تأخرت الجوازات وعلي العودة حالا

وعليكم السلام ورحمة الله وبركاته
ما اعرف عن وضع جوازاتك او كيف تستلمها

لكن ابتكلم عن تبليغ ان الجواز ضايع
اذا جيت ترجع للسعوديه بيطلعون لك تذكره مرور تحل مقام الجواز لين توصل السعوديه "من السفاره"
وبعدها عند المطار ياخذون التذكره ويحولونها لمركز الجوازات اللي اصدرت منه الجواز
واذا رحت لمركز الجوازات لازم تنتظر لين توصل التذكره من المطار الى الجوازات اللي انت تابع لها
وبعدها اذا تأكدت ان التذكره متوفره عند الجوازات تحجز موعد عند المحقق
وحجز الموعد بياخذ منك كم يوم لان بعض الايام يكون الموظفين حقين التحقيق او حجز المواعيد عند المحقق غير متواجدين
والموعد راح ياخذ عليك اسبوع على ماتلقى لك موعد يناسب المحقق ويناسبك
وبعدها المحقق بيسألك عن كيف ضاع منك الجواز وتوقع على اوراق التحقيق ويرسلها للضابط اللي اكبر منه
والضابط اللي اكبر منه يوقعها ويرسلون الجواز للمديريه العامه للجوازات
واحتمال ياخذ اسبوع على مايوصل الجواز للمديريه وبعد مايوصل الجواز للمديريه يتحققون من الامر وبعدها يحولون جوازك للجوازات بعد ما تنتظر مده طويله
واذا وصل جوازك للجوازات يحددون لك المخالفه واذا كان فيه حجز او لا واحتمال كبير يحطون عليك "اهمال"
المخالفه من 500 ريال الى 5000 ريال تدفعها عن طريق ايداع من حسابك الشخصي من البنك الراجحي او الاهلي
وطريقة الايداع يكون على شكل شيك مصدق للجوازات اللي انت مطلع منها الجواز
وفيه ايضاً ايقاف عن السفر لكن لانك مبتعث مايوقفونك
وفيه حجز لكن لانها المره الاولى مايوقفونك
واحتمال اذا شافوك مقدم للعائله كلها يظنون انك بايع الجوازات ولا ادري وش الاجراء بالنسبه لهذا الشي

المشكله اذا سويت هذا الاجراء وبعد فتره لا سمح الله وضاع الجواز راح ترتفع المخالفه وراح تتطور اشياء ثانيه

انا رحت اطلع جواز لاخوي وجوازه مسروق في امريكا وهو رجع للسعوديه اجازه
واعطاني وكاله بمتابعة كل شي
واخذ علي خمس شهور على ماطلعت الجواز

واذا قال لك احد انا عندي لك واسطه وابطلع لك الجواز بفتره بسيطه انصحك لا تسمع كلامه
لان مافيه احد ماكلمته بالجوازات وفيه ضابط برتبة رائد كلمته يوم شفت ان الموضوع طول
وكلمت عقيد وكلهم امون عليهم
ومع كذا ولا واحد قدر يسوي شي
واحد من اللي كلمتهم اجتهد وطلع معي يتابع الاوراق لين وصل لحد معين وقال القسم الفلاني مابيننا تعاون
والمشاكل اللي بينهم كثيره خصوصاً الآن لان فيه فترة تصحيح الجوازات للمقيمين بالسعوديه وقاعدين يشتغلون واسطات بينهم

صار لي نفس الموقف، وارسلت لمكتب الهجرة بإن الموقف طارئ جدا وارسلت لهم صورة التذاكر وموعد السفر، فكان جوابهم بالايميل كالتالي:
انتظر دورك عندنا معاملات كثيرة.

انصحك لاتقول ان جوازاتك ضاعت.

وعليك بالصبر والدعاء