LinkBack URL
About LinkBacks
الحمد لله على سلامتك
تقرير مميز من مبدع دوما
كل الشكر لك
N 330
تقرير مميز من مبدع دوما
كل الشكر لك
N 330
تقرير رحلتي الى تورنتو بالصور
تقرير رحلتي الى تورنتو بالصور
تنبيه: هذا الموضوع قديم. تم طرحه قبل 5908 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
- 7 "
- مبرووووووك الحمدلله على السلامة <<<< وش يبغا ذا قبل شويا كان معاه7 "
المهم كيف وصلت البيت عرفت توصل ولا لا
النمنم - الحمد الله على السلامه ومشكور على المشاركه7 "
والله يوفقك وعقبال التخرج - الذيب اللي اشترى نص الوال مارت ...7 "
- ألحمد لله على السلامة7 "
ألف مبروك على الوصول وان شاء الله ماتلقا أي عوائق - أحسنت وأبدعت على هذا التقرير المتميز..7 "
أريد أسألك عن السكن هل هو سكن الكلية , وبكم استأجرته؟ - ما شفنا عيون الغاز أو الفرن في المطبخ؟؟؟7 "
- 7 "ماشاء الله عليك...
تقرير رووووووووووووووووووعة
والف حمدلله على سلامتك يالغالي
ويعطيك الف عافية على هالمجهود الرائع
وربي يحفظك من كل مكرووووووه..
تحياتي - حمد لله على سلامتك وانشاء الله ترجع بشهادة ترفع الراس7 "
February 22nd, 2008, 05:55 AM
السلام عليكم ورحمة الله وبركاتهاعضاء منتدى مبتعث الحلويين ... تحية طيبة ... وبعد:
اول شي احب ابشركم بوصولي الى مدينة تورنتو من غير اي عوائق او مضايقات تذكر وذلك توفيق من الله سبحانه وتعالى....
والحمد لله على كل حال ... الرحلة كانت شاقة وممتعة في نفس الوقت...
شاقة لطول الرحلة الي اخذت مني قرابة ال 24 ساعه من يوم ما دخلت مطار جده الى ان خرجت من مطار تورنتو
رحلتي كانت على الخطوط الفرنسية وخط السير كان: جده- باريس - تورنتو
الاقلاع في الليل كان الساعه الواحدة ليلا ووصلت مطار شارديجول بباريس الساعة السابعة والنصف صباحا بتوقيت السعودية ، الخامسة والنصف بتوقيت باريس ، ثم انتظرت في مطار شارديجول 4 ساعات من الخامسة والنصف الى التاسعة والنصف بتوقيت بتوقيت باريس وبعد ذلك اقلعت رحلتي الثانية من مطار شارديجول باتجاه تورنتو الساعة ال 10 صباحا بتوقيت باريس ووصلت ولله الحمد الى تورنتو في الواحدة ظهرا بتوقيت تورنتو ، الي يحسبها راح يقول الرحلة 3 ساعات من باريس الى تورنتو اقلكم لا ، باريس متقدمه على تورنتو بـ 6 ساعات وزمن الرحلة من باريس لتورنتو 9 ساعات
تفاصيل الرحلة:
الساعة ال 10 ليلا ودعت الوالدة في المنزل وقد كان الوداع حارا ومؤثرا ففراق الابن لامه ولأول مره في حياتي وإلى أين الى كندا التي تبعد قرابة ال 15 ساعة بالطائرة فكان الفراق ممزوج بالدموع من الوالدة حفظها الله وانتابني شعور بالحزن وأنا ذاهب الى المطار والذي زاد الطينة بله وداع الوالد واخوتي بالمطار والله ياخوان لحظات لم اكن افكر فيها او اعمل حسابها فقد كان همي الوحيد ومنذ التقديم على البعثة هو ان اصل الى كندا وقد قمت بالبدء بتجهيز اغراضي ومستلزماتي قبل الرحلة بعدة ايام ولكن عندما اتت لحظة الصفر الي هي لحظة الوداع فكان لها وقع على قلبي وعقلي وتفكيري ولكن عندما ركبت الباص متجها الى الطائرة بدأ يذهب هذا الشعور واختفت آثار الحزن بوصولي الى باريس وانه لازم في يوم من الايام راح نفترق للسفر اذا كان مو اليوم الان بعد فترة فكل مقدر ومكتوب واحنا طالعين لهدف سامي والحصول على اعلى الشهادات باذن الله وباذن الله اجتمع باسرتي في اقرب وقت ممكن وانا بخير وصحة وعافية وهم كذلك فاستودعتهم الله الذي لا تضيع ودائعه.
