الأعضاء الإشتراك و التسجيل

الملتقيات
ADs

استفسار عن فانكوفر !!

استفسار عن فانكوفر !!


NOTICE

تنبيه: هذا الموضوع قديم. تم طرحه قبل 5805 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الله لايعوق بشر
    الله لايعوق بشر

    مبتعث فعال Active Member

    الله لايعوق بشر الولايات المتحدة الأمريكية

    الله لايعوق بشر , ذكر. مبتعث فعال Active Member. من الولايات المتحدة الأمريكية , مبتعث فى الولايات المتحدة الأمريكية , تخصصى طالب , بجامعة .
    • .
    • طالب
    • ذكر
    • ., .
    • الولايات المتحدة الأمريكية
    • May 2007
    المزيدl

    May 6th, 2008, 10:14 PM

    السلام عليكم ورحمة الله وبركاته

    كيفكم جميعا حبايب ائلبي

    أبشركم حصلت لي جامعة وديره يمدحونها يقولون جوها تالي الليل عليل ( وش عنده الشاعر )
    باختصار بغيت اسئل ان فانكوفر .. قررت ادرس فيها .. بعد ماسحبو علي السفاره الامريكيه ولا عطوني الفيزا

    ولله هم الخسرانين بيخسرون واحدن فلته مثلي

    بغيت اسئل ياجماعه عن جامعه ومعهدها .. سمعت ناس كثير يمدحونها ويمدحون العوائل الي متعاملين معهم

    الجامعه بريتش كولومبيا ( يعني الي عنده خلفيه سنه كامله مع االسكن طبعا عائله والاكل والزقاير وكل حاقه كم تمشيني ) وبسرعه افزعو لي لاني نويت ابيع كم ناقه من ابل الشايب وافرك لها والي بيضبط اموري بجيب له كرزين معي واربع صناديق تمر من اخلاص الاحساء
    واتمنى محد يبخل علي...


    قفله

    [ يعني مثلا ماساعدتني انـت يأخي المسلم او ياختي المسلمه السعودي او السعوديه < مسك مشوار .. بالله من بيساعدني؟ استاذ ادم الكندي مثلا؟ << وش جاب طاريه ]


    ووفق الله وحفظ وسدد خطا كل من رد علي هون سوا رد السلام او افادني

    وحياكم اللــــــــــه
  2. اذا انت في مرحله اللغه احتمال انها تكفيك 20 الف دولار كندي شاكل كل شي من الى .

    وممكن انها تزيد او تنقص في مرحله اللغه اما في مرحلة الدراسه الجامعيه على حسب المواد اللي سوف تنزلها للدراسه .

    و انصحك اخوي انك تجيب اي قبول مشروط و تطلع كندا وتقدم الاوراق قبل شهر ستة ميلادي لان في ناس يقولون رايحين يرجعون شرط اكمال الثلاثين ساعه عشان تلتحق في كندا . احنا ق\منا وكان شرط الثلاثين ساعه غير موجود للدول الاجنبيه و الحين احتمال انهم يرجعونه


    اخوك
    النمنم
    7 "
  3. نمنم تورنتو

    حياك الله ومشكور والله يوفقك ويحفظك

    بس مايمدي ياخوك اخلص اموري قبل شهر سته انا بحاول اخلصها بأسرع وقت واحط حساب ميزانيه حق سنه تقريبا .. والي الله كاتبه بيصير والله يسهل علينا وعليكم ..

    شاكر لك عزيزي

    والي يعرف مكاتب بالشرقيه جيده لايبخل علينا وشكرا لكم
    7 "
  4. ان شاء الله نقول ان يطلع كلام الناس كذب .


    المهم انت لا تدفع للمكت حق 9 شهور ادفعله حق اربعه شهور و قله كل اربع شهور ادفع مره ثانيه عشان لو خشيت البعثه امعهد اللي انت في لا يروح ياكل حقك و يعطيك ربع المبلغ

    خل اتفاقك مع المكتب كل اربعه شهور تجدد

    و بالنسبة للمكاتب انا اما انصحك بيها
    انا انصحك انك تراسل معاهد اللغه سواء داخل جامعه او معهد خاص حاول انك انت اللي تراسلهم و هاذا موقع موجود فيه كل معاهد اللغه المعترفه فيها كندا و الملحقية الثقافية السعوديه بكندا

    http://www.languagescanada.ca/approved_programs.php

    و انتبه ترا في بعضها تعلمك فرنسية وفي بعضها انجليزي

    اخوك
    النمنم
    7 "
  5. أنا أدرس في جامعة برتش كولولمبيا لي معهم تقريبا 7شهور

    وأنا كنت جاي على حسابي وسويت أموري في نفسي أولها جيت هنا على معهد دجة لأن دراستهم فاتتني ودحلت معهد عشان ماأضيع وقتي المهم أنا رحت لهم وقلت لهم أبغى أدفع لكم عربون عشان تعطوني رسالة قبول لدراسة اللغة عندكم كامله طبعا قالوا مو مشكلة دفعت لهم عربون حقت كل المستويات من بداية المستوى إللي أنا فيه إلا المستوى الأخير عشان بعد ماأخلص اللغة عندهم أقدر أدخل الجامعة المهم عطوني الرسالة وعبيت أوراق اللاتحاق في البعثه لأن هنا الإجراءات راح تكون مره إيزي طبعا قبل أبدأ قالت الملحقية ترى إنقبلت وعطوني حقي كامل

    أما مسألة السكن معهم تراه جيد من ناحية القرب بس لأن جميع العوائل هنا تقريبا زي بعضها بس تعتبر غالية شوي لأن باليوم راح تدفع لهم 30 دولار مقارنة بالعوائل الأخر من20 إلى 25 دولار

    لكن مبدأي أسكن معهم لين تحصل لك أرخص

    أما والله الدراسة في المعهد مره جيد مقارنة بالمعاهد إللي في مقاطعة كلها

    أما من ناحية مكتب والله للأسف أنا ماأعرف مكتب بس لو تراسلهم أنت أحسن لك من أي مكتب

    وموفق إن شاء الله
    7 "
  6. MoHa2CA

    وفقك الله ااخي الكريم ... كفيت ووفيت ولله افدتني كثيرا ..

    ويمدحون المعهد كثير حق هالجامعه .. بس مادري هل التخصص كمبيوتر ساينس او تقنية المعلومات موجود بالجامعه هذي ..

    وشكرا مره ثانيه عزيزي . ولا هنت طال عمرك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.