وصلت الى كاملبوس ولكن عندي مشكله

ان شاء الله احد يقدر يساعدش ويستفيدي

ولا تخافي .

كيف يعني الفيزا تختلف ???
والله يعينك بس هونيها....

حمد الله على السلامه اختي


اظن والله اعلم انو مدة الفيزا ماليها شغل في مدة الاقامه في كندا
يعني لو عطوه اقامه اكثر من مدة الفيزا ما عنده مشكله

بس قبل لا يسافر يجدد الفيزا عشان يقدر يدخل كندا مره ثانيه

وشوفي موضوع الاخ النهدي عن تجديد الفيزا ان شاء الله يفيدك



تحياتي

اللي فهمت من كلامك اخوي عوام
ان والد كبريائي يعني يرجع البلد السعوديه بعد 6 اشهر ويجدد الفيزا ؟؟

بس كبريائي اتقول ان فيزا الوالد 18 شهر بس الاقامة 6 شهور ؟ كيف تجي هذه ؟؟

اولا اسمحو لي الرد عن كبريائي
<< اخت كبريائي

اول قامت فيه كبريائي
انها راسلت الملحقيه على طول وعطتهم خبر عن الموضوع
ونتنظر ردهم الحين

بس السفاره السعوديه ماعطتهم خبر ولسه مارسلت لهم اوراق كبريائي واوراق الوالد لتسجيل الجواز
راح نعطيهم خبر الحين
وان شاء الله خيير

ودي اسأل في احد تعرض لكذا مشكله من قبل ؟ وهل نزل الوالد عنهم او ظل معاهم ؟

اختي معليش ابي اسألك المحرم الي معك اخوكي ولا زوجك ؟ لانه لو زوجك اتوقع يحقله يقعد معك كامل فترة دراستك والله اعلم


ثاني شي سؤال عن الفيزا حقت المحرم انتي تقصدين انها فيزا سياحيه (زيارة يعني موطالب ) مدتها 18 شهر ؟؟ للمحرم !!

اذا الجواب اي

معناه ان السفاره اعطته فيزة زيارة متعدده لمدة 18 شهر يدخل ويطلع من كندا خلال هاذي الفترة

بس ضابط الهجرة بالمطار هو الي يحدد المده الي يقعدها المحرم الزائر معك في كندا كل مرة يدخل فيها خلال فترة صلاحية الفيزا حقته

لانه حصول اي شخص على فيزة زيارة متعدده لكندا سواء سنه ونص مثلا او حتى خمس سنوات لاتعني ان هاذا الشخص يقدر يروح يقعد السنه ونص او الخمس سنوات كامله مرة واحده في كندا طبعا لا

هاذا يعني انه حصل على فيزة زياره متعدده لكندا لمده معينه (الي هي مدة صلاحية الفيزا حقته) وهذه الفيزا تصرح له دخول كندا بشكل غير محدود خلال فترة صلاحية الفيزا حقته لكن في كل مرة يدخل يحددله ضابط الهجرة الفترة المسوح له يقعده وبعدين يغادر ويرجع مرة ثانيه .....الى ان تنتهي صلاحية فيزته

عشان كذا حددت مسؤولة الهجرة انه يقعد 6 شهور ويطلع (هي صاحبة القرار في هاذي الحاله)

الحين هو يطلع بعد 6 شهور ويرد يدخل مره ثانيه ان شالله بس يوم واحد وطبعا بدون مراجعة السفارة الكنديه لان فيزته لازالت سارية المفعول المهم يطلع من الحدود ويسجلوه خروج

ولما يدخل مره ثانيه رح يحددله ضابط الهجرة المده الي يجلسها بالمره الثانيه ويبقى الوضع على هاذي الحاله الين تنتهي صلاحية الفيزا حقته

وعلى فكرة الملحقيه ما رح تقدر تفيدك بشي في هاذا الموضوع لانه
عائد تماما للسلطات الكنديه


بس انتوا الله يهديكم لين تقدموا فيزا للمحرم ليش تسونها بهالشكل وبعدين تتوهقوا ؟؟

انتي كان من الاول قدمتي للمحرم على فيزة دراسه حتى لو مجرد دراسة لغه انجليزيه وينضم للبعثه وبالتالي كان جلس معك طول فترة دراستك انتي تستفيدين وهو يستفيد !! لانه فعلا وش بيقعد يسوي معك طول فترة دراستك في كندا بدون ما يدرس ولا يشتغل ؟؟ بس قاعد بالبيت !! مايصير واصلا هم ما يتقبلونها

بس ما تزعلين مني اختي احس انكم انتوا البنات تتسرعون في معاملاتكم قبل لا تخلص من السعوديه بس تبون الفيزا تطلع بأي شكل للمحرم بغض النظر وش نوع فيزة المحرم بدون ما تفكرون وش رح يصير معكم هناك !!

مايصير لازم من الاول حتى لو انكم اتأخرتوا شوي بس كان طلعتو بالشكل الصحيح الي يريحكو ويريح محارمكو


لانه الحين اختي تحويل فيزة محرمك من سياحيه الى دراسيه لايمكن بأي شكل من الاشكال مستحيل لان القانون بكندا يمنع تحويل فيزة الزائر الى طالب

والشي الوحيد الي رح تفيدك فيه الملحقيه وهو اصلا الشي الوحيد الي تقدر تسويه هو انها تجيب قبول دراسه لمحرمك وهو يرجع السعوديه ويقدم على فيزة طالب من اول وجديد

اعذريني اختي على حدة كلامي بس والله انقهرت كأنه الموضوع يخصني


والله يوفقك ان شاء الله

اخواني معروف ان فيزة السياحه صالحه للأقامة 6 شهور متواصله فقط

الحل :

انه يطلع من البلد و يروح امريكا مثلا ثلاث ايام و بعدين يرجع و بكذا يحق له يجلس 6 شهور ثانية

او انه يغير نوع الفيزا

ربي يوفق الجميع
مشكور اخوي
بس اتمنى ترد على اسألتي
وتنحل المشكله