مساعدة يا جماعه بالله عليكم انكم تساعدوني ضروري جدا

وعليكم السلام
انت طلبت النصيحة وراح اكون صريح معك

- اتت تعرفت على زوجتك في بداية 2010 وتزوجتها على طول وخلال اقل من سنة راحت تقدم لك على الاقامة الدائمة ورفضوها .صحيح؟
المفروض تقرأ قوانيين الهجرة الكندية او تستعين بمحامي في مثل هذه المواضيع قد تكون تزوجتها عن حب وصدق ولكن اما مسؤولي الهجرة زواجك عليه مليون علامة استفهام خاصة انك تزوجتها في وقت قصير من التعرف عليها . هل تعرف اهلها ؟ هل اهلك يعرفونها ؟ ادلة على علاقتكم مثل السكن المشترك وحساب بنك مشترك ؟ وطبعا يجب على زوجتك ان تتكفل بك ل 4 سنوات وان يكون لها دخل سنوي معين وطبعا سألوكم تلك الاسئلة ولعدم اقتناعهم ربما رفضوك الحصول على الاقامة الدائمة ليست بالسهولة التي تتوقعها لان هذه الطريقة تعرضت لل abuse من قبل المهاجريين واصبحت شروطها صعبة

- الخطأ الذي قمت به هو مغادرتك لكندا في قانون الهحرة الكندي المتزوج من مواطنة كندية يستطيع ان يقدم على الاقامة الدائمة اذا استوفى الشروط المطلوبة بغض النظر عن وضعه في البلد طالما دخل الى كندا بشكل شرعي

-سبب رفضك من السفارة ليس تافه كما تقول . انت خالفت القوانيين بترك الدراسة ليسميستر كامل وحسب الرسالة او قرار الترحيل فانت الان ممنوع من دخول كندا ل سنتيين او ربما بشكل مؤبد حسب وضعك يجب ان تتأكد من هذه المعلومة من سلطات الحدود الكندية او وزارة الهجرة والجنسية وحتى لو عدت هذه السنيين مخالقتك لشروط فيزا الطالب ستكون نقطة سوداء وعقبة كبيرة في الحصول على اي فيزا كندية في المستقبل ولاتستطيع ان تكذب بشأنها لانها موجودة في النظام

انت أخطأت بخروجك من كندا وبمخالفتك للانظمة وعدم استشارة محامي مختص في مثل هذه الامور الحساسة وتأتي الان وتشتكي وكان بأمكانك اخذ المشورة من قبل

نصيحتي الاخوية انك تنسى زوجتك وتنسى كندا وتبدأ حياة جديدة في بلدك او اي بلد اخر ادري ان هذا الشي صعب ولكنك اخطأت فتحمل نتيجة اخطائك واذا زوجتك تصالحت معك بامكانها ان تقدم لك للحصول على فيز الزوج/ الزوجة وحسب الشروط والامر يأخذ من سنة الى سنتيين حسب بلدك

اولا مشكور جدا يا اخ ناسا.بس انا حاب اصلح اكم معلومه لك انه اول شي انا غلطت في كتابة التاريخ انه انا طلعت في اخر سنة 2007 وتعرفت على زوجتي في الجامعه وداما علاقتنا حاولي سنه وطلبت مني اعيش معها او تعبش معي بس انا رفضت عشان الاسلام يحرم هذا الشي في بداية 2008 تزوجتها وعشنا مع بعض واهلي واهلها بعرفو في هذا الشي وعملت حفلت زفاف كبيره جدا وبعد زواجنا في 9 شهور قدمة على الاقامه الدائمه وفعلا زي ما انتا تفضلت استشرت ناس كتير واخر شي وضعت محامي عشان يمشيلي في المعامله اسمه لؤي الغول بس للاسف ما كان يعمل شي وكان يحكيلي الامور كلها تمام وانا اعتبر حالي محظوظ عشان بعد تقريبا سنه و 9 شهور اتصلت علي الاوفسير المسؤوله عن الكيس تاعتي وبتحكيلي زيد احنا بصراحه صرنا باعتينلك 3 رسائل عشان عندك مقابله بس الرسائل بعتناهم للمحامي تبعك وهو ما عم برد وبعد ما حققنا اكتشفنا انه مو غلطك هادا الشي عشان هيك حكيت معك وطلبت من تيجي عشان مقابله وفعلا رحت حسب الموعد يلي اعطني ياه وقبل ما تبدا المقابله حكتلي انا بنصحك انك تحذف المحامي من المعامله تبعتك عشان انتا مو محتاجه وامورك كلها تمام وفعلا هاذا يلي صار وكملت المعامله بدون محامي وصارت المقابله على احسن وجه وكل شي تمام والافسير المسؤوله حكتلي خلال اسبوع راح ارد عليك وبعد اسبوع اتصلت علي وبتحكيلي انه في سال محيرها وبدها ترد تعمل كمان مقابله وفعلا رديت رحت وعملت كمان مقابله انا وزوجتي بس في المقابله الثانيه دخلت زوجتي وطلعت وهيه مو على بعضها وانا دخلت بعديها وسالتني وانا جاوبت وكانت اجوبتنا صريحه وواضحه بس للاسف تم رفض الطلب ومع ذالك ما طلبو مني انه اغادر كندا رجعت للجامعه وقدمة تجديد لفيزا الدراسه وعملولي كمان مقابله وكان الوضع تمام بس برضه رفضو تجديد فيزا الدراسه وقتيها حكولي انه لزم تطلع من كندا عشان فيزتك راح تنتهي ارجع على بلدك وقدم من بلدك على فيزا اذا بدك ترجع وانا رديت عليهم حسب ما همه حكولي انا ما خالفت هناك وله عملولي تسفير بالعكس انا حترمة قرارهم انه ارجع على بلدي ومن بلدي ارجع اقدم بس يلي حصل معي انه اول ما رجعت بلدي زوجتي تغيرت معي ورفضت حتى انه تعملي اي شي مع انه كان وضعنا تمام واخر شي وقفنا عنده انه بدنا نطلق بس هيه زوجتي حتى مو راضيه تطلق من عندها ولما راجعت السفاره في بلدي حكولي عشانك متزوج في كندا لزم طلق من هناك ما بتقدر من هون هادا يلي صار معي وانا بدي اطلق عشان ابداء حياه جديده والله انا كنت ماشي حسب كلامهم وتعليماتهم بس انا اعتقد انه زوجتي هيه السبب وهلاء انا ما قادر اخد منها لا حق وله باطل وحتى بطلت ترد علي وانا بعرف انه هيه مسؤوله مني حسب ما الافسر حكتلنا 10 سنين مو 4 سنين عشان هيك طلب المساعده طبعا بعد ما جربت كل الطرق ومبارح لما نرفضت من السفاره ما كان موجود اي سبب من هدول اسباب عشان رفضي همه بحكولي انتا مرفوض عشان انتا كنت مخالف في كندا وانا ما خالفت وانا اصلا كنت مرفق مع طلبي اثبات انه انا مو مخالف وما سفروني ابدا هاي هيه القصه وبتمنى انه تقدر تساعدني يلي اقدر اتخلص من زوجتي انا بصراحه بعتت ايميل للسفاره جديد شرحتلهم الوضع كامل وطلبت المساعده بس ما حد رد علي لحد الان انا عم بطالب بشي عادي منهم انه بدي اطلق وزي ما انتا تفضلت انه كل واحد متزوج بقدر ياخد الاقامه حتى لو تم رفضه حاولت وانا هناك بس حكولي ما بتقدر لزم ترجع على بلدك وتقدم من هناك