ركبت الطائرة متجها الى باريس وكنت قد اخترت مقعد بجانب النافذة وعند الصعود الى الطائرة اكتشفت ان المقعدين التي بجواري لنساء اجنبيات لكن ابشركم ما صار بيننا الا كل خير لحد يفهم غلط وبعد اقلاع الطائرة كانت هناك مقاعد فاضية فاخذتلي صف كامل 3 مقاعد ورفعت الحدايد الي في النص بين المقاعد وانسدحت واعطيتها نومه ابو 3 ساعات وبعدها صحيت وضربت الفطور وجلست صاحي شوي ورجعت كملت نوم الى ان وصلت باريس.
دخلت مطار شارديجول عن طريق الباص لكن ترى باصاتهم مو زي باصاتنا باصاتهم احسها طيارة من سرعتها وانها تمشي في ممرات خاصة صراحة اقلكم مطار شارديجول عالم ثاني وتوجهت لصالات الرحلات المغادرة ةكان هناك تفتيش عادي جدا زي الي في مطاراتنا ولم يقومو بتفتيش جهاز الاب توب وفقط مررته على السير بس فيه فرق انه الموظف الي يفتشك محترم ويطلب الاذن منك انه يمرر الجهاز عليك لكن عندنا بالسعودية اذا عديت من الجهاز وطلع صوت على طول يشيك عليك بالجهاز الي في يدو ولا يقلك لو سمحت ولا يكلمك فصراحة الموقف هذا شد انتباهي بين فرق التعامل عندنا وفي الخارج ومواقف اخرى كثيرة حصلت معي واتحسرت لهذا الاحترام الي ماهو موجود عندنا وللاسف الشديد
المهم مالكم بالطويلة دخلت للصالة الي انتظر فيها رحلة تورنتو وكان بقي على الرحلة 4 ساعات قلت خليني اشغل الاب توب والنت لانه سمعت انه فيه وايرليس لكن بفلوس وتدفع عن طريق الماستر كارد ، شغلت الاب توب ودخلت على الوايرليس حق المطار وجيت ابغى احجز اشتراك ساعتين بـ 15 يورو ، 100 ريال تقريبا ( مضطرين لهم ) ما كان يهمني المبلغ بقدر ما كان يهمني النت وقتها لقضاء الوقت لكن للاسف كان فيه خلل ورفض يقبل عملية حجز البطاقة ، جلست طفشان وما اقدر انام لانه الكراسي ما تجيب النوم وكنت مفرمت الجهاز قبل لا اسافر بساعة وما امداني انزل تعريفات الاب توب فقلت كويس جلست شغال عليها في مطار شارديجول وبعد كذا جلست ازبط الكاميرا احطلها البطارية والميموري لاني ما فتحتها قبل كذا كنت مشغول
مر الوقت بسرعة وما حسيت بيه واعلنو عن رحلة تورنتو وركبنا الباص ورحت على الطيارة جيت اغى اصور الطيارة من برا جاني موظف قلي ممنوع التوصير قلتله طيب وطلعت على الطيارة واستلموني المضيفين بونجواااااار ، بونجواااااار هذي قالوها في الصباح معناته صباح الخير
اما في رحلة جده باريس اول قالولي بونسواااااار في الليل يعني مساء الخير
طبعا مشغلين موسيقى هادية في الطيارة وهاتلك يانوم ابو 3 ساعات تقريبا ، المرة هذي برضو مقعد شباك ومقعد واحد جنبي فاضي بعد ما اقلعت الطيارة رفعت الحديدة الي في النص ونوم وبعد 3 ساعات صحتني المضيفة تقلي دجاج ولا سمك قلتلها دجاج نسيت انه مو حلال لو اخذت السمك اصرف واكلت الدجاج مع قوة الجوع صرت اكل اي حاجة
وعلى فكرة المطاعم الحلال في تورنتو كثير وترى عايدي تاكلو اللحم حلال حرام لانك مضطر له وسمعت الكلام هذا من كذا شخص
وبعدها اعطونا الابليكيشن حق الامجريشين حست فيه ساعة وطلعت قاموس اطلس الالكتروني من الهاند باج وترجمت الورقة كلمة كلمة لانه طلعت مهي نفس الي نزلها واحد من الشباب في المنتدى اول غيروها وراح انزلكم الجديدة ان شاء الله لا تخافو تراني مصورها ، المهم في نقاط ما فهمتها ضغطت الزر حق نداء المضيفة وقلتلها تقدري تساعديني في تعبية الالبليكيشن قالتلي شور بس قالت شور انا انبسطت
وجلست باقي الوقت العب من سيربح المليون بالانجليزي على الشاشة الي قدامي وابشكرم جبت العيد اكثر شي وصلت له 4 الاف دولار والعب سوليتير واتفرجت فلم برضو وجالس اشوف الكاميرا حقت الطيارة على الشاشة وكم باقي على الرحلة والخريطة وخط السير والحاجات هذي...
