عاجل ومهم جدا بخصوص القبولات

January 30th, 2008, 02:23 AM

السلام عليكم ورحمة الله وبركاته

يؤسفني ان انقل لكم هذا الخبر

فقد كنت على اتصال مع الاخ غالب مراد بخصوص توفير قبولات لغة في جامعة تورنتو

وعند ذهاب الاخ غالب لجامعة تورنتو وتسجيل بعض الطلاب كما جرت العادة فقد اعتذرت منه ادارة القبول والتسجيل وقالت له بانه جاها تعميم من الملحقية السعودية بعدم تسجيل اي طالب الا عن طريقها

يعني جامعة تورنتو لا تقبل تسجيل اي طالب الا بدفع رسوم الدراسة كاملة ولا تعطيك قبول مبدأي

وهذا الاجراء اتخذته الملحقية للتضيق على اخواننا المبتعثين والحد من رغباتهم في اختيار الجامعات والمعاهد الي يبغو يدرسو فيها وانما على كيف الملحقية

الي جالسين يجيبو قبولات للطلاب في جامعات بمدن نائية وصغيرة ومستواها متدني وراح تكدس الطلبة السعوديين في هذه الجامعات وراح تصير مشاكل

على سبيل المثال حاليا اغلب الشباب جاتهم رسايل من جامعة نيوبرونزويك university of new brunswick في مدينة سينت جون

للعلم فقط انا جبت قبول مشروط في هذي الجامعة من قبل فترة شهرين تقريبا علشان ازحلق الوزارة وقريبي قبلي جاب قبول في هذه الجامعة والان هوا اول سميستر فيها وطلب من الملحقية نقله لتورنتو والسبب انه المدينة صغيرة متر في متر ومدينة نائية ولا فيها اي شي ومن الجامعه على البيت ومن البيت على الجامعه يعني الواحد مكبوت فيها ومع اول سميستر قرر ان ينقل لتورنتو وهذا الي راح يصير مع الاخوة المبتعثين الي حيروحو نيوبرونزويك

ملاحظة اخيرة: من حق الطالب ان يدرس اللغة في اي معهد ويشترط ان يكون تابع لكلية او جامعه ومن ثم دراسة الجامعه في المكان الذي يريده اذا حصل على قبول

وثاني شي لحد ينتظر قبول الوزارة ويقول يمكن يكون في المدينة الي انا ابغاها لانه قبولات الوزارة وضحت انها في احدى خمس جامعات: البرتا ، نيو برونزويك ، سينت ماري ، ميموريال ، ويدبنج

لعلمكم جامعة البريتا مستواها صعب جدا ومو اي واحد يقدر يدرس فيها وجامعة نيوبرونزويك راح يصير فيها تكدس والمدينة تعبانه لابعد الحدود وسينت ماري فيها عدد هائل من الطلبة السعوديين هذا ير الدفعه الي راح تجيهم الان من الوزارة وميموريال جامعه فاشلة لابعد الحدود ويدبنج هذي في القطب الشمالي الله يسلمك ومحد يروح يدرس هناك خلقة درجة الحرارة عندهم تصل الى - 60

نصيحة للجميع التحرك بجلب قبولات اللغة في المدن الي يبغوها والتقديم على الفيزا واصدار قرار الابتعاث والسفر وعدم انتظار الوزارة

في الاخير .... اتمنى لكم كل التوفيق

وتقبلو خالص تحياتي ... اخوكم KaLaNgO

• نشر عبر تويتر
• نشر عبر فيسبوك
• نشر عبر جوجل