بخصوص اللي بيدرس على حسابه ولا يدري متى ينضم ويلتحق بالبعثة

الظاهر ان بي عيب ولا احد يرد علي
مكثورين الخير

لا والله مافيني عيب
العيب من يقول فيني عيب
نبي اي شخص يدخل على الموضوع يضحك بس
والله اني بكون اسعد واحد في الدنيا

السلام عليكم..
للاسف ما راح اقدر افيدك لاني بعيدة جدا عن شي اسمه البعثة, لكن وش رايك ترجع تكتب موضوعك في قسم الدارسين على حسابهم الخاص..
موفق

عليكم السلام ..
الله يوفقك
وانا موافق اني انشر الموضوع في قسم الدارسين على حسابهم الخاص
توني ادري في قسم الدارسين على حسابهم الخاص
مشكورة يا النشمية

ههههههه
جعلك تلاقي اللي يفيدك رغم ان موضوعك كان استفسار الا انه موضوع طيب للمعلومات اللي فيه توني راد على واحد كان كان يبي ينضم للبعثه ومو عارف كيف
موفق خير اخوي ..

يازين ابتسامتك
الله يوفق الجميع

اخوي انا مالي خبره في كندا صرأحـــه .. لكن النيه موجوده اني ادرس فيها ومحتار جدا جدا بينها وبين امريكا .. وسبب الحيره هي الماده لان راس مالي كلها 45 الف ..
بخصوص استفسارك عن الانظمام للبعثه هذي مايعلمها الا الله .. فيه ناس جاتهم خلال شهر وناس جاتهم خلال 4 شهور وناس جاتهم خلال 8 شهور !! يعني الدعوه حظوظ واهم شيء تكون الاوراق سليمه وكامله لما ترسلها للملحقيه
وانا خويي هناك كمل 3 شهور و 22 يوم وانظم للبعثه

سلام عليكم
اهي يبغى له واحد يتوكل على الله ويروح
والله يسهل على الجميع

أخوي ما فيك إلا كل خير ، المنتديات دايم يبي لها صبر ، خصوصا أقسام كندا ، هذا غير أنه ممكن اللي قرأوا موضوعك ما عندهم فكرة فايش تبيهم يقولون لك ، الأمر الآخر طريقة صياغة العنوان هي التي تجذب فيجوز إنه عنوان موضوعك عام شوي و سؤال انسأل ألف مرة فما فيه جديد فربما العنوان له دور أيضا و لذلك تحتاج إعادة صياغته

على كل حال ،
أنا شدني موضوعك لأني بإذن الله ناوي أطلع على كندا ، و أتمنى أجد إجابة لأسئلتك لأنها ستفيدني أنا أيضا

كلام الأخ من الملحقية استغرب منه شوي ، لأنه يقول أن هناك طريقتين للانضمام للبعثة ، الأولى أنك تدرس لغة إنجليزية 3 شهور ، ثم بعد استكمال المتطلبات تنضم للبعثة ، و الثانية أنك تدرس في الجامعة 30 ساعة ثم تلحق في البعثة
هل تعلم كم المدة اللازمة لإنهاء 30 ساعة ؟ سنة كاملة ، فإذن الطريقتين غير متساويتين و هذا يضع علامة استفهام كبيرة عن صحة كلام الأخ ، إضافة لذلك ، كيف تصبح المدة المطلوبة لطالب لغة إنجليزية أقصر بكثير عن المدة المطلوبة لطالب يدرس مباشرة في الجامعة ؟! و نحن نعلم أن الغرض الأساسي من البعثة هو الدراسة الجامعية و بالتالي يفترض أن اللي يدرس في الجامعة ( أي البكالوريوس ) يكون الدعم له أكثر و تكون مدته أقصر .

أتمنى يجون الإخوان و الأخوات أصحاب التجربة السابقة أو اللي يمرون الآن بنفس التجربة أو يحملون نفس الهم ، و يفيدوننا بمعلوماتهم و آرائهم