شكرا لتوضيحك الا فهمت عليك

بس على نقطة المخالفة لازم تعرف ان الاستدي بيرمت والدراسة شيء وموضوع الحصول على الاقامة الدائمة شيء اخر وامام السفارة ان تعتبر مخالف وعلى هذا الاساس رفضت فيزتك وكلام دائرة الهجرة في كندا بالعودة الى بلدك لايعني شيء اما المسؤول عن اصدار التأشيرات في السفارة وكان من المفترض الا تغادر ابدا

يعني حسب وجه نظر السفارة انت كنت طالب فقط وخالفت شروط كونك طالب بعدم الدراسة لفصل كامل

النقطة الاخرى
اذا هي زوجتك حاول ان تتفاهم معها بشـأن الطلاق او اي حل اخر والسفارة سوف لن ترد على خطابات او ماالاذلك من هذا الكلام حاول ان تقدم مرة اخرى للفيزا

شكرا اخي جدا وانشالله راح اعمل هيك راح احاول انه اقدم للفيزا مره اخره وبالنسبه لزوجتي على الفاضي حاولت كتير بس لا تجاوب وانشالله خير وعلى فكره انا اخدت كورس في نفس الجامعه يلي انتا درست فيها University Of Winnipeg انا تشرفت بمعرفتك وبتعرف والله انا مقحور بس انه انا حاس حالي مظلوب صح انه انا تخلفت عن فصل في الدراسه بس هذا لا يعني انه يدمرو مستقبلي والحمدلله على كل شي

نعم انا بعرف انه الستدي برمنت شي والاقامه شي ثاني وانا والله ما كنت بدي اطلع بس احترمت كندا وطلعت حسب ما حكولي وعلى اساس انه راح ارجعوبالنسبه لزوجتي مش عارف ما خليت طريفه ما تعاملت فيها معها بس حتى انه ما بدها طلق مش عارف شو بدها اكتر من هيكوالخطاب يلي ارسلته للسفاره كان حسب طلبهم عشان انا في نفس اليوم اتصلت عليهم وتناقشت معهم فاخر شي حكولي ارسل ايميل واشرح كل الوضع وهيني عم بستنا

اتشرفت بعرفتك ايضا

نعم انت احترمت كلامهم في الاخر بس مااحترمت شروط الاستدي بيرمت وكان امام مليون طريقة اذا قعدت في كندا بس للاسف اخترت محامي عربي ويمكن ماهو محامي وورطك باهماله

واذا راح تقدم على الفيزا مرة اخرى وضح سبب زيارتك او حاول ترجع الى الكلية مع استيفاء الشروط الخاصة بتصريح الدراسة بس اذا ذكرت موضوع زوجتك يمكن ترفض

واتمنى لك التوفيق

شكلك افتقدت شتاء وينيبج القارس

انشاء الله هيك راح اعمل ويا ريت لو اقدر ارجع اكمل دراستي وقتيها ما راح اقطع ابدا وفعلا المحامي كان مهمل جدا لدرجة انه مسؤال الهجره سالتني اذا حاب اقدم شكوه عليه بس انا حكيت لا ما بدي
على العموم راح احاول ارد اقدم وانشاءالله خير

ههههههههه اه والله شتقت لشتاء القارس جدا هههههههههه اربع سنين ونصف في هذي الجواء بس جميله هاي الاجاوء ههههههه