استفسار كيف اقدم على الماجستير

up
سبحان الله والحمد الله والله أكبر

[QUOTE=عندي سؤال ؟؟;1062271816]up
سبحان الله والحمد الله والله اكبر

طلاب الماجستير تكفون ساعدوني

وعليكم السلام ورحمه الله

بخصوص قبول الماجستير في البداية لابد من تعبئة الابلكيشن وتكملة الاوراق المطلوبة وبعدها يتم ارسال الاوراق الاخرى
وبخصوص السيرة الذاتية طبعن تعتمد على الشهادات اللي عندك والخبرات والغرض من الدراسة ايضا يعتمد على السيرة الذاتيه لكن بصيغة مطولة

انا اقدم الخدمات ذي للطلاب واذا فيه استفسار انا حاضر
ابو تركي

ما فهمت كيف تقدم الخدمات للطلاب

يعني تجيب قبولات وتسوي سيره ذاتيه وكل شيء انت

او تخدمنا بنصايح وتعلمنا ايش نسوي


اتمنى تكون واضح

انا واضح
يعني اسوي السيرة الذاتيه واجيب قبولات

وانت وينك وكيف اتواصل معك

وكمان عند مكتب او كيف تجيب قبولات جامعيه
لاتكون كمان مكتب وحق وجع راس..


انا كلامي واضح ابي احد يقدم لي نصاح هنا واخص طلاب الماجستير الي في كندا
الي احس انهم نسو المتاعب الي دخلوا فيها اول ماجوا

تراكم كنتم مثلنا وتايهين... فلا تبخلوا علينا بكلمتين مفيده

ياخي شغل المكاتب والبزنس هذا اطلع من مخي ماني فاضي لكم
عندك نصائح حطها هنا اما انك تنزف اموالنا... بدون سنع ... فأحنا مو ناقصين

حبيبي اللي يقولك قبول ماجستير في كندا صعب "ماعنده سالفه " هذي سوقوها المكاتب وصدقوها بعض الناس
من واقع تجربه كندا مو صعبه في قبولات الماجستير بس مشكلتهم يبالغون في درجات الايلتس خصوصاً مكتب الادميشين يعني يطلبوا 7 او 6.5 على الاقل لكن لما بتراسل البروفيسور وبتقوله انك بتدفع كامل التكاليف اللي يتطلبها البحث وكامل الادوات راح تحصله يقدم لك تنازلات كثيره ووممكن يكون مطلوب للبرنامج من الادميسون 7 في الايتس وهو بيقولك اذا جبت 6 كافيه !!
طبعاً معظم جامعات كندا قسم الادميشون مايرسل لك قبول مشروط ماعندهم الا اسود او ابيض
بس ممكن بعد ما تراسل الدكتور يقولك ماعندي مشكله اني اديك قبول بشرط تجيب 6 في الايلتس او يقولك قدم اختبار اخر اسمه كيل وحدثت لآحد زملائي وبمجرد تجيب الدرجه اللي هو طالبها يديك القبول النهائي

طبعاً تجهيز السيرة الذاتيه والغرض من الدراسه مهم بس مو كل الجامعات انا قدمت على 14 جامعه بين امريكا وكندا وايرلندا ماطلبت الغرض من الدراسه الا اربع جامعات والسيره الذاتيه جامعتين :|
بشكل عام جهز هالاوراق بالكمبيوتر
1 شهاده التخرج
2 كشف الدرجات
3 اثبات كفائه اللغه( ايلتس او توفل او اذا انت دارس البكالريوس بالانجليزي)
4 ورقه تعريف من الملحقيه للتقديم على برنامج الماستر تطلبها من البوابه
5 صوره الجواز
6 السيره الذاتيه
7 خطاب الغرض من الدراسه
8 ثلاث توصيات
9 اي اوراق اخرى تدعم ملفك مثل حضور دورات وغيرها
وطبعاً جهز ظروف من مرجعك"الملحقيه الثقافيه بكندا" او جامعتك تكون مختومه وداخلها شهاده التخرج صوره طبق الاصل و كشف الدرجات والثلاث توصيات
بعد ماتجهزها طال عمرك تبداء في البحث في مواقع الجامعات عن برنامجك واذا حصلت برنامج واعجبك تتبع الخطوات التالي
1 تنسخ الايميل وارقام الاتصال اللي موجوده في البرنامج
2 تقدم اونلاين وتدفع الرسوم" 100 دولار تقريباً وتعوض عنها الملحقيه " وبعدها تتابع المطلوبات بعض الجامعات تطلب بعد التسجيل اونلاين ارسال الاوراق في ظرف مختوم وتديك رقم طلب وبعضها يطلب ترفعها اون لاين وانت تقدم اونلاين المهم عندك بعد ماتاخذ رقم الطلب تحفظه عندك مع ارقام التواصل مع البروفيسور
3 بعد ماترسل الاوراق او ترفعها بآسبوع تراسل البروفيسور لآن المعامله ممكن حولت عليه او راح تحول عليه في غضون ايام معدوده وطبعاً لما تراسل البروفيسور تديه رقم الطلب اللي اخدته من الموقع او اللي وصلك على البريد على حسب الجامعه
طبعاً لما تراسل البروفيسور لازم تكون مهتم بما تكتبه وتكون مؤدب لآقصى الحدود وتكتب انك اسمك الكامل ورقم الطلب اللي وصلك بالبريذ وتكتب له خطاب انك اطلعت على البرنامج ونال اعجابك وانك تتمنى الانضمام للجامعه واكمال مسيرتك التعليميه لديهم وان سمعه الجامعه جذبتك ....... الخ من المدح والبذخ وبعدها اكتب انك ارسلت اوراقك للادميشين واتمنى ان تطلع عليها ...... الخ واكتب انك راح تتكفل بكل مصاريف الريسيرش ...... ولا يمنع ارفاق نسخ اكترونيه لشهاده التخرج والسجل الاكاديمي والتعريف واكتب له انها مرفقات
طبعاً راح يرد عليك بعد فتره معينه ان اطلع على اوراقك ويرغب بتحديد مقابله شخصيه او يرد عليك بآنك لم تكمل متطلبات البرنامج وبيقولك ايش السلبيات اللي في ملفك
هذا اللي عشته من واقع تجربتي وللاسف ماحصلت الا قبول واحد :| في كندا بس فيه سلبيه عندي ان معدلي متدني في البكالريوس وكندا يطلبون معدل عالي و وحولت على ايرلندا لان البرنامج اللي انقبلت فيه ماعجبني
والموضوع سهل لايغرك اني تحصلت على قبول واحد فقط اعرف اشخاص بنفس الطريقه تحصلوا على اكثر من قبول وفيه شخص اعرفه جاب ثلاث قبولات دكتوراه :| وقبول الذكتوراه صعب بآي مكان بالعالم