وش تنصحوني بكندا ولا امريكا او ايرلندا

ياعشاق ومحبين كندا نورونا الله ينور عليكم دنيا واخرة

افضل مكافاة وافضل شعب وافضل مدن في كندا

بس امريكا مانصحك فيها ابد شعب قرف مع مكافاه ماتكفيك

واذا تحب الطبيعة روح ايرلندا بس المكافة ماتكفيك

شكراً ياخوي وماقصرت وربي يسعدك

ترا حتى الشعب الأمريكي حبوب ... على حسب الولاية .... ومن ناحية المكافأة تعتمد على حسب الولاية برض ... من ناحية المدن ... انا ابي اعرف كيف حكمت ان احلى مدن هي بكندا ؟؟

ترا ماعندنا بكندا الا مونتريال وتورنتو وفانكوفر وفيكتوريا هم المدن اللي يعتبرون حلوين .. وبقية المدن أشبه ماتكون بالدوادمي وساجر وحارة عمار ... بعكس امريكا اللي يعتبر فيها عدد المدن الجميلة أكثر.

انا ماعندي خلفيه عن ايرلنده ... لكن بغض النظر عن الشعب والمكافأة والمدن ... السؤال الأهم ... أي دوله راح تعطيني قبول وراح اتخرج منها بمعدل مرتفع ؟

كندا = جيمات أو خبرة عمل + صعوبة في الحصول على قبول وخاصة لو كان معدلك الجامعي منخفض + عدد جامعات محدود + قد تكون الدراسة معقدة
أمريكا = بإختصار عندك كل الخياراااات لان عدد الجامعات بها كبير جدا

كانت امريكا خيار لي ولمرافقي
لكن استخرت وبقدرت قادر أخترت كندا
مع إني إميل لأمريكا ومرافقي كان مبتعث فيها

إستخير والله يوفقك

الله يسعدكم ويوفقكم دنيا واخره

امريكا بدون تردد، وانس موضوع ايرلندا ، كئيبه وبرد وسمعه تعليمية اقل من امريكا وبريطانيا وكندا واستراليا

طبعا التعليم بكندا لا يقارن مع اي بلد حتى امريكا
تعليم ممتاز وقانون ممتاز وشعب متعود على جميع الجنسيات نظرا لكثرة المهاجرين في كندا

نعم الجامعات في كندا اقل من امريكا والقبول قد لا يكون بسهولته بأمريكا ولكن من تخرج من كندا بالتأكيد افضل لان جامعات كندا تقريبا كلها ممتازه بينما امريكا متفاوته جداً وبعض جامعاتنا بالسعودية قد تتفوق عليها .

الف شكر حبايبي اهل كندا وباذن الله نلتقي معكم هناك وانوي الذهاب لفيكتوريا ان شاء الله