لمن ليده خبرة عن معهد الUBC او اي معهد اكاديمي في فانكوفر..الله يسعدكم ان شاء الله

اذا تبي تظيع مستقبلك ,أدخل الـUBC,,,
انا اول ماجيت فانكوفر كلمنا المشرف وقلنا نبي الـUBC,قالنا ترا المعهد حقهم صعب,ومدة المستوى الواحد 4 شهور,,واذا صقطة بتظيع فترة البعثة,,وفوق كل هذا المعهد يبغاله واحد يعرف يتكلم ,,
انت تقول انك ماتفهم بسرعه,,,,والمعهد يبغاله مخ ثم مخ ثم مخ


---------------------------------
أنا كنت أدرس في معهد تجاري اسمه ILSC المعهد مهزلة,بعدها بـ 4 شهور حولة الى معهد اسمه كندا كوليج

معهد محترم وطريقة التدريس عن طريق الكمبيوتر,,تقدر تراجع في اي وقت,,والمعهد معتمد من 6 جامعات قوية,.,., هذالمعهد يعتبر تجاري,لاكن قوي جداً جداً والدراسة جادة مافيها لعب وظحك ورقص بل فصول مثل بعض المعاهد التجارية.,.,اذا مشية على السستم وطريقة التدريس,,,بتصير شاطر بل انجليزي

السلام عليكم .. كلام الاخ " عذب السجاير " فيه اشياء كثيرة صح، بس بنفس الوقت ما اتفق في كل اللي قاله و احترم رأيه تماماً. اولاً، يا غالي لازم تعرف مستواك تماماً في اللغة .. بمعنى تشوف هل انت فعلاً تقدر على معهد الجامعة او لا .. عندك اكثر من طريقة، و اسهلها انك تختبر ايلتس .. في حال انك جبت درجة ٥ الى ٥،٥ اتوقع انك ما راح تلقى صعوبة، لان المعهد الجامعي فيه ايضاً مستويات، و تتفاوت في صعوبتها ( رأيي الشخصي ).

الحمد لله من جيت كندا دخلت معهد الجامعة مباشرة ( كوانلتن ) و انهيت اللغة في فترة زمنية قصيرة ، و يعتبر واحد من اقوى المعاهد الجامعية في فانكوفر، و اساساً المعهد ماله اسم لانك تنزل كورس الانقلش "ELST" في الجامعة نفسها. الشي الثاني، تأكد تماماً انه اللغة مهارة و ليست فهم .. يعني ما يبغالها غير ممارسة، و تركيز معاهد الجامعات " بصورة عامة " ينصب على الرايتنغ بشكل اساسي، و هو الشي اللي يقوي لغتك ( وجهة نظري ). ثالث شي، انت طالب ماستر ما شاء الله عليك، يعني النظام يختلف عن البكالوريس، بمعنى انك حتى لو انهيت جميع مستويات اللغة في معهد الـUBC او غيره من معاهد الجامعات لازم يكون عندك درجة ايلتس اعلى من ٦، و طبعاً اغلب مشاكل الطلاب في الايلتس هو الرايتنغ، لذلك اقترح عليك انك تسجل في الـUBC، و صدقني ما راح تندم، اصحابي المقربين طلاب ماستر و كثير منهم سجلوا في معهد الـSFU ، و كانوا ( ميييييييييييح جدا في الانقلش )، و يشهد الله انهم تطوروا بشكل قوووي جداً خلال الفترة اللي قضوها في المعهد ( ٤ شهور فقط و بعدها حولوا). اذا ما زال عندك وقت في سنة اللغة توكل على الله و استخير. و ايضاً خلال دراستك في المعهد الجامعي اختبر كل شهر ايلتس .. و بالنتيجة اللي تتحصل عليها تقدر تعادلها في الـUBC و يتم تجاوز مستوى كامل ( ٤ شهور )، و بكذا تضرب عصفورين بحجر واحد، ان لغتك تتطور و ايضاً تتعود على اختبارات الايلتس. زي ما قلت لك انا ما درست في الـUBC، بس صدقني معاهد الجامعات يمشون على نفس المنهج و نفس الاستراتيجية في التدريس، و اذا احتجت اي مشورة بكتب لي رقمي عالخاص .. عسى الله يوفقك و يوفق الجميع .. تحياتي لك

