التحويل من بنك cibc الى البنوك السعوديه اللي عنده جواب لايبخل علينا

الدولار الكندي اليوم مقارنة باريال = ٣.٧٤ نصيحة اذا مو مستعجل اصبر الين يرتفع الدولار. رسوم التحويل في البنك تختلف في بنوك تاخذ على حسب المبلغ وفي بنوك تاخذ سعر ثابت بغض النظر عن المبلغ.. ما ادري عن cibc والله بس الي متاكد منه ان بنك Vancity ياخذ على التحويل الدولي ١٠ دولار فقط حتى لو انك محول مية الف. لكن ما يمنع انك تطلع بنكك وتسالهم كم ياخذون عن التحويل. بالنسبه لمعلومات التحويل الي راح يطلبونها ،، راح يطلبون منك عنوان فرع البنك الي في السعوديه الي فيه حسابك.. وبرضو حاجه اسمها IBAN كود و Swift code حق البنك الي في السعوديه. وطبعا رقم حسابك واسمك والسوالف هذي.

موفق

الله يرضى عليك اخوي
سؤالي يعني مايكسرون العمله مثلا الدولار اليوم مثل ماقلت راح يوصل للسعوديه مثل سعره
او يكسرونه يعني يكون 3.50

ما اعتقد انهم يكسرونه .. سعر الصرف واحد .. لكنهم بياخذون نسبتهم. وانا اخوك لا تحولهم قبل ما تسالهم .. شف قلهم كم بتاخذون ؟ واذا شفت ان المبلغ كبير .. مثل ما قلت لك روح VanCity وافتح عندهم حساب وحولهم .. وكل الي راح ياخذونه ١٠ دولار

ماقصرت اخوي
واللي عنده تجربه لا يقصر معنا

الي اعرفه ان التحويل الخارجي من بنك cibc هو 35 دولار

مشكووورين وماقصرتو

التحويل من CIBC الى حساب في السعودية ما يكلف شي..اهم شي تقول لهم انه تحويل الى حساب مو حوالة لانها تفرق..المهم المبلغ ثابت وهو 30 دولار مهما كان كثير المبلغ الي بترسله او قليل..

اخوي بامكانك تاخذ المبلغ معاك لسعوديه
وتبحث عن أرخص الصرافين ودايم تلقاهم عند الاسواق القديمه
لان هؤلاء صرفهم ربحي ماهو مثل البنوك سعر محدد

انا عارف ياخوي بس هل فيها مشكله حمل هذا المبلغ في المطار
اخاف يدقرون لي وانت اخبر بالتعقيدات حتى لو ع شي مايستاهل