LinkBack URL
About LinkBacks
موضوعك شيق وحلو وشاكرين لك
وارجو تثبيت الموضوع لانو اخاوننا المبتعثين اللي جالسين يسوا اوراقهم ممكن ياخدوا بالموضوع
7 " وارجو تثبيت الموضوع لانو اخاوننا المبتعثين اللي جالسين يسوا اوراقهم ممكن ياخدوا بالموضوع
اجراءات الفحص الطبي بجدة للسفارة الكندية
اجراءات الفحص الطبي بجدة للسفارة الكندية
تنبيه: هذا الموضوع قديم. تم طرحه قبل 5943 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- العفو اخوي النمنم7 "
واشكر لك مرورك الكريم
اكيد لادارة بعد ما تطلع على الموضوع راح تثبته باذن الله
وكلنا في خدمة المبتعثين
تحياتي - الله الله7 "
والله يعجز اللسان عن شكر ماقمت به
بالرغم من ان فيزتي الحمدلله بجيبي لكن هذا العمل تشكر وبقوة تشكر عليه ,,
ربي يوفقك ياغالي ولا يحرمنا من أمثالكم
وبالفعل أنا تعاملت مع عداس وجدا جدا ممتاز والحمدلله
بالنسبة لرقم البوليصة اللي بيعطوك هي هذي شحنة الصادر
يعني اذا قريت هالعبارة Shipment delivered
بعد كذا صكر موقع اراميكس ولا تفتحه لان هالعبار ( Shipment delivered ) مارح تتغير أبد
ةوانتظر الين تنام وتصى من النوم تلاقي في رساله جتك بالصبااااااااح مكتوب فيها اراميكس قبل لا تفتحها شغل السيارة ونط ع اراميكس خخخخ
ربي يوفقكم - هلا اخوي الغامدي7 "
احنا ما عملنا غير الواجب وانا وضحت الهدف المطلب التاكد منه والي هوا Shipment delivered يعني اوراقك وصلت للسفارة بلندن وخلاص قفل الموقع ولعد تفتحوا تاني غير لمن تجيك رسالة وننط على ارامكس زي ما بتقول وناخذ فيزتنا
وكان بودي اسحب نسخه اسكنر من الورقة الي فيها اسامي المستشفيات علشان يستفيدوا منها الشباب من الان لكن للاسف نسيت اخذها سكنر ولمن رحت للعايدة اخذوها مني مع ورقة الكشف الطبي
تحياتي لك وشاكر لك مرورك الكريم عزيزي - اشكرك اخي العزيز على الشرح و التوضيح7 "
- اشكرك على الموضوع الرائع7 "
- يعطيك الف عافية اخوي على الفايدة الكبيرة .... خصوصا ان كل البشر بيرحون وهم مودارين عن تفاصيل الموضوع هذا ====> زي حالتي7 "
بس والله لك الشكر العميق على استيفاء الموضوع بهذي الدجة من العمق في التفاصيل الاجرائية
واتمنى من كل من يكتب موضوع ان يخذو حذو هذي الطريقة المفصلة في كتابة المواضيع ( علشان نلمس الفائدة الحقيقية ... خصوصا ان خلاص الحق ماتلحق , قبل لا يفوت الفوت بعدين ما ينفع الصوت ) الف تحية وبالتوفيق - موضوع تشكر عليه بقووووووه7 "
كل الشكر لك وجزاك الله خير - اخوي العزيز ماقصرت بس ابغى اسالك عن الطلاب الي في الرياض هل هي نفس الاجراءات وهل عندك علم بالمستشفيات المعتمدة لدى السفارة7 "
ودمتم سااالمين
January 11th, 2008, 09:37 PM
السلام عليكم ورحمة الله وبركاتهاعزائي اعضاء منتدى مبتعث الكرام وضعت هذا الموضوع لكي اشرح لكم بالتفصيل ما الذي حدث معايا بخصوص اجراءات الكشف الطبي في مدينة جدة وايضا بقية المبتعثين الي راح يسوا الكشوفات في الرياض والخبر راح يستفيدو من الموضوع
طبعا بعد ما تقدم على الفيزا وترسل اوراقك للسفارة تنتظر تقريبا من 7 - 10 ايام حتى توصلك اوراق الكشف الطبي وتروح تستلمها وهي ورقتين الي راح تستلمها:
1- ورقة الكشف الطبي
2- ورقة من السفارة الكندية عبارة عن خطاب من السفارة الكندية انك تقوم بعمل الكشف في احدى المستشفيات او العيادات الموضحة خلف هذه الورقة.
