الأعضاء الإشتراك و التسجيل

الملتقيات
ADs

حكاية اسبوع في ترونتو (السفر,العايلة,المدينة,المعهد) بالصور 2-2 لايفوووتكم

حكاية اسبوع في ترونتو (السفر,العايلة,المدينة,المعهد) بالصور 2-2 لايفوووتكم


NOTICE

تنبيه: هذا الموضوع قديم. تم طرحه قبل 5779 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية eng_3ali
    eng_3ali

    مبتعث مستجد Freshman Member

    eng_3ali غير معرف

    eng_3ali , ذكر. مبتعث مستجد Freshman Member. , تخصصى طالب دراسات عليا , بجامعة -
    • -
    • طالب دراسات عليا
    • ذكر
    • تورنتو, اونتاريو
    • غير معرف
    • Dec 2007
    المزيدl

    June 1st, 2008, 09:05 PM

    السلام عليكم ورحمة الله
    كيفوووكم .. ان شاء الله منيحين << لايكون رايح بعثة على لبنان بس
    اول شي اسف على التاخير في نزول الجزء الثاني الى الاسواق .. قصدي الى المنتدى
    هذا الجزء الاول >> http://www.mbt3th.us/vb/showthread.php?t=50647
    وترا غيرنا اسم الحكاية من 4 ايام .. الى اسبوع ههههههه
    والله الواحد مو لاقي وقت يدخل نت ... ماغير فرفرة في تورنتو .. من باص لباص ومن سب واي ل سب واي
    مافية احد من الشباب ولا من العايلة يقولوا يالله نروح(سينما - بارتي - البيتش -مزرعة -عشاء-الداون تاون) ... قبل مايخلص جملتة اقولة قداااااام .. يقولي فاضي .. اقولة لا مو فاضي .. الفاضي
    << فاصل الريوس
    بصراحة من كثرة مالفيت اغلب تورنتو في اسبوع .. حاس اني بعد شهرين من الطفش .. يااني با مص حمر .. او اقشر بصل

    على العموم فين وصلنا الجزء الاول

    اية وصلنا بعد اليوم الاول
    اليوم الثاني ... اتفقت مع صاحبي اني اشوفة في الدوان تاون
    طبعا لااحد يسال كيف كنت مدودة ..ماسكة الخريطة وماشي .. وماادري فين الله حاطني .. لااحد يضحك ..كل واحد ح يمر بنفس الحالة والمواقف دي
    بالمناسبة .. اخر موقف صار لي امس .. نزلت السب واي ... جاء حق الامن .. قال فين يالحبيب السب واي كلها مقفلة الان .. قلتلها لاااا .. اكيد تمزح ... وماالقاة الا .. قلت ياولد ابلع العافية .. واروح ع الباصات واخذ باص من يونق على فكتوريا بارك .. والمشوار طويل .. ومادريت الا وانا غفيت وصحيت ولقيت عدى منطقتي
    عرفت ان اليوم منيل بستين نيلة من اولة .. اخذت تكسي وع البيت لانة كان مطر

    يووة فين وصلنا
    اية رحت شفت صاحبي ولفينا ع الداون تاون ومرينا جنب CN Tower وبعدها رحنا ع السينما بس كانت غالية
    لانة شاشة العرض فيها اكبر من المعتاد بثلاث مرات تقريبا بس حرام شاشة خرافية بس الفلم كان ابو كلب-Speed Racer - نصيحة لااحد يدخلة .. ماكمل نص الفلم الا وقد مشينا

    (اضغطوا ع الصور اذا تبغونها واضحة)

    اليوم اللي بعدة العايلة قالوا بنطلع على مزرعة مع بشكتهم .. قالوا تجي .. قالت فوق العلم ..قدااام
    مرينا على قرابيهم و طلعنا برا تورنتو بالسيارة .. وصلنا هناك .. الجو جيد .. سوينا باربكيو (بالمناسبة تذكرت موقف صار لصاحبي كان ابيض في الانجليزي .. قولنا لة رايحين باربكيو .. وبعدها جاء سالة صاحبة في رايحين .. قال رايحن باركنق خخخخخخ)
    المهم تغدينا لعبوا الصغار اللي معاهم وعجوزتي كمان فلتها وصارت تنقز في كل مكان مع صحبتها
    فية صور لها تطفس ضحك .. بس غير صالحة للنشر

