استفسار عن الابتعاث لكندا ..!

شف أخوي
أنت تدرس ثالث ثانوي ، يعني الله يحيينا و يمتعنا بالصحة و العافية تبي تنتهي من الثانوية تقريبا في بداية شهر سبعة ميلادي ، برنامج خادم الحرمين الشريفين يبدا حسب العادة في شهر ثمانية ميلادي ، فأنت كذا و لا كذا لازم تنتظر تخرجك من الثانوية ، و بالتأكيد الانضمام للبعثة أفضل لك بألف مرة .
أنا أقترح أن تسعى من الآن على التركيز على التحصيل الدراسي للحصول على أعلى نسبة ممكنة ، و في أوقات الفراغ ، قوي لغتك الإنجليزية بدورات لغة إنجليزية و كذلك اطلع على مواضيع المنتدى علشان تحدد وجهتك أكثر وش مميزات كل مكان و ايش التخصصات اللي ممكن تناسبك و ايش الجامعات و كيف ترتيبها ... الخ ، ثم إذا جاء برنامج خادم الحرمين الشريفين ، قدم ، و الترشيح للقبول المبدئي ما يطول فيما أذكر أقل من شهر ، فإذا رفضوك من البداية فهذا أنت عرفت أنه ما لك إلا الخيار الثاني ، أما إذا أعطوك القبول المبدئي ، فالله يعينك أعطوك أمل و يمكن يحطمونك بعدين ، إذا جاك القبول المبدئي تبدا مرحلة التدقيق و هي المرحلة اللي تروح فيها لهم بنفسك و معك الأوراق المطلوبة علشان يشوفون صدق البيانات اللي انت حطيتها و يكملون الإجراءات الورقية ، ثم بعدها بفترة ( صراحة مو متأكد كم ممكن الإخوة أصحاب التجربة يفيدونك ) يأتيك القبول النهائي ، و بعدها توكل على الله ، أما إذا جاك الرفض ، فيكون بعدها ما لك إلا الخيار الثاني .

طبعا أنت ممكن تقول أنا مستعجل و ايش اللي يصبرني و في الأخير ممكن ما تحصل البعثة . طيب ، كلام صحيح ، و ممكن نفكر فيها خطوة خطوة .
أنت أولا لازم تتنتظر التخرج من الثانوية .
ثانيا ، ما راح يضرك الانتظار شهرين من وقت تخرجك من الثانوية تقريبا على بداية شهر سبعة ميلادي إلى شهر تسعة ميلادي على ما تشوف مسألة القبول المبدئي ، و اللي تقريبا راح يكون في بداية الفصل الدراسي الأول في السنة القادمة .
ثالثا ، أنت من الآن ، و بحيث لا يؤثر على دراستك ، تقرا كثير في موضوع الولايات و المقاطعات و المدن و الجامعات و التخصصات و بقية الأمور علشان تتكون عندك صورة أوضح و أوضح.
رابعا ، أنت ممكن تخطط على أنك تبدا دراسة اللغة على شهر 1 ميلادي عام 2013 ، و تبدا في الموضوع من وقت التخرج ، إن جاتك البعثة فالحمد لله ، قدم أوراق قبول المعهد و الجامعة إذا فيه على إدارة الابتعاث ، و إن ما جاتك البعثة فالحمد لله ابدا على الخيار الثاني حقك و هو الدراسة على الحساب الخاص . بس فيه نقطة ، النظام الجديد للدارسين على حسابهم الخاص إنه لازم تقدم قبل لا تسافر و فيه شروط لهم مثل الفحص الطبي و مثل القبول في المعهد و القبول الجامعي و ما أدري هل راح يتساهلون في القبول الجامعي أو لا .

علشان ترتب أمورك أنصحك بالرسم ، ارسم خط طويل و ضع سنن ( شرطات )عليه ، السنّة الأولى تمثل هذا اليوم 16/12/2012 ، السنّة الأخيرة بداية دراسة اللغة في 01/01/2013 ، و فكر أنت عاد في ترتيب المهام و وضع سنن لها و خطوط موازية تمثل مدة المهمة .
وفقك الله

مشكوور على المعلوماات يا غلاي .. لكن المشكلة ان ما فيه معاهد اتعلم فيها على الأقل اساسيات اللغة علشان كذا انا محتار .. لكن مو هنا المشكلة لكن التحويل على حساب المملكة صعب في كندا .. لان اخوي واثنين من عيال عمي في نيوزيلندا لكن انا مو ذاك الولد الشاطر .. و الجامعات في نيوزيلدا 8 جامعات معترف فيها من قبل وزارة التعليم العالي .. و الجامعات في كندا فرصها اكثر لان يوجد بها 90 جامعة معتمدة .. فانا لو بسوي نفس اقاربي بطلع شهر 7 ميلادي واتعلم لغة لمدة 3 شهور واقد على الاختبار ولو جبت 4 من 9 وقدمت على الانضمام .. تقبلني البعثة .. فسؤالي كندا نفس النظام وهل الاسعار معقولة في كندا بما فيه الحال في نيوزيلندا .. ممكن ما عندك خلفية بس انت لو تعطيني معلومات عن كندا وانا راح اقارن بينهم .. ومعليش تعبتك معااي ..