تكفون ياشباب الي يدرسون في معهد رينسون او جامعة واترلوو انا هنا الآن

طبعا ً للحين ماقدمت اوراقي للملحقيه وانا اللي عندي بس قبول اللغة بيني وبينكم ترى ماليي خلق ابد مااتحمل يعني فكرت اني الحق بالبعثه شلتها من راسي لأني مااتحمل...

وانا انتظر آرائكم

اوف اوف اوف اوف اوف اوف اوف اوف اوف اوف

وش هالكلام اخوي لا لا لا أبد لا كلامك كله حدده وسو ديليت

انت الان طالب عالمي .. انت الان في كندا اللي كل واحد يحلم يرحها

كل انسان اول مايوصل رح يحس بالضيق لانه بفربة لحاله كان ينعم بضل الاهل واكلهم ورعايتهم وكل شئ

اما الان وقت الاختبار الكبير

الان ان اعتمد على نفسك ,, اخوي

هذي الحياة الان كون شخصك والان ابدأ في حياتك الثانية ,, حياة الانتاج والتفوق

مثل ماقلت لك كل انسان مر بحالتك وكم من المواضيع في هالقسم عن ناس اول ماوصلو كتبو مثل ماقلت وضاقت بهم الدنيا بما رحبت

وبعد شهر صارو متأقلمين مع الوضع وعاجبهم الوضع بودؤو بالابداع

انزين اخوي انت مو غير الناس انت واحد مثلهم وفيهم , ليش تحطم معنوياتك خلك عالي وخل طموحك عالي

الايام سريعة وتمشي ركض

كلها كم سنة ان شاء الله وترجع لوطنك وانت مرفوع الراس بشهادة بكالوريوس من كندا

وتعال شوف الشركات فاتجة أبوابها لك وترحب فيك وابدأ بحياتك الثانية عيش حياتك مع اولادك مستقبلا ان شاء الله انت ادس الان لمستقبلك ,,

ادرس عشان ترفع راس وطنك وعشان تمتع معيشة اولادك

كيف يكون موقفك وانت مكنسل ترم وضايقة الدنيا بيك وبترجع لديرتك وانت منكس

لا لا والف لا

هذي حاله العالم تمر فيها وكلها كم اسبوع وترتااااااااح

وكلها شهرين بالكثير ولسانك ينطلق بالحديث

رجاء هالموضوع أبيك تقفله ,, ووقت مايضيق صدرك اقرأ قرآن واقنع نفسك ورح تتألقم 100%

بالنسبة للأكل لا يهمك ياواد الاكل الان ,, خذ لك أي شئ يمشي حالك وخلك من اللحم بعدين

وحبة حبة رح تتفتح للعالم ورح تعرف وين أماكن الحلال ووين تجمع المسلمين ووين المساجد و ووو

حاول بالويك آند تروح لاحد المساجد وتشوف لك اي مسلم وتكلم معه وراح تنبسط كثييييييييير

اخوي كل هالكلام رح يتغير مع الشهر الجاي ,, بلييز لا يضيق صدرك .

كل شيء في أوله صعب .. أهم شيء الصبر (حط تحت الصبر 3 خطوط)

والله يوفقك

ثانكيو اخواني

بس ان شاء الله اتأقلم على الوضع هنا ...

يارجال وسع صدرك ودورلك اي سعودي ويكون سعوديه افضل ترى امزح لاتصدق
المهم ان شاء الله الي هناك مايقصرون معك

اخوي هذا شعور طبيعي
في البداية راح تحس بالغربة لكن حدك اسبوع وتبدأ تتعود
على الجو الجديد
انا اخوي اول ماسافر كان طفشان ويبغى يرجع وكان يقولنا
احجزولي ماراح اقعد ماتحمل اجلس لحالي وهو طبعا اجتماعي
جدا جدا مايقدر يقعد من غير اصحاب الحين صار له شهر وشوي
تعرف ايش صار يقولنا ؟ يقول مايبغى يرجع حتى بالإجازة يبغى
يدرس في معهد ايام اجازة الجامعة يطور نفسه
يعني هذا شعور عادي جدا الكل تقريبا راح يعاني منه
حاول تبدأ تعود نفسك على الجو الجديد عليك
والجأ لربنا وادعيه انه يوفقك ويسهل طريقك وترجع
ان شاء الله مرفوع الرأس ومخلص الباكلوريوس
والله يوفقك أخوي ويريح بالك آمين

أفا عليك بس رجال طول وعرض ودكتور في المستقبل وتقول ها الكلام على العموم مثل ما قالوا الأخوان أيضاً حاول أنك تصلي في مسجد ترى هذا يساعد بشكل كبير جداً جداً العرب أول ما يشفونك صدقني راح يجون يسلمون عليك وخذ تعارف بعدها خلاص تبدأ الأمور تزين وتضبط صدقني من واقع تجربة
ولنا أخ عزيزي علينا في هذا الملتقى ومشرف في منتدى الطلبة السعوديين رجال فزعة وخدوم وما يقصر وأنا كم مرة نشبتله اسمه عبدالله بسيوني ويدرس حالياً الدكتوراه في جامعة واترلوا وإيميل على هذا الرابط تواصل معه تراه ما يقصر أبداً
http://www.ksastudents.com/vb/members/96.html
من ناحية المطاعم أنا من ناحية ما أكل من ها المطاعم لأنك ماتدري وش ذبحهم خذ الرابط هذا للمطاعم الحلال في واترلو شف أقربها لك ورح
http://www.zabihah.com/ls.php?id=115
وتتيسر الأمور إن شاء الله لكن اصبر ويكون في علمك أن فيه حريم يعني مو رجاجيل وماشيه أمورهم ومرتاحين

يا رجال وسع صدرك انا ما اتكلمت مع اي احد علابي من يوم جيت شف ليا اسبوعين ولا اتكلمت عربي الا بالجوال مع الاهل في السعودية كلها كم يوم زي ماقالوا الاخوان وتنفتح مع العالم انت منت في السعودية تستحي تتكلم مع الناس والبنات خش فيهم عرض فك اي موضوع عشان تتعلم انجلش والله يعينك

وشكرا يا اخ mdrn على موقع الحلال وارغب انك تفك موضوع جديد على ها الرابط لانو راح يفيد اي واحد والله انا دعيتلك من قلبي كمان الله يوفقك في حياتك ويزوجك وحدة بكر