وبالنسبة لمدينة جدة فالعيادات المعتمدة عندهم عيادتين:
1- الدكتور عبدالرحمن عداس.
2- الدكتورة نادية اظن.
وانا انصحكم بعيادة الدكتور عبدالرحمن عداس لانك تقدر تاخذ موعد في نفس اليوم الي استلمت فيه اوراق الكشف الطبي وايضا الكشف كله ما ياخد منك ساعتين بالضبط وسعر الكشف 700 ريال فقط
لمن تستلم اوراق الكشف الطبي تتصل بالعيادة الي تبغى ترحلها والي في جدة ويبغى يروح لعيادة الدكتور عبدالرحمن عداس يتصل بهذا الرقم 6653835 راح ترد عليك ممرضة فلبينيه تتكلم بالانجليزي طبعا اكثر الشباب زي حالتي الانجليزي عنده مضروب قلها اقلك انا ابغى اسوي الكشف الطبي حق السفارة الكندية اليوم ضروري حتعطيك موعد اليوم وتقلك تعال في الساعه الفلانية وطبعا حتقلك جيب معاك الاشياء الي راح اذكرها الان.
متطلبات الفحص الطبي:
1- صورة جواز السفر (الصفحة الي فيها صورتك) طبعا عند تقديمك للفيزا لازم ترسل لهم جوازك مع الطلب فهذي النقظة لازم تحتاط فيها وتاخد صور من جواز السفر قبل لا ترسله للسفارة.
2- اربع صور شمسية مقاس 4*6 ويفضل ان تكون بدون غطاء على الراس (زي الصور الي راح تقدموها للسفارة).
3- صورة بطاقة الاحوال تكون البيانات واضحة عليها.
4- مبلغ 700 ريال رسوم الفحص الطبي.
موقع العيادة في شارع فلسطين قبل مستشفى سليمان فقيه في عمارة نورا وراح تعرف عمارة نورا من صيدلية على الشارع اسمها صيدلية نورا يعني اذا انت ماشي في طريق المدينة ومتجه من الشمال الى الجنوب راح تدخل شارع فلسطين يمين باتجاه (الغرب) كانك رايح على الكورنيش وراح تلاقي عمارة نورا قبل مستشفى سليمان فقيه وتدخل العمارة وتطلع للدور الرابع واول ما تخرج من المصعد تروح على اليسار وتطول حتلاقي العيادة في وجهك
اول ما تدخل العيادة حتلاقي الممرضة في وجهك وتقلها انك ماخد موعد الان واسمك كدا حتقلك طيب وتعطيها ورقة الكشف الطبي وتبدأ تجهز اوراقك وتعبي الفورم حق ارامكس وتقلك هات 350 ريال وصورتين شمسية
وراح تكتب لك رقم الشحنة حقتك الي راح تروح لارامكس وتتابعها انتا بعد كدا عن طريق موقع ارامكس (aramex.com) وتتاكد انها وصلت لندن والحالة انها وصلت deliverd طبعا الشحنة توصل بعد يومين للندن تقريبا مرور بدبي راح اشرح موضوعها بالتفصيل في الاخير.
