اللي في فانكوفر: وسائل النقل

مدينة فانكوفر تعتمد على ثلاث وسائل نقل عامه ..
اولاً: القطار ( سكاي ترين )
ثانياً: الباصات .
ثالثاً: العباره ( السي باص)

طبعاً الباصات هي الاكثر انتشاراً و من بدها القطار .. ثم السي باص الي هو بين وسط المدينه و شماله .

اذا كنت ساكن في نورث فانكوفر فانك راح تستخدم السي باص او الباص العادي للوصول الي وسط المدينه..
اذا كنت ساكن في سوري او بورنبي او نيو ويست و مابعدها راح تستخدم السكاي ترين غالباً..

طبعاً لديك خيارات كثيره في التنقل احيان بين المناطق مابين سي باص و باص عادي و باص كهربائي و سكاي ترين ..

و احيان مايكون عندك خيارات و يكون عندك واحد فقط من هذي الوسائل

بالنسبه لاسعار التذاكر عندهم خيارات كثيييييييييييييره جده ... تذكره للتنقل بين ثلاث مناطق اذا كنت خارج وسط المدينه و سعرها فوق المئة دولار ومدري كم بالضبط لاني ماقد شريتها و تقدر تستخدمها طول الشهر بدون حدود ..
وفيه بين منطقتين و هذي طبعا للمناطق الي محيطه بوسط البلد مثل النورث و الوست
وسعرها تقريبا 95 دولار ...ونفس الشي شهر و مفتوح

وفيه الي تسمحلك التنقل في منطقه وحده .. وهذي سعرها تقريبا سبعين دولار..

طبعا هذي التذكره تسمحلك استخدام جميع وسائل النقل العامه الي ذكرتها لك ..

وبالنسبه للتاكسي انسااااه بالمره اقرب مشوار راح يوديك له بياخذ من 15 الى 30 دولار ..
يعني كثير مره ..

وبالنسبه للسياره انا ما انصح فيها كثير خاصه ان البنزين غالي جدا يعني ممكن لو احتجت السياره تستخدمها في الويك اند فقط .

اتمنا اني اجبت على بعض من تساؤلاتك..

تحياتي لك

جزاكم الله خيراا,,

يعطيكم العافية



مهندس خطيييييييير
انت ساكن بجدة ولا الرياض

هذي اسعار الباص او sky ?? ممكن تفصل شوي ؟

يعني هذي التذاكر عامة لجميع وسائل النقل ..... ومدة صلاحيتها شهر ,,,, هذا اللي فهمته من كلامك ...
طيب ايش البطاقة اللي يقولو عنها تشحنها كل شهر ... حقت الباص يستخدموها ان ماكنت غلطان ؟؟

وهل البطاقة تشمل كل وسائل النقل برضو ؟؟

يعطيكم العافية مهندس خطير واعصار

البطاقة تشمل جميع وسائل النقل الي قالها اعصار bus + skytrain بس توريها لراعي الباص وتدخل عادي اما ال sky train مافي احد يسالك بس بعض الاحيان ممكن والبطاقة مكتوب عليها اي شهر يعني May 2008 والشهر الجاي مكتوب عليها Jun 2008 وسعرها 99 دولار المهم انا اشتريت اليوم بطاقة الشهر الجاي اخاف لا تخلص.
وفي Tickets البوك في 10 ب 27.5 دولار وكل Ticket تقعد معاك 90 دقيقة من اول ما تستخدمها بس طبعا احسن انك تشتري بطاقة وتريح راسك انا البوك الاول خلص واشتريت بوك تاني وسلامتكم.

هذا موقع ممكن يفيدك في التخطيط لمشوارك تكتب فيه مكانك والمكان اللي ناوي تروح له ويعطيك ارقام الباصات الللي تاخذها ومدة المشوار
http://www.translink.bc.ca/

يعطيكم مليون عافية
وتسلم مهندس خطير على الطرح

ماقصروا الشباب

الله يعطيكم العافية