حياالله اخوي
بالنسبه للفقرة رقم 3 حقت صندوق البريد لازم تكتبه صح يعني رقم الصندوق والرمز البريدي
(B.O.Box ) صندوق البريد
(Postal Code ) الرمز البريدي
مع المدينه والدوله طبعا
فقرة رقم 4 : دام انك مو موظف ولا طالب حاليا تكتب
(Fresh Graduated ) يعني خريج جديد, واذا كنت مو خريج جديد تكتب( N/A ) يعني لا يوجد (والقصد انه لايوجد معلومات عن السؤال طبعا) يعني هي اختصار :
(Not Available )
فقرة رقم 5 :
وتكتب اسم الجامعه الي تخرجت منها اذا انك خريج جديد بس اما اذا متخرج من زمان وما اشتغلت ابدا تكتب ( N/A ) يعني لا يوجد لاته السؤال يسألك عن اسم مكان عملك او دراستك الحالي وليس السابق وانت طبعا تكون من الاصل مرفق صور عن شهاداتك مع الابليكيشن وهم رح يعرفون انك متخرج من زمان
بالنسبه للفقره رقم 6 ( Valid Until )هاذي مالك دخل فيها اذا انت سعودي لانها هاذي تخص المقيمين مو المواطنين عن تاريخ انتهاء الاقامه حقتهم سواء كانت عمل او فيزة زيارة او دراسه اوغيره ..... المهم مالك دخل فيها لانك رح تسوي اشارة صح قدام كلمة ( Citizen ) يعني مواطن بالتالي مالك تاريخ انتهاء اقامه في البلد (السعوديه)
وبالنسبه للفقره 10 و 11 تكتب ( Scholarship )
والجزء الثاني من فقرة 11 تحط اشارة صح قدام كلمة ( Other ) وتكتب تحتها في التفاصيل
( The Ministry Of Higher Education ) يعني وزارة التعليم العالي
April 18th, 2008, 10:10 PM
وش اخباركم ان شاء الله طيبين..
اول احب اشكر كل الاعضاء على التفاعل والمساعدة للجميع..
انا بس عندي استفسار عن بعض النقاط في الابليكش حقت الفيزة الكندية..واتمنى ان القى الاجابه عليها..
..
بالنسبه لفقره 3 هل يكفي اكتب صندوق البريد مع المدينة والدولة فقط او يحتاج بعد اكتب الرمز البريدي..
..
بالنسبه لفقرة 4 وهي ذكر الوظيفة مع شرح مختصر عنها.. سؤالي هو اللي ماهو موظف ماذا يكتب هل يكتب فقط انه طالب او يكتب شي ثاني؟
..
وبالنسبه لفقره 5 وهي اسم وعنوان عملك .. طيب للي ماهو موظف هل اكتب اسم الجامعه اللي درست فيها وعنوانه او وش اكتب ؟
..
بالنسبه لفقرة 6 تتكون من جزئين سؤالي هو عن الجزء b وهو valid Untel وش اكتب فيها لاني اشوف شرح العضو كانلجو ما تكلم عنها ؟
..
وبالنسبة لفقرة 10 و11 هل اكتب scholership بس او اخليها فاضيه ؟
..
اعتذر على كثرة الاسئلة ولكن مالي الا الله ثم انتم ..
اتمنى الاجابه باسرع وقت علشان ودي اقدم على الفيزا باسرع وقت..
دمتم بود..