حياك الله اخي الفاضل عذب السجاير و مشكور على الرد

بالنسبة للدراسة في المعهد اللي انا فيه.. بصراحة اللي مضايقني فيه هوا الضحك و المهزلة والالعاب اللي في الفصول.. بصراحة ما احب هذه الاشياء .. صحيح انها ممكن مفيدة لكن احس اني جاي ألعب مو جاي ادرس.. والادارة شديدة شوية.. أنا الان صارلي شهر و نص واحاول اني استغل ااقصر وقت لانها فترة اللغة.. عشان كذا انا باحول معهد جامعة .. اتوقع ان معاهد الجامعة جدية شوية و تهتم بالدراسة

الله يعطيك الف عافية و ما قصرت
.................................................. .......................


أخي الفاضل dodi بالنسبة لللمعاهد الجامعية.. هل تبدأ مع الطلاب من مستويات متدنية؟؟ يعني زي ما تكرمت و قلت إن بعض اصحابك ما كان عنهم لغة ودخلو معهد ال sfu وتطورت لغتهم بسرعة و بشكل قوي؟؟

بالنسبة للوقت انا الان صارلي بس شهر و نص في كندا يعني لسه في بداية الطريق.. و كثير نصحوني بالمعاهد الاكاديمية.. و انا ما ابغى اضيع وقتي في المعاهد التجارية يعني شهرين اان شاء الله انها كويسة اذا مو كثيرة كمان.. و الان جالس ابحث عن معهد اكاديمي يهتم و يركز على الدراسة و اللي اعرف اني استفيد منه و اقول الحمد لله اني ما ضيعت فترة اللغة على الفاضي.. الان امامي خيارين ( ubc و sfu ) راح ادرس ان شاء الله المعاهد الاكادمية واشوف ايش الافضل بالنسبة لي واتوكل على الله ان شاء الله

الله يعطيك ألف عافية و ما قصرت


دمتم بخير

الله يعافيك .. و لا يهمك .. دام انك لساتك بأول فترة اللغة نصيحتي لك لا تضيع وقتك و ادخل معهد الجامعة، نعم في مستويات تناسب اللي عنده ضعف في اللغة .. بتكلم عن جامعة كوانتلن بحكم اني ادرس فيها " و اتوقع نفس نظام الـUBC و الـSFU " .. الجامعة فيها ٦ مستويات، مدة المستوى الواحد ١٣ اسبوع، الثلاث المستويات الاولى للي لغته ضغيفة جدددداً، و يركزوووووون على تأسيسك بالشكل الصحيح، و راح تلاحظ تدرج المستويات " و ليست صعوبتها " كل ما عديت مستوى معين، طبعاً بأمكانك تختصر المستويات الاولى و تبدأ من الرابع في حال حصولك على 4.5 في جميع بنود الايلتس، و يحطونك في المستوى الخامس ( قبل الاخير ) في حال حصولك على درجة 5 ايضاً في جميع البنود، و اذا انك تشوف انك غير مؤهل لاختبار الايلتس فالجامعة فيها اختبار تحديد مستوى. ما ادري اذا الكلام تبع الايلتس ينطبق في الـUBC و الـSFU. عموماً، انا لي سنتين و لله الحمد، اغلب اللي اعرفعهم تخبطوا في المعاهد التجارية، و ضيعوا فترة كبيرة من سنة اللغة، و لمن تبقى لهم ٦ اشهر ( التمديد ) في منهم دخل معهد KGIC عشان الايلتس، و منهم اللي دخل معهد الجامعة و لم يسعفه الوقت عشان ينهي المستويات ، و الايلتس يحتاج اساس قوي في اللغة، و خاصة في الرايتنغ. و طبعاً اللي يقولك في برامج ( Path ) للجامعات عن طريق المعاهد التجارية لا تصدقه. بس في اشكالية، اتوقع انه التسجيل سواء في الـUBC و الـSFU انتهى ( تأكد بنفسك )، لان نظامهم سمسترات .. موفق يا غالي .. تحياتي

الله يعطيك ألف عافية اخي الفاضل و ما قصرت... و موفق خير ان شاء الله