سؤال وماني لا قي له جواب اتمنى الاقي الجواب عندكم

عليكم السلام و رحمة الله .. في حالتك لازم تستوفي أهم شرطين:
١- إنك ما تكون على رأس وظيفة حكومية ( حتى لو كنت ماخذ اجازة مفتوحة ) .
٢- تجيب قبول نهائي من جامعة موصى بها ، و ايضاً انه يكون التخصص موصى به ( يعني تكون انهيت اللغة تماماً .. لمرحلة البكالوريس أغلب الجامعات الكندية تطلب درجة ٦ في كل بند من البنود الأربعة في الايلتس عشان يعفونك عن متطلب اللغة و يعطونك قبول نهائي ) ، و في خيار ثاني انه بعض الجامعات لخلصت عندهم مستويات اللغة تنزل مواد اكاديمية " نفس نظام الجامعة اللي أدرس فيها " .. و لكن هذا يعتمد على الفترة المتبقية لكم ، لأن المستوى الواحد في معهد الجامعة ١٣ أسبوع .

هذي أهم شرطين .. و اذا تبي تعرف بالتفصيل تقدر بكل بساطة تتواصل مع المشرف الدراسي .. بالتوفيق .. تحياتي

وعليكم السلام ورحمة الله وبركاته ،، هلا بك يالغالي

والله وناخوك ما الومك فيه كثيرين حايسين مثلك ومالقو جواب ،، العالم تقعد تسأل ومجرد ماتروح هناك وتلاقي الاجابة تسحب ههههههه .

علعموم وناخوك أنا اعرف قريب لي موظف حكومي اخذ اجازة من عمله وطلع مع مرته مرافق ويدرس على حساب الملحقية ،، لاحظ اني قلت موظف حكومي ،،، واخبر واحد ثاني موظف قطاع خاص ،، فعلا ماصرفوا له راتب المرافق وقالوله لازم تفصل من وظيفتك ،،، فدامك موظف حكومي واخذت اجازة ماعندك مشكلة ان شاء الله .

لكن سالفة هل ممكن له يكمل دراسته عقب انهاء مرحلة اللغة والله مقدر افتيلك فيها ،،، فلذلك انا انصحك تتواصل مع الملحقية السعودية في كندا ،، وراح يردون لك خبر خلال كم يوم ،، وخذلك الخبر الأكيد

بالتوفيق

مشكورين الأخوان اللي ردو والظاهر مالنا الا نراسل الملحقية ونشوف وش يقولون مع ان في حاجات ظهرت جديدة زي فصل بعثة والكلام ذا يعني الواحد يتعب وويدرس وحتى لو صار مبتعث مرافق مصيره متعلق بمصير المبتعث الأساسي !!! اتمنى الكلام مايكون صحيح....وياليت لو الوزارة تنظر بحال المرافقين لأن بديت احس ان حقنا مهضوم وبقوة لكن مانقول الا الله يعين

اخوي خذ مني اجابه ١٠٠٪
بالنسبه لك كموظف حكومي
عندما تحصل علي قبول جامعي وتبداء الدراسه
بالجامعه تخاطب جهة عملك ...
ويتم ابتعاثك عن طريق عملك وتاخذ راتبك من جهة عملك وليس من الملحقيه
وتكون بنفس الوقت مرافق ولكن بدون مكافئه من الملحقيه لان جهة عملك بتصرف لك راتبك
وهذا نظام وزارة الخدمه المدنيه وتقدر تتاكد من هالكلام من وزارة الخدمه المدنيه
الملحقيه مارايح تفيدك بهالموضوع ....
اللي رايح تستفيده هو قطع الاجازه الاستثنائيه
وسنوات الدراسه بتحسب لك من الخدمه بعملك
موفق خيررررر

ع فكره موضوع انك تفصل من عملك هذا كلام غير صحيح
لانك موظف حكومي ومن حقك كمرافق بينضم للبعثه ان تحول الابتعاث
عن طريق عملك

^^^

الله يجزاكـ خير والله فرحتني من بشرته بسهولة الأمر ..

الله يكتب للسائل كل خير ويوفقك أنت وأختك يارب .. ويحميكم

اذا حالتك في الخدمه المدنيه باقي طالب او متسبب .. يعني ماغيرتها من توظفت.. فوضعك بالسليم ان شالله.. يعني ماحد داري عنك. وهذي خذها من تجربه

يحق لك تدرس في حالة واحدة إذا كنت موظف حكومي ومعاك إجازة إستثنائية ..

إنك تأخذ موافقة جهة عملك وتبتعث عن طريقها ..

أما عن طريق الملحقية إنسى الموضوع إلا في حالة إنك تفصل أو تجيب للملحقية برنت إنك طالب أو متسبب في الأحوال .. وأتوقع هالشغلة أسهل من موافقة جهة عملك

ahm3d: كثر الله خيرك وفرحتني بكلامك...وان شاء الله اذا خلصنا اللغة نتفرغ لوزارة الخدمة المدنية ونشوف وش وضعهم.

وشاكر لكل اللي ردوا والله يعطيكم العافيه وماقصرتوا .