واخذتلكم هذي الصور من شباك الطيارة قبل الهبوط في مطار تورنتو والدنيا كلها بيضا من الثلج
وصلت مطار تورنتو الي شد انتباهي صراحة اكثر من مطار شارديجول فقد كان شي خرافي المطار بصراحة
اول ما طلعت من الطيارة كان فيه موظفين امجريشين على باب الطيارة يشوفو جوازات الناس الي طالعه ويسالوهم اسئلة
سالني الموظف قلي ليش جي تورنتو؟
قلتله جي ادرس
قلي ايش تدرس؟
قلتله انجليزي وبعد كدا راح ادرس هندسة حاسب
قلي اوكي واعطاني الجواز
وطلعنا الدرج على فوق وكان برضو في موظفين امجريشين على مكاتب قلي اعطيني جوازك اعطيتو
واعطيتو صور اوراق الدراسة والسكن قلي اوكي روح على مكتب الامجريشين جوا
رحت على مكتب الامجريشين والحمد لله وقعت في موظف ابن حلال
طبعا هذا الموظف هوا الي راح يحطلي مدة الاقامة وزي كدا
اعطيتلو جميع الاوراق حقت السكن والمعهد وكل شي
دخل اسمي في الجهاز قلي انتا مقدم على جامعة نيوبرونزويك في سينت جون ايش جابك تورنتو
لاني لمن قدمت على الفيزا قدكت بقول نيوبرونزويك ما كان معايا قبول كلية سينيكا
فقلتله ايوا انا راح ادرس اللغة هنا في تورنتو وبعد كدا رايح على نيوبرونزويك
زحلقتهم وانا لاني رايح نيوبرونزويك ولا يحزنون والمفترض في مثل هذي الحالة يقلي روح نيوبرونزويك
لكنه متعاونين لابعد الحدود واعطاني ستدي بيرمت لعام 2011 بمدة انتهاء الجواز
وشطب على نيوبرونزيك في الورقة الي انطبعت وكتلبي عليها كلية سينيكا وقلي خلاص روح
رحت استلمت الشنط حقتي وبرضو وانا خارج كانت في موظفة امجريشين قالتلي جبت معاك هدايا جبت معاك دخان
قلتله لا
قالتلي طيب امشي
علما انه الشنطه جبت فيها هدايا وكل شي وما فتشوني ولا اي حاجه لاني الاشياء الي جبتها هدايا لو سالوني عنها حاقلهم مستلزمات شخصية فما فتشوني ولا اي حاجه وقالتلي امشي
ولعلمكم ولا فتشو الاب توب ولا فتحوا ولا اي حاجه
وخرجت من المطار وكان في انتظاري في المطار الاخ/ غالب مراد
الي صراحة اشكر له مجهوداته الي سواها والتعب الي تعبه معايا في اول 3 ايام لي في تورنتو
استقبلني في المطار ووصلني سكن سينيكا وحجزنا الغرفة ورحت معاه بعد كذا وداني على البنك وفتحنا الحساب علشان اراسل الملحقية
وتاني يوم رحت معاه وطلعت شريحة جوال وبرضو رحنا السوبر ماركت واشتريت اشياء احتاجها ومنها شرشف السرير والغطاء والمخدات لانه السرير الي في السكن انتا تحط مستلزماتك
وهذي صورة لي وانا اتسوق في لو مارت
فصراحة الاخل غالب مراد ما قصر وكم واحد من الشباب السعوديين الي قابلتهم في تورنتو يمدحو في الاخ غالب وصراحة انسان خدوم وما يقصر مع احد من الطلبة الي موجودين في تورنتو وهذا اقل شي اقدر اقوله مع اني عارف انه بكلامي هذا ما وفيت ولا اي شي من حقه ...
وهذي صوره لي امام السكن حق كلية سينيكا
وهذي صورة للاخ غالب مراد
وهذي صورة في الطريق من المطار للسكن
طبعا كلية سينيكا جدا كبيرة والصراحة هذي تعتبر جامعة مهي كلية في القريب راح يتغير اسمها لجامعة سينيكا بدل من كلية سينيكا
صراحة انبهرت بالكسن وبالكلية فكانت فوق المتوقع وشي جدا رائع ومرتاح فيها
وهذي صور لغرفتي في السكن
وهذي صورتين للمطبخ
وهذي صور من شباك غرفتي انا ساكن في الدور 14 الدور قبل الاخير
وفي الاخير ... انتظرونا في كم تقرير راح اعملهم هنا في تورنتو عن الاسواق والمحلات والجامعات لكن صبركم علي خلوني ارتاح شويا
وتقبلو خالص تحياتي ... KaLaNgO In ToRoNtO