الى اخواني واخواتي طلاب كندا مع التحية

انا بصراحه ماعندي معلومات كافيه لكي اجيبك على ماسألت
لكن بخصوص موضوع المدينه فأنا سمعت مدح كثيــــــــــــــــــــــر عن مدينه فانكوفر
فهي مدينه جميله ودافئه وفيها معاهد حلوه ووو
ابحث عنها اكثر اذا حبيت
وبا التوفيق يارب

هلا اخوي محمد
- بالنسبة للرغبات إذا كنت حاط كندا ضمن رغباتك فالأمر سهل لأن بلد الابتعاث على ما اذكر يحدد بعد تدقيق الوثائق بس انت كلمهم اضمن لك
- الجامعات هنا يجي دورك انت وبما ان لغتكم كويسه ابحثوا عن الجامعة اللي تناسبكم. و القبول في برامج الماستر يتطلب الحصول على درجة معينه في اختبارات اللغة تتفاوت من جامعة لآخرى بس تقدر تحصل على قبول مشروط من الجامعة.
- أنصحك ابحث عن جامعة قبل المدينة
- الفيزا قدم انت وزوجتك على فيزا دراسة وهذا يستلزم منك قبول في معهد او جامعة
و المواضيع مالية المنتدى ومثبتة و جديدة و واضحة ما قصروا الاخوان الله يوفقهم ويعطيهم العافية

http://www.mbt3th.us/vb/forum108/thread334379.html

موفق

إذا لغتك كويسه راح تختصر شوط كبير, لكن فرصك في دراسة الماستر بأمريكا أكثر من كندا وتقدر تتأكد بنفسك من الطلاب بكندا هنا بالمنتدى , عشان كذا نصيحة أخ لاتسوي شي الا اذا كان بيدك قبول .
لأن جامعات كندا قليلة جداً مقارنة بأمريكا ولأنها مدعومه من الحكومة الفيدرالية عكس امريكا فيها الوف الجامعات وفيها الخاصه .
اكرر , انا ما ابغى اقفلها بوجهك لكن بالوقت نفسه ابغى احطك بالصوره , اعرف اشخاص كثير ماحصلوا قبولات في كندا وحولوا لامريكا, حتى علي مستوى اللغة الوضع في امريكا اسهل من كندا (حسب ماسمعت) .
كندا بشكل عام آمان ومافيه عنصرية واضحة بالنسبة لي ماصادفتني ابداً عنصرية الحمدلله لأن كندا دولة مهاجرين يعني ماحد احسن من احد. يعني فيه مناطق بكندا تحس انك بمدينة اسلامية عربية
مثلاً مدينة تورنتو في ولاية اونتاريو اكبر مدينة واشهر مدينة بكندا فيها تقريبا 7 الاف سعودي وفيها اكثر من 100 مسجد والمسلمين فيها كثيرين جداً لدرجة انك ماراح تحس بغربة .
المدينة الثانيه هي فانكور -اجمل مدن العالم- في ولاية برتش كولومبيا وفيها سعوديين كثير وعرب ومسلمين لكن مو مثل تورنتو . هاذي اشهر واغلي مدينتين بكندا بالرغم ان كندا معروف ان المعيشة فيها غالية
مقارنة بأمريكا .
الاجواء في كندا باردة جداً بالشتاء نتكلم عن 30 تحت الصفر وأكثر في معظم المناطق .
لكن المهم في هذا كله انه ما اتوقع ان الاختيار راح يكون لك لأن القبول هو الي يحكمك اولاً واخيراً في كندا . وأنصحك بالاستخاره قبل كل شيء, ركعتين تفيدك كثير .

وعليكم السلام ورحمة الله وبركاته
طبعأً انا مالي خبره ابداً في الماستر علشان كذا انا ابكتب لك معلومات عامه وانا طالب في امريكا
طبعا اول شي ابتكلم لك عن سؤالك عن الانقليزي نصيحتي لك لا تدخل جامعه على طول حتى لو ان معك التوفل ولا الايلتس علشان سفرتك لدولة الابتعاث سواء امريكا او كندا راح يكون نقله كبيره في حياتك ا
اعرف انك شخص كبير وفاهم اكثر مني لكن اللي ابي افهمك اياه انك اذا نقلت من دولة لدوله ثانيه حياتك كلها راح تتغير فرااح يأثر على حياتك وعلى دراستك
وزين ان معك لغه انت وزوجتك فأفضل حل انك تدرس في معهد كم شهر لحد ماتتأقلم على جو الدوله وحياة الغربه بعدين تدخل لك جامعه لان حياة الغربه جداُ غيير عن الحياة في بلدك وديرتك بين اهلك وربعك
وهذا امر راجع لك انت لكن ماودي انك تدخل بحياة الغربه في وقت انت تحتاج تكون فيه مركز على دراستك
وعلى فكره هم يدخلونك للجامعه اذا جبت لهم توفل ولا ايلتس اللي هم يبغون

بالنسبه للمعيشه في امريكا او كندا,, كندا احسن لك بكثير من ناحية المعيشه صحيح انها غاليه لكن يكفيك مافيها عنصريه
امريكا مهما قالوا لك مافيه عنصريه راح تشوفها بكل مكان صحيح فيه اماكن مافيها عنصريه لكن نادر تلقاها
انا ما اعرف هل تكفي المكافأة بكندا او لا لكن عندنا بامريكا ماتكفينا ابدا اذا كنا نبغى نسكن في مدن حلوه مثل مدن كندا مستحيل تكفيك المكافأه اذا كنت تبي تحصل مدن مثل اللي بكندا

والدراسه,, من ناحية القبول راح تحصل بسرعه في امريكا لكثره الجامعات والكليات واسهل لك بكثيير من كندا لان معروفه كندا بصعوبه الدراسه فيها وصعوبة الحصول على القبول

هذا اللي عندي واي سؤال انا حاضر لك والشباب مراح يقصرون معك ان شالله

شكرا لكم اخواني واخواتي على ردودكم القيمة
امس كان موعد التدقيق والحمدلله خلصت وكل الامور طيبة ولم اغير الرغبة الاولى هي امريكا
والله يكتب اللي فيه الخير

وشكرا لكم جميعا