الأعضاء الإشتراك و التسجيل

الملتقيات
ADs

لو بحجز سكن عن طريق النت .. كيف أثق في اللي أتعامل معهم؟؟

لو بحجز سكن عن طريق النت .. كيف أثق في اللي أتعامل معهم؟؟


NOTICE

تنبيه: هذا الموضوع قديم. تم طرحه قبل 5806 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Ho0oR
    Ho0oR

    مبتعث فعال Active Member

    Ho0oR كندا

    Ho0oR , أنثى. مبتعث فعال Active Member. من السعودية , مبتعث فى كندا , تخصصى MBA , بجامعة SFU
    • SFU
    • MBA
    • أنثى
    • Vancouver, BC
    • السعودية
    • Nov 2007
    المزيدl

    May 7th, 2008, 07:44 AM

    صباح الخير

    طبعا مشكلتنا الأولى والأخيرة هي السكن وانا بصراحة حابة أرتب أموري وأحجز سكن قبل ما أسافر وبخاصة انو الفترة الجاية صيف وزحمة ,وغير كذا انا عندي أطفال

    المهم أنا لقيت بيت صغير صاحبه وده يأجره تمام؟؟ فارسلت له ايميل استفسر منه والرجال ما قصر رد علي بس طلب مني بعض البيانات مثل اسمي وعنواني وعدد افراد العيلة اللي بتسكن معاي. أنا رديت عليه وكان مبدئيا موافق على التأجير وانا بصراحة حمدت ربي لانو صار لي فترة ادور على سكن وهذا البيت في الداون تاون وايجاره معقول جداوكمان مؤثث لانو صاحبه جاه نقل على كلامه لنيجيريا وحاب يؤجره الفترة هذي .

    طولت عليكم صح؟ معليش بس والله انا حايسة ومالي الا الله ثم انتم

    المهم انا ما شفت البيت لانو في الاعلان ما كان فيه صور وطلبت منه يرسل لي صور بس لسه ما أرسل لي
    البارح أرسل لي انو موافق بس حرص علي اني أحافظ على بيته وأعتني فيه ومن هالكلام وقال لي اذا خلاص أرسل له عشان يعطيني بياناته وأحول له المبلغ وطبعا للحين ما أرسل لي صور.

    السؤال :
    أنا كيف أضمن حقوقي ؟ وكيف أعرف انو هذا الرجال مو نصاب ؟؟
    اعذروني انا مش شكاكة بس والله الدنيا تخوف وماودنا من أولها نكون عالعمياني
    أنا ودي تنصحوني ايش أسوي

    في انتظار ردودكم
    أختكم
    Ho0oR
  2. قوليله لا لالالالالالالالالالالالالا مافي فلوس الا لين اوصل او كلمي النادي السعودي و ان شاء الله يساعدوك فيها .
    كلميهم قوليلهم القصه و قوليلهم اذا ممكن احد يروح يشوف السكن و كذا ويقراالعقود و كذا و يرسلك العقد توقعيه قبل سفرك وتستاجريه في وقتها يكون قبل سفرك بفتره يعني قبل سفرك بخمسه ايام و يرسلك العقد وتوقعيه وترجعي ترسليه فاكي وتحولي اللي حيساعدك الايجار ويعطيه الايجار وياخذ المفاتيح ويخليها معاه الين تجي انتي وتاخذي المفتاح والشقه و يكون العقد باسمك وكل شي .


    ان شاء الله يخش احد الاخوان ويساعدك بطريقه ثانيه كمان .


    اخوك
    النمنم
    7 "
  3. اكيد لا تدفعي فلوس لانو ما تدري مين الي يكلمك اصلا !
    مع مواقع العوائل ما يطلبو فلوس الين ما يستقبلونا في المطار و نروحلهم
    اما الشقق الجاهزة ما ادري عنها و احسلك تروحي على فندق اول يومين و تدوري من هناك او تشوفي احد يساعدك موجود في كندا
    و يا مكثر البنات الموجودين خليهم يساعدوكي !!!

    اما تدفعي فلوس على العمياني اصحك تسويها !!
    7 "
  4. أخواني أشكركم وأنا أكيد ماراح أدفع الفلوس عالعمياني بس مين لي في كندا أقدر أعتمد عليه وبصراحة هذي مسؤولية ما أتوقع أي أحد بسهولة يتقبل انو يتحملها ولا انتو ايش رايكم؟؟ ولا فكرة الاخ نمنم ممتازة بس الله يعين.

    أنتظر مشاركات وحلول أكثر
    7 "
  5. الى الأخت Ho0oR ،، اول شي الله يعينك و يعيننا معاكي

    أنا واختي نفس الشي ندور على شقة في downtown Toronto و ممكن نكون جيران

    وصراحة موضوع ايجاد السكن من هنا مهو مضمون (الا لو وجد المساعد) ومهو مضمون من ناحية (الدفع) و(شوف العين) لكن بحكم انه الواحد مستعجل ويحب يكون في الsafe side لأن الترتيب والتخطيط من بدري بدري شي مهم

    بس ممكن تفيدينا كيف لقيتي الشقة و بكم .. وقريبه من محل دراستك ،،،الخ نبغى نعرف كيف ندور

    الى الأخ نمنم تورنتو ،، كيف الشقق في ال downtown وهل تعرف شقق يكون سعرها ممتاز،، غرفتين ويكون فيها خدمات مهمة ،،، يا ريت تفيدنا ،، لأنه دحين موسم ،، غير انه طلاب كثير رايحين تورنتو فالناس راح تستغل الفرصة وممكن ترفع الأسعار أكثر ماهي نار

    ياليت تفيدونا وشكراً
    7 "
  6. المشاركة الأصلية كتبت بواسطة Ho0oR
    يعطيكم العافية بس طيب النمادي السعودي ما عندهم مشكلة يساعدوني ويشوفو السكن؟؟
    على فكرة راسلت نادي تورنتو بالايميل بخصوص السكن و استفسرت هل يقوموا بعملية البحث أو التنسيق والمساعدة في ايجاد سكن مناسب

    هي خدمة سمعت انه النادي يقدمها ومدري هل هي بمبلغ رمزي (ويحقلهم) ولا هي عمل لوجه الله

    مرتين

    ولا ردوا علي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.