الفيزا الكندية للمواليد

وعليكم السلام
مافي اجراءات خاصة
تقدم على فيزا زائر للمولود وبنفس الشروط والمتطلبات عدا ورقة افراد العائلة مو ضروري تعبيها للطفل

الله يسعدك وشاكر لك ردك

وعليكم السلام ورحمة الله وبركاته ،، هلا بك يالغالي

والف مبروك ويتربأ بعز والديه ان شاء الله .

بخصوص طفلك يالغالي ،، طلع له جواز منفصل وقدم له مثل ماقالك الاخ ناسا

افتح الرابط ،، واقراء نقطة ( شروط استخراج جواز لاحد أفراد العائلة ) :
جوازات المنطقة الشرقية - دليل الإجراءات - إجراءات السعوديين


بالتوفيق

شاكر ومقدر لك الله يبارك فيك

السلام عليكم
اخواني ان شاء الله سوف ارزق بمولود بعد اسابيع قليله واود منكم ان تساعدوني في استفسار هام
سؤالي هو هل بعد ولادة المولود في كندا وبعد استخراج شهادة الميلاد اقدر اسافر السعودية وارجع لكندا
واذا كان ذالك ممكن هل اقدر استخرج الجواز للمولود من السفارة الكندية بالرياض ام فقط من كندا
افيدونااا رجاءآ

ارجو منكم الرد على استفساري

الجواز الكندي ماتقدر تطلعه إلا من كندا .. السفارة لما تسافر السعودية بوثيقة مرور سعودية ماراح تقدر ترجع فيها لازم تطلع جواز سعودي .. وتسوي تأشيرة للمولود من السعودية بعد ماتطلع الجواز وممكن مايعطونك جواز كندي .. الأفضل تصدر له الجواز الكنادي في كندا وبعدها تروح السعودية وتأخذ الجواز السعودي

اشكرك على افادتك يالغالي ..بس انا ابي اسافر الى السعودية بعد ولادة الطفل لكن ما ادري كم تأخذ شهادة الميلاد و الجواز الكندي مدة علشان بحجز ؟

بعد السلام عليكم ورحمه الله وبركاتة ..
اخي مبتعث والله ييسر.. من باب تجربه مريت فيها ومر فيها زميلي .. يمكن استخراج الجواز الكندي من كندا شأت او من السفاره الكنديه في الرياض ايضاً ..
وبالنسبه لشهادة الميلاد تستغرق من اسبوعين الى ثلاث اسابيع في احد اقصى .. بعد استخراج شهادة الميلاد تستطيع التقديم على جواز سفر كندي لطفلك ويجب ان تستخرج شهاده ميلاد تحتوي على معلومات الوالدين . هناك نوعين من شهاده الميلاد الكنديه نوع معلومات الطفل فقط ونوع اخر معلومات الطفل والوالدين . السفاره السعوديه في كندا تحتاج شهاده الميلاد التي فيها معلومات الطفل والوالدين لكي تتم الترجمه والتصديق عليها. والجوازات الكنديه تحتاج ايضا نفس شهاده الميلاد لكي تصدر للطفل جواز مستقل.
بعد استخراج شهاده الميلاد يمكنك التقديم على جواز من كندا ويستغرق 15 يوم بالضبط لا يزيد ولا ينقص. لدي اقتراح وهو في رأيي الافضل . بعد استخراج شهاده الميلاد وهذا امر ضروري يجب فعله قبل المغادره للسعوديه يمكنك التقديم على جواز كندي للطفل من كندا وبعد ما تقدم على جواز الطفل يتم اعطائك ايصال وفيه رقم الجواز. ويقول لك الموظف يمكنك السفر بالايصال هذا لان فيه معلومات الطفل كامله وهذا ما يحتاجه موظف الجوازات في كندا. مرفقاً شهادة ميلاده. وان شأت يمكنك التقديم في السعوديه على الجواز الكندي للطفل ولكن يجب ان يكون معك شهادة ميلاد للطفل حيث انها الاثبات الوحيد بأنه كندي. اتمنى اني وفقت في الشرح وان كان لديك اي سؤال اخر في هذا الموضوع استطيع مساعدتك