لاتخاف كلنا في الهوا سوا ومتعودين على الدجه الى باللغه كذا والاكان ماحددوا مستوايااتهم لهم هذا فايديتها
ولو ماتعرف شئ لاتكتب ابد خليها كذا وقل NO وبس هههههههههاي
هونها وتهووون
يزيد عبدالعزيز May 14th, 2008, 12:44 AM
7 " السلام عليكم ورحمة الله وبركاته
وبالتوفيق انشالله بالنسبة للاختبار لا تشيل همه الاختبار راح يكون عبارة عن قطعة وعليها كم سؤال واسالة قواعد ومعاني كلمات وعادة الاختبار ما ياخذ اكثر من ساعة
المهم اي شي ما تعرفه اتركه فاضي حتى لو الورقه كلها المهم بعدين اذا حطوك في المستوى يمكن يكون المستوى شوي عالي زي ماتفهم اول اسبوع عادي لا تشيل هم بعد اسبوع تشوف لسانك شوي انطلق وعلى فكرة العرب افضل الناس في النطق يعني انشالله بعد فترة وجيزة تشوف المحادثة عندك اتحسنت واهم شي لا تخلي الخجل يتملكك واتلكم وما عليك من احد (بس ماتصير قليل ادب) وافضل شي انك تسكن مع عايله فيها اطفال
وبالتوفيق انشالله
theone_119 May 14th, 2008, 01:06 AM
7 " لاتخاف يبن الحلال الاختبار سهل وأختيارات كأنك تلعب لعبه (من سيربح المليون بس بدون مساعدات) اصعب شي في الرايتنق والباقي شغل بزران سهل
ابو حمزه May 14th, 2008, 09:16 AM
7 "
May 13th, 2008, 11:23 PM
مساكم الله بالخير ياشباب وياصبايا..
بصراحه دائما افكر في اختبار تحديد المستوى في المعهد التابع لجامعة بريتش كولومبيا.. كيف بيكون شكله.. وكم مدته.. واستفسارات على هالمنوال.. خصوصا بيكون في اول يوم.. والواحد بيهز في راسه مايعرف شيء ابد.
شكلي هناك بصير زي الطالب المستجد في البكالريوس.. الله يذكر رسالة الجامعة بالخير.. اول ماخشيت جامعة الملك سعود اخذت نسخة من رسالة الجامعة وعطيت السكيرتي ريالين.. ردهم لي وزودتهم ريال على بالي قيمتها ثلاثه ريال.. فطس من الضحك.. قلت بنفسي هذي كم سعرها اجل!! قمت وتركتها ومشيت
باشوف منتدى حبايبنا.. يمكن احد يفيدنا عن اختبار تحديد المستوى.. لاني خايف يحطونني بالمستوى السادس وانا مااعرف كوعي من كرسوعي.. والا خايف يقولون لي انك حملت الريدنج والا الرايتنج !
بعدين انا عندي مشكلة.. اذا صار عندي امتحان ماارتاح الا اذا كان جيبي مليان براشيم.. بس في هالامتحان ماادري وش اكتب في براشيمي
يالله.. على الله يفيدنا احد.. ولا تقولون الموضوع مكتوب عنه في المنتدى.. لاني فريت المنتدى مالقيت فيه شيء عن امتحان تحديد المستوى
تحياتي للجميع،،،