوه بتزين امورك

الحمد لله لي سنتين بفانكوفر و ما حسيت بالعنصرية ابد .. و لكن مو معناته انه مافي عنصرية ١٠٠٪ .. نظام البلد رائع جداً .. مثل ما ذكر الاخ Maxsa اذا حسيت انه في شخص عاملك بعنصري تقدر تشتكيه فوراً .. العنصرية تلقاها من بعض الاخوان من الدول العربية .. و اوقات من السعوديين نفسهم للأسف .. و بالنسبة للتأقلم لو عندك فقط شي بسيط من اساسيات اللغة راح تمشي امورك بكل سهولة .. الله يوفقك .. تحياتي

وعليكم السلام ورحمة الله وبركاته ،، هلا بك يالغالي

بخصوص العنصرية مثل ماقالك الاخ اللي قبلي اي ابلد في العالم فيه عنصرية حتى ديرتنا ،، لكن الحق يقال نادر جدا ماتشاهدها من الكنديين ،، لان كندا فيها اكبر جاليات في العالم واخص بالذكر تورنتو جايينها كل بقاع الارض ،، لذلك العنصرية فيها قليلة جدا ،، ممكن بعض العالم لمن يراجع دائرة حكومية او يعامله موظف او شخص بقسوة واقصد بقسوة يعني بحدة بالكلام وغيره ،، يفسرها على انها عنصرية وهذا غلط ،، لان بعض العالم نفسياتها مخيسة سوا معك او مع غيرك ،، فلا تتحسس واجد وهذا اهم شي ،، بأختصار اللي بقلبك خله على طرف لسانك ولا تجامل .

فالكنديين مامنهم خوف ،، لكن العلة من بعض العرب وبعض الجاليات المسلمة الوافدة لكندا هي مصدر العنصرية ههههههه .

وبخصوص اللغة ،، شوف وناخوك لو لغتك ممتازة صدقني اول شهرين راح تضيع شوي وراح تواجه صعوبة في النطق والاستقبال ،، واهم شي تكون جريئ بحدود الأدب ،، لانك اذا كنت مستحي وماتختلط مع العالم ماغير تماشي عرب ماراح تستفيد شي ،، فمثلا شفت واحد شكله محترم وقاعد لوحده في المترو وغير مشغول ،، اقعد جنبه وافتح موضوع مثلا عن الجو ،، سوي نفسك ضايع وتدور على مكان ،، اهم شي فك لسانك ومتى ما انفك اللسان امورك سهالة .

فخوفك وتوترك هو شي طبيعي جدا لاي شخص ناوي يسافر للخارج وحاط براسه انه بيقعد مدة طويلة بعيد عن اهله ،، لذلك ضع براسك انك بتقعد مثلا ست اشهر وبترجع زياره لهم ،، فقط عشان تريح نفسيتك وتلعب على نفسك ،، وصدقني عقب شهرين راح تتأقلم مع الديرة وتمشي امورك سهالة .

تحياتي

يجيب الله خير. سبحان الله

نفس رأيي
البعض مايعرف ماهي العنصرية فمثلا اذا سويت شي خاطئ او غير مقبول في المجتمع ووبخت لذلك السبب يقول هذولا عنصريين
حسب مارأين كندا الاقل عنصرية عالميا

مافي لا عنصرية ولا هم يحزنون,, بس احيانن في ناس يطالعون بل بنات الي لابسين نقاب,,

ولو حصلة عنصرية,,عطهم بل جزمة لا تعطيهم وجه.,.,

اما الشرطة سواء في المطار او اي مكان,,بل عكس محترمين

اخوي لا تشيل هم توكل الله الانسان المحترم يظل محترم في كل مكان وانا لي في فانكوفر قرابت السنه ما واجهت اي عنصريه الحمد الله . بعض البنات المتنقبات يسمعوا بعض الكلام العنصري . مثل ليه جايين في بلدنا

العنصريه عادة تكون من اهل البلد والأرض وتورنتو ع سبيل المثال السكان الآصليين فيها اقل من 5٪ والباقي مهاجرين من اوربا وخصوصاً اوربا الشرقيه والصين وانت ماشي ولاننسى الجاليات المسلمه التي تشكل 10٪ من سكان تورنتو و14٪ يهود وكلهم مهاجرين
اهل البلد طيبين وتغلب عليهم العلمانيه اقصد انهم لايهتمون للدين ابداٍ