استفسار تغيير بلد الابتعاث من كندا لأمريكا في فترة اللغه

لازم تجيبي قبول غير مشروط ..بعدها تقدري تنقلي

موفقه

شكرًا على الرد يعطيك ألف عافيه
بس سؤال ثاني قبول مشروط يعني قصدك قبول الجامعه صح !

غير مشروط $$$$
سوري

للاسف لازم قبول جامعي غير مشروووط

السلام عليكم
واحد من ربعي ناقل من كندا لامريكا في فترة اللغه
ونقل الى معهد تجاري والجامعه قبولها مشروط

اختي الانتقال في مرحله اللغه متاح لكن صعب مو أي واحد يقدر ينتقل لازم تكون له ظروف استثنائيه والانتقال في مرحله اللغه لايلزم ان يكون مرفق بقبول جامعي على سبيل المثال للظروف الاستثنائيه
وحدة زوجها ماقدر ياخذ اجازه من عمله (يعطونها مهله ثلاث شهور وبعدها لازم تغير المحرم ) واذا كان لها اخ او محرم يدرس في بلد ثاني يتاح لها التغيير في مرحله اللغه بحيث تنتقل للبلد المتواجد فيه محرمها الجديد
مثال اخر
شخص وصل له رفض لتجديد الاقامه او الفيزا في بلد الابتعاث وطبعا فيه ظروف كثيره ممكن تفتح للشخص التغيير في مرحله اللغه لكن نصيحتي الشخصيه بما انك تعرفتي على نمط الحياه في كندا وتأقلمتي عليها شدي حيلك وحاولي تجيبي سكور عالي بالايلتس وخصوصاً انه بمرحله اللغه الاستقرار مطلوب وشئ مهم وكل بلد لها نظامها بالحياة ولها نظامها الخاص بالهجره والاقامه
وطبعاً مثل ماقالوا الاخوان اذا ماعندك ظروف تجبرك على طلب الانتقال ماراح تنتقلي الا بقبول نهائي وغير مشروط باللغه والانتقال للدراسه الاكاديميه مباشرة بدون لغه والله الموفق