هذي صورة سند استلام مبلغ 350 في عيادة الدكتور عبدالرحمن عداس 250 للكشف حقهم و 100 ريال رسوم ارسال ارامكس
بعد كدا الممرضة تحطك في قائمة الانتظار علشان تدخل على الدكتور يعني يمكن يكون فيه احد قبلك مستني في العيادة وزي كدا فترسلك على مختبر الرواد في نفس الطابق في عمارة نورا جنب العيادة علشان تعمل فحوصات الدم والبول
تدخل مختبر الرواد وتقلهم ابغى اسوي فحوصات دم وبول ومعاك الورقة حقت الفحص الي استلمتها من السفارة وتقلك هات 250 ريال وصورة شمسية وتدخل عندك الدكتور الي في مختبر الرواد ويسحب منك دم ويعطيك علبة تروحو تدخلو الحمام الله يكرمكم وتعبوها فل فنصيحة لكم كل واحد قبل لا يروح العيادة ويسوي الكشف يعبي التانكي فل زي ما سويت انا جيتهم حشران على الاخر
وهذي صورة سند استلام مبلغ 250 ريال في مختبر الرواد
وترجع لعيادة الدكتور عبدالرحمن عداس ومعاك ورقة الكشف الطبي ومختبر الرواد خلال ساعه يرسل نتايجك للدكتور عبدالرحمن طبعا انتوا مالكم دخل لمن ترجع لعبدالرحمن عداس حيقلك روح لمستشفى جدة الوطني جنبهم واعمل كشف الاشعة
مستشفى جدة الوطني قريبة من العيادة واذا منتا عارف الطريق خلي الدكتور يوصفو لك وتروح لقسم الطوارئ في المستشفى وتقلهم ابغى اسوي كشف اشعة وتعطيهم ورقة الكشف الطبي حق السفارة راح تستلم منك 100 ريال رسوم كشف اشعة وتقلك روح قسم الاشعة
في قسم الاشعة راح يستلمو منك صورة شمسية وتستنى لمن يجي دورك وياخدو اشعة للصدر (نصيحة للي رايح يسوي الكشف يروح بملابس لا يروح بثوب لانك بتفصخ الثوب والفلينة علشان ياخدو عليك اشعة الصدر)
وهذي صورة سند كشف الاشعة بمستشفى جدة الوطني
وتخرج من مستشفى جدة الوطني وترجع لعيادة الدكتور عبدالرحمن مره ثانيه ومعاك كشف الاشعة الي سلموك اياه مستشفى جدة الوطني
واذا نتايج فحصك سليمة وكل شي تمام يقلك خلاص راح نرسل فحصك بكرة الصباح للارامكس وان شاء الله خلال يوم وهيا في لندن
بس عن تجربة سابقة الكشف راح يوصل لندن بعد يومين والتقرير الي راح اوريكم اياه في متابعة الشحنة بموقع ارامكس يبين ذلك
طبعا انتوا عليكم تتاكدو من الوضع الحالي وانه الشحنة سلمت (Shipment delivered)
اخيرا راح تنتظر بعد استلام المستندات من السفارة الكندية بلندن مدة 7 - 21 يوم عمل حتى يصدرو لك الفيزا ويرسلوها بارامكس وبعدها يتصلو بك ارامكس ويرسلو رسالة على جوالك ويقلولك انه فيه شحنة باسمك تعال استلمها الي هي راح تكون جواز سفرك وعليه الفيزا
بعضكم راح يسال 21 يوم عمل يعني كم يوم بالضبط يعني تقريبا في الاسبوع 5 ايام عمل ويومين اجازة يعني تقريبا الحسبة راح تصير 29 يوم يعني شهر بالكثير وجوازك يوصلك وعليه الفيزا باذن الله
وفي الختام اتمنى اني اكون شرحت جميع النقاط وما قصرت معكم في شي ولاي استفسارات انا في الخدمة
تحياتي لكم... اخوكم KaLaNgO