تكفوووون ابغى ابتعث :(

ياهلا فيك اختي


وان شاء الله ربي يكتب وتكملين في التخصص اللي انتي حابته ...

موضوع الدراسه على حسابك الخاص ... موضوع بسيط ... ومضمون ...

تحتاجين في البدايه اصدار موافقه طلب دراسه على الحساب الخاص من الوزاره ... واللي مطلوب فيه مستندات معينه ...

بعد اصداره تجين هنا وتدرسين ٣ شهور علي حسابك ... تكلف مابين ٣٥ الف ريال الى ٤٥ الف ...
غير مصروفك طبعا ....

وبعدها ان شاء الله تنضمين للبعثه ...


اذا محتاجه اي تفاصيل اكثر ... اسالي

تبين شوري ؟ اسمعي حبيبتي أنت الآن في السنة الثانية أحياء و باعتقادي إن قسمك مش بطال أبد
بمعنى لو تخلصين دراسة يمديك بشهادته تقدمين على جامعة الملك سعود بن عبد العزيز للعلوم الطبية
التابعة للحرس الوطني و تدرسين طب مثلا ..



خلصي بكالوريوس .. و قدمي على الابتعاث لمرحلة الماجستير ..

أو

روحي برا و تخسري فلوس + سنة و نص لغة عشان
تجيبين ٦,٥ بالآيلتس + في كندا ما فيه تخصص اسمه
طب فيه تدرسين ساينس ٤ سنين بعدين تبدين في الطب
و احسبي كم بيضيع عليك من سنة..



أنا أشوف إن الابتعاث حلو للماستر و الدكتوراه .. اكيد حلو للبكالوريوس
لكن أنت دامك في سنتك الثانية أتوقع الأحسن خلصي و اطلعي ماستر




الله يوفقك و يسهل أمرك و يرزقك الخير حيث كان ثم يرضيك به

السلام عليكم ..

حبيت اشارك في موضوعك ..
اولا : اذا استشرتي فالقرار الاول و الاخير يرجع لك ..
ثانيا : اغلب ما يضيع مستقبل الواحد هو كلام الناس ..
ثالثا : الدراسة برا مو صعبة للي يبي يدرس انا مو مبتعث بس في اقارب لي مبتعثين .. اللي طلع منهم يدرس نجح و اللي طلع يمشي حاله ما نجح في اللغة مو في الدراسة بعد ..
فانتي يا اختي ادرى بمصيرك وبقدراتك اذا بتبدعي هنا كملي .. اما اذا تسكرت في وجهك حاولي تطلعين برا .. وربي يوفقك ..

انا راي من راي ميمونه كملي البكلوريس وبعدها ان شاء الله تكملي ماستر براى بس كمان نصيحه مدام انتي راغبه تدرسي برا اجتهدي من الان باللغه ادرسي في الصيف
عشان ماتتعبي بعدين باللغه

لا ماني حابه اكمل هنا ابدا ولا ابغى تخصصي كارهه الاحياء
ايش ادرس بالصيف ؟؟ مافهمت !!!

تقصد .. ادرسي بالصيف هنا بالسعودية انجليزي لغة يعني ..
لكن زي ما قلت لك .. دامك مو بتنجحين ومو حابة تكملي ابدا .. فاطلعي وشدي حيلك وراح تبدعين
وما في اي شيء صعب دام فيه تفائل و طموح ..

يعني بإمكاآني ادرس لغة بالسعودية بعدين اطلع جامعة بس ؟؟

لا بالطبع .. ولكن تقصد تتعلمي اساسيات لكن و الله هي مهمة بس بالسعودية اكل فلوس بدون اي فاىدة .. ولكن اجباري اقل مدة للغة هي 3 شهور .. ولكن في حال انك تعلمتي هنا وطلعتي واختبرتي وجبتي الدرجة المطلوبة راح تدخلين على طول ..

ط??بَ أنا تقريبا انجليزيتي ممتازه يعني أقدر أتكلم مع دكاترة الجامعه وأي أحد أجنبي بكل سلاسه وماالأقي صعوبه بهالموضوع أبدا وقريبا بقدم اختبار الايلتس إن شاء اللـه تتوقع هالشي يفيدني ؟؟