أتمنى الرد .. وهذه رفعة للموضوع UP
7 " عندي نية دراسة .. والله محتار وأبغى نصيحتكم
عندي نية دراسة .. والله محتار وأبغى نصيحتكم
تنبيه: هذا الموضوع قديم. تم طرحه قبل 5850 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- لا تشيل هم و الجميع او الاغلبيه طالعين بمعدلات منخفضه و مبتعثين بعد من الوزارة7 "
البديل الي نفكر فيه اننا نغير الدوله من بعد اللغة اذا ما حصلنا قبول في الجامعات الكندية
بس مشكلتك انك مرافق لاختك
يقولون الاجراءات سهله للملحقيه و بيساعدونك في تحصيل قبول من الجامعه
اما سالفة انك تعيد البكالوريوس من جديد هذي خيالية نوعا ما لووووووووووووول
رح هناك و سجل في اي معهد و قدم اوراقك للملحقيه و خلهم يضموك للبعثه و بعدها ربنا ييسر الامور كلها ان شاءالله - الله يوفقك بس ماقلت لنا انت متوظف او لا ؟7 "
-
وفي انتظار بقية ردود الاخوة الكرام
والرجاء توضيح الردود و الاجابة عن ما تعرفونه من الأسئلة اذا تكرمتم
لأستفيد و يستفيد غيري والذين لديهم وضع شبيه بوضعي
وتحياتي لكم - ياعزيزي اتمنى لك التوفيق ,,,,,,7 "
وبإستطاعتك أن تكمل الماستر بعد ماتدرس مواد هم يعطوك هيا
وبالتوفيق ,,,,,,,,, - اغلب المبتعثين لدولة كندا معدلاتهم اقل من 70 % و تعتبر ضعيفة بالنسبة لقبول الجامعات الكندية و الوزارة ما حطت هذا الشي في الحسبان اما الدول الثانية قبولاتها سهلة عشان كذا باقولك البعض راح يحول الدولة من بعد الانتهاء من اللغة و هذا كلام الدكتور يحي الخزرج في الملحقيه7 "
عشان كذا باقولك مشكلتك انك مرافق لاختك .. اقصد يمكن ما تقدر تغير الدولة عشان اختك انقبلت يمكن في الجامعات هناك او انكم انتو الاثنين تحولو البلد
بالنسبة لاعادة البكالوريوس باقول خيالية بالنسبة لي انا طبعا
اما سالفة تعيدها هذا شي يرجعلك و شف الملحقيه و الوزارة في هذا الامر اذا يوافقولك و لا لاء ! -
الله يبشرك بالخير والله يوفقك ،، الأمل موجود يعني ان شاء الله بس ممكن تفيدني أكثر ايش المواد وايش الأوراق المطلوبة من ناحية القبول المبدئي قبل و بعد المواد و من ناحية الانضمام للبعثة ، ماستر أو بكالوريس ؟؟
جزاك الله خير على التوضيح ،، ما قصرت ،، وهذه البلشة والله لو عجبها الوضع وما حبت تغير الجامعة والبلد أو ما قدرت - الله يوفقك والله برايي انك اتكمل الدراسه هذا افضل لك7 "
- شكراً لك أخ عبدالعزيز ،، جيب تسلم وتمر تشارك بس ولا عندك أفكار أو اقتراحات7 "
تحياتي
April 14th, 2008, 12:59 PM
كيف حال الجميع عساكم بخير ان شاء الله
اول شي حأستبق كل الأحداث بالحدث الأهم (اللي هوا الفيزا ما جاتني الى الآن) بس نقول باذن الله حتجي وقريب حنسافر
.
.
.
.
.
.
أنا طالع مع أختي المبتعثة الى كندا (تورنتو تحديداً) كـمرافق وأبغى أستفيد بدراسة فيا ريت تنصحوني وأكون لكم من الشاكرين
أبغى أقلكم A Little about myself = شوية عن نفسي
أنا متخرج من الثانوية قبل 8 سنوات تقريباً (علمي بنسبة 76% تقريباً)
دخلت الجامعة بعدها وأتخرجت من قسم ادارة أعمال (كلية اقتصاد و ادارة) بتخصص تسويق
من جامعة الملك عبدالعزيز سنة 2006 (بمعدل 2.20)
وصراحة وبكل أمانه ما أدري هل جو الدراسة غير عادي بجامعتنا (يعني ما ناسبني) ولا الكلية ومناهجها ماعجبتني لأني بصراحة ما شديت حيلي الا للنجاح والفكة والتخرج بأي شي في أخر كم سنة (الحاصل) خلاص أتخرجنا بعد 6 سنين وفشل ذريع (وياريت اني شديت حيلي أكثر وأجدهت من جد ) بس المعدل 2.20 من 5 هو اللي منغص حياتي دحين
حمدلله لغتي الانجليزي قوية (برغم اني ماجربت حظي واختبرت التوفل) لكن طبعاً أكييد بأدرس شوية انجلش كم شهر
نية دراستي و هذه المرة في جو كندا الأحلى (وبالانجلش لأني كرهت الدراسة بالعربي أيام الجامعة) نية قوية وجااادة
لكن لدي بعض الاستفسارات بناءً على المكتوب أعلاه
أول شي حابب أسئلكم هل في جامعات تقبلني أكمل ماستر في أي حال من الأحوال (بس تكون معترفة من الوزارة وممتازة) ولا من عاشر المستحيلات ؟؟؟!! واذا مهي معترفة فهل هذا يضر ؟؟
ثاني شي لو فكرت اني أدرس بكالوريس من جديد ؟؟ هل تؤيدون ذلك ؟؟ (عمري 25 سنة) ولا هو خيار أفضل ؟
(بحكم الوضع الحالي في البلد من وظائف و تفكير انه اللي دارس بره أفضل يجي بماستر ولا ماحتفرق)
طيب لو كنت تؤيد الدراسة من جديد (ايش المتطلبات معظم الجامعات الكندية ، وايش أجيب معاية في كلا الأحوال)
وهل سيتم قبولي في البعثة (بأي حال) اذا جبت قبول في جامعة بوضعي أعلاه ؟؟؟
لأني كثييير سمعت انه الوزارة سارت تضم طلبة كثير وما ساروا يدققوا في المعدل والأمور هذه (الا بالأولوية طبعاً)
والبعثة سارت ميسرة خصوصاً للي بره (مرافقين أو غيره) فهل هذا صحيح ؟؟؟
ايش أفضل (ونسبياً أسهل) التخصصات والمرغوبة بكثرة بعد التخرج ؟؟
هل في دبلومات أو دراسات أخرى تنصحوني فيها (ممكن أدرسها على حسابي) في حال انه الخيارات اللي أعلاه غير مجدية ومافي أمل (لاسمح الله) من قبولي في بعثة مثلاً
أتمنى من المجربين والناس اللي في كندا و الناس اللي فاهمه في أمور القبول والجامعات والوزارة الرد باسهاب
أشكركم على المرور وقراءة موضوعي و شجعوني شوية <<< خلص النهائي (مبروووك للهلال)
تحياتي وتقديري،،،