استفسار عن كيفية شراء سيارة في كندا والحصول على الرخصة

هلا اخوي انا عندي سيارة في فانكوفر توني شاريها من الوكالة

مثل ماقلت التأمين جدا غالي انا عندي سباروا ليجاسي ,, ادفع عليها 300 شهريا دولار طبعا
بس على حسب شركة التامين تقدر تشوف سعر ارخص وكل مادفعت مدة اطول السعر ينقص عليك

بالنسبة لسالفة العمر ,, ماتوقع لان هنا التأمين يحسب على حسب خبرتك في السواقة في كندا او امريكا يعني لو عندي هستروي سواقة في امريكا او كندا من قبل فهذا الي ينفعك

حتى لو عمرك 29 ,, بس عمرك يساعدك لما تستأجر سيارة

بالنسبة للرخصة تفيدك انك تقدر تسوق بها دام عندك ورقة تثبت انك ملتحق في معهد او جامعة فل تايم بس لو ماعندك هالكلام واكتشفوا انك تسوق بالرخصة السعودية مدة اكثر من 3 شهور راح يخالفوك

بس نصيحتي انك تطلع الرخصة الكندية ,, لان مثلا لو اخذت الرخصة السعودية وأمنت السيارة ,, السنة الاولى بيطلع عليك السعر مرتفع وراح يبقى مرتفع حتى بعد السنة الثانية ,, لكن لو عندك رخصة كندية وقتها انت بتبني رصيد في السواقة وراح يقل قيمة التأمين عليك مع مرور الوقت

طبعا هذي الانظمة الي فهمتها في فانكوفر يعني ولاية برتش كولومبيا ,, المناطق الثانية الله اعلم

وبالتوفيق اخوي

يعطيك العافيه يا مستر 1

بس تقدر تقول لي كيف الحصول على الرخصة الكندية ؟

وكم طلعت عليك السيارة وايش نوعها ؟؟

وعطني نبذه عن اسعار المواقف والبنزين.............


يعطيك العافية

أخوي الرخصة الكندية تروح للمكتب المسؤول ( في فانكوفر ) CBIC وتثبت لهم مثل ماقلت لهم ان عندك فيزا ماتقل عن 6 شهور بالاضافة الى اثبات ان كنت تسوق من قبل ( الرخصة الجديدة مافيها تاريخ اصدار وهذي المشكلة ) <<< انا الحين متوهق كيف اجيل لهم ان رخصتي مدتها 5 سنوات ,, كلمت السفارة الله يصلحهم ماحد رد وتركت مسجات ورسلت ايميلات ولاحد حولك

المهم بعدين يخلونك تختبر تحريري وميداني ,, وبالنسبة لفانكوفر تقدر تختبر بالعربي والميداني اذا ماتعرف انجليزي تقدر تجيب معاك مترجم

وبعدين لما تنجح تجيك الرخصة

بالنسبة لسيارتي انا عندي سوبارو 2008 ليجاسي جديدة من الوكالة

المواقف <<< هذي قصة ثانية بروحها والله ماصرفت على البنزين كثر المواقف ,, غالية بصراحة الي في الشارع العاديين بدولار الساعة ,, المواقف الثانية تختلف بعضهم الساعة ب 2 وبعضهم ب 4 وعلى حسب

البنزين سيارتي احط فيها عادي 87 اوكتين اللتر ب 127 سنت والفل تقريبا حول ال 75 دولار والبنزين يجلس معاه اكثر من 9 ايام << احس السيارة اقتصادية

واي استفسار ثاني انا حاضر

الله يعينك يا مستر1 ،، مواقف غالية ، وبنزين أغلى ،، وتعقيد ما بعده عشان نسوق ،، والله المشي يمدحوه عشان الصحة

لو الواحد فكر يسوق ...

ايش رأيك في الرخصة الدولية ،، هل تنفعني لو طلعتها من المكاتب السياحية اللي هنا ولا مهو معترف فيها ؟

وايش الاجراءات للي عنده الجنسية (أو الجواز الكندي) في اصدار رخصة وهل هو نفس التعقيد؟

عموماً احتمال أسوق في حالات نادرة يعني اذا في اجازة طلعنا مقاطعة ثانية مثلاً

وكيف الايجار (ايش شروطه الايجار)؟

ياليت تفيدني وتفيد الغير و لك جزيل الشكر

الرخصة الدولية ماتنفع حسب الي سمعته ,, وحتى لو كان عندك رخصة دولية لازم تثبت انك تسوق من قبل

بالنسبة للايجار ماعرف عنه اي فكرة ,, بس الي سمعته على حسب العمر ( اقل من 21 ) مايعطونك سيارة اجار ,, وكل ماقل عمرك زاد قيمة التامين والايجار

بس اذا كنت كبير في الي سمعته ان الاجار يكون رخيص ويوصل 18دولار لليوم

بالنسبة لك ككندي مثل ماقلت للاخ فري مايند ,, الكنديين يعتمدون على الهستوري في السواقة

عندك خلفية في السواقة في امريكا او كندا تأمينك يقل ,, غير كدا حالك حال المبتدأين

وبالتوفيق

طيب أخوي مستر 1 معليش أنا عندي استفسار :

نقدر نطلع رخصة من كندا واحنا مبتدئيين ؟؟
أنا بصراحة ودي لو تسهلت الأمور أطلع رخصة

كيف الاجراءات لوانا ما أعرف شي وتوني بتعلم؟؟

ويعطيك ألف عافية

هلا أختي حور ,,

بالنسبة لرخصة المبتدئين مادري بالضبط بس تقدرين تستفسرين عن طريق موقع ICBC

أو تروحين لهم في شارع برارد في المجمع الي بين ماكدونالدز وتيم هورتنز في الطابق الارضي

وبالتوفيق

انا كمان نفس سؤال الاخت حور ياريت اعرف كيف اقدر اطلع رخصه للمبتدئين ؟؟؟؟؟

الله يعطيكم العافية اللي عنده رابط الموقع للحصول على الرخصة الكندية يفيديني فيه ...

لانه اخوي معه رخصة دولية بس عمره اقل من 23 .. فما ينفع يسوق لين يحصل على الرخصة الكندية

واللي قالوا لنا الرخصة الكندية بس باللغة الانجليزية ....!!!!

هل هذا الكلام صحيح.. هل ممكن يختبر باللغة العربية تحريري وميداني ... و وين اقدر اتواصل معهم وانا في تورنتو ؟؟؟


بانتظار ردكم بفارغ الصبر ...