هل نحن مظلومون

February 2nd, 2008, 12:04 AM

بسم الله الرحمن الرحيم
اليوم بكتب موضوع عن السعوديين و وطنهم السعودية , دائما اسمع تذمر من بعض السعوديين من مستوى المعيشة بالسعودية وتذمر من الخدمات الصحية والتعليمية ومن الخدمات الحكومية ومن كل شي حنا شعب ما غير نتشكا , هذا والسعودية الدراسة فيها مجانا والعلاج مجانا وما فيه ضرايب والدراسة الجامعية يعطونك فلوس عشان تدرس ويبتعثوننا للدراسة برا ويعطونا مكافأت هذا غير القروض ومنح الاراضي وما نحمد الله ونشكرة دائما نركز على السلبيات مثلا في المدارس الحكومية نقول لا المدارس مبناها قديم والمستشفيات نقول زحمة والدوائر الحكومية نقول معاملتهم للمراجع سيئة والمشكلة في هذا هو الموظف السعودي مع الاسف مايعمل بـ إخلاص حتى في الجامعات تلاقي الطلاب يفضلون الدكاترة الاجانب لانهم حقانيين والله اننا ننحسد على النعمة اللي حنا فيها شعبنا غير منتج بل مستهلك جدا ومع ذلك مستوانا المعيشي اكثر من رائع و انا ارى ان المشكلة بالاساس هي بعض المواطنين السعودييين اللي ما ينتجون ولا يخلون غيرهم ينتج وانا اقصد كل واحد موظف او دكتور او حتى سكيورتي لو كل واحد سوى اللي عليه كان تطورنا بسرعة مثال :الحين الناس تشتكي من رفع الاسعار وان حماية المستهلك هي السبب طيب حماية المستهلك من اللي شغال فيها سعوديين والحكومة تعطيهم راتب عشان يشتغلون وهم تلقاهم يروحون يوقعون حضور ويرجعوا يناموا , والله قهر الحين شف اي واحد معه الجنسية السعودية سوا كان مصري او سوري او يمني تلقاه مليونير ليه لان بلدنا فيها خيررر بس ما عندك احد يشتغل (الا القليل) و بوجود كل هذة الخيرات ببلدنا تلقى البعض يسب ويشتم ومو عاجبة شي ,المفروض نفتخر بشدة اننا سعوديون شوفوا اخواننا المصريين 90% منهم فقراء ومع ذالك مصر عنده جنة كل شوي يقول ( مصر ام الدنيا ) وهم الفقر ذابحهم , والله خوفي انه يجي يوم وصير شي للنفط -لا قدر الله - مدري كيف بنعيش

• نشر عبر تويتر
• نشر عبر فيسبوك
• نشر عبر جوجل