استلمت القبول من المكتب اللي بجدة .. طيب وبعدين؟؟

اول شي تقومي بالسلامه ان شاءالله و الف مبرووك و يجعله ولد صالح

بالنسبه للاجراءات للتاجيل للحمل صراحه ما ادري عنها

بس حبيت اسالك هوا زوجك لما اخد القبول استلم معاه خطاب السفاره و الضمان المالي ؟؟

لانو المفروض دحين ترسلي خطاب السفاره و القبول و الضمان المالي على السفاره الكنديه و تستني حوالي اسبوع راح يرسلولك تاني اوراق الكشف الطبي عشان تروحي على العياده للكشف

بس اذا ما استلم خطاب السفاره و الضمان المالي فالمفروض انو يروح الوزاره !!!

ياليت احد يصححلي اذا كنت غلطان !!

لو سمحتي سؤال هل القبول كان مختوم من الملحقيه وبعدين هل هو صوره ولا الاصل

وشي ثاني لازم تتاكدي منه قبل ماتسافري لازم تسوي تامين طبي لك من هنا لانه في كندا

مايقبلون يسوون تامين طبي للحامل الرجاء الاجابه

دوندي لا يعطي الوزاره صورة الجواز وصورة القبول فقط ويعطونه خطاب للسفاره فقط

مرحبا ,, أولا هم اعطوه بس القبول لغة وجامعة ,,وسألهم عن الاجراءات بعدين ,, قالوا بصراحة ماعندنا خبر وبس.. احنا مكتب قبولات فقط, ومانعرف عن الضمان والفيزا بس بالنسبة لطلاب نيوزلاندا واستراليا الوزارة ارسلت اوراقهم للسفارة وخلصوا من هنا بس كندا ماعندنا علم ,,
فأنا سؤالي اللي استلم مثلي وش سويتوا بعدين؟؟


وثانيا أنا ماأقدر اسافر الحين الوضع صعب واللي ابيه تأجيل واعتقد راح يتسامحوا ف حالتي ولا وش رايكم؟؟

الله يعينك اختي سمر

انا برضو حابة اعرف ان كان اروح اخد قبولي من المكتب في جدة ولا استنى الين ما تروح الاوراق كلها للوزارة في الرياض واطلع مرة وحدة اخلص اموري وكدا ؟؟؟

طيب ايش اسم المكتب؟؟؟؟
وش الرقم؟
وفين موقعه ضرووووووووووووووووووووري

السلام عليكم
اختي العزيز اول خطاب الضمان خلاص ما عاد له داعي
لأنه يطلب من قبل المعهد عشان يوفر لك قبول ماستر او لغة

الحين تروحين للسفاره الكندية وتعطينهم القبول وبعهدها بيرسلون لك اوراق الكشف الطبي
تسوين الكشف الطبي ثم اذا استلمتي الفيزاتروحين الوزارة بالرياض ومعك القبول والفيزا راح يطبعون القرار وامر الاركاب خلال ثلاث ايام
قبول معهد لغة أو (جامعة) + الفيزا = قرار الابتعاث وامر الاركاب

اما بالنسبة لموعد ولادتك ان شاء الله ربنا يرزق الذريه الصالحه ويتربى في عزكم لازم تخاطبين الوزارة قبل موعد دراستك بشهر حسب كلام مدير الابتعاث في الملتقى وهم ان شاء الله يوجهونك التوجيه السليم

بالنسبه للسفارة الكندية لهم مكتب في جدة طريق المدينة النازل بعد برج رجال الاعمال
لكن ما ادري اذا عندهم فيز دراسه او لازم ترحوين للرياض,,,,,,,,,

جزاكم الله كل خير ,,وربي يسهل أمورنا وأموركم جميعا..
بالنسبة للمكتب فأنا أخذت عنوانه من موضوع ألاخ الدوسري هنا بالملتقى,, وهو ف شارع الستين مركز عبداللطيف جميل الدور الرابع,,
وشكرا