    دا الكلب كل مايجي عندي اعطيتة بوووز لمن هجد خخخخخخ
    بعد ماخلصنا وبغينا نرجع البيت .. جات العجيز عندي .. تقولي علاوي .. ماي هني (ماتناديني الا كذة ) .. تقول عندك رخصة .. قلت لها اية .. قالت تكفى انتة سوق في الرجعة .. تقول لانها شربت تووو متش ورجلها ماعاد صارت تشيلها .. قالتها اهااا الدحلسة اجل مو ع الفاضي
    المهم قلت لها تعرفين تنقزين .. قال اية .. قلت انقزيها اجل خخخخ .. روحي مشي عشان ثاني مرة ماتشربين ... قدك مايحتاج عجوز شمطاء .. اذا بتشربي .. اشربي شويه بس هههههه
    المهم والله اخذتهم ورجعتهم البيت .. والعجوز انبسطت مررة .. ولما رجعنا قالت لي .. اذا امك اتصلت قولها انك احسن ولد في العالم .. قلت لها لايكثر بس
    وقالت تقدر تاخذ السيارة اي وقت اذا مااحد بيستخدمها .. وقد اخذتها مرة وحدة رحت فية السوق .. والله تريح السيارة .. لانة اذا مشي ربع ساعة وبالسيارة 3 دقايق .. فلللة

    اليوم اللي بعدة بعد ماصحيت لقيت جنبي بابي كورة جديدة
    فيوليتا (اسم العجوز) .. شافتني كل يوم العب في الحديقة بكورة مفشوشة .. قامت اشترت لي دي الكورة الجديدة .. شكرتها مررررة .. وعلى قول واحد من الشباب .. العجيز مخططة على بعييد .. وصرت كل صباح اخذ تمارين يومية



    في العصر رحت على شارع قريب مننا اسمة شارع فلورانس دلتني علية العجيز
    وهذا الشارع لحسن الحظ قريب من العايلة .. ربع ساعة مشي تقريبا .. فية كثييير مطاعم وبقالات ومحلات كثيرة عربية .. من اشهرها محل اسمة اسمة نصر

    وفيها اكثر الاشياء المهمة اللي ماتتوقع تحصلها هنة .. خبز لبناني .. اجبان ..بهارات ..هيل ..فيمتو .. طيحنية ..قشطة واشياء كثيرة .. واخذت كم صورة لبعض الرفوف)

    وفية محلاث تانية غيرها .. مطاعم ولحوم ودجاج وحلاقين عرب

    واللي كمان من عشاق القرموشي وابوزيد .. فية محل افغاني حق تميس
    يعني مايحتاج تجيبو معاكم تميس وفول ومعصوب ومطبق معاكم في الشنط خخخخخخخخخخخ

    اما ذا المحل بس مريت من عندة ومالقيت نفسي الا في الجهة الثانية
    اضغطوا ع الصورة .. تعرفوا لية حطيت رجلي هههههه

    بعدها مريت على محل لبيع السيارات وكنت صراحة متردد بين الجاكور و البي ام

    بس لما شفت الاسعار .. قلت بصراحة .. يمدحون المشي .. افضل وافؤد للجسم ههههههه


    هذي صورة كنيسة.. تمنيتها تكون مسجد .. لان موقعها بين المحلات العربية
    وهذا ماينفي انة فية كثير من المساجد والمراكز الاسلامية بس تمنيت دا المكان عشان موقعا مناسب
    بالمناسبة لاحظت جنب اغلب الكنايس يحطوا مكان يلعبوا فية الاطفال عشان يحببوهم انة يروحوا الكنايس .. وقارنت باللي يحدث عندنا بعض الاحيان .. اذا فية ولد يلعب جنب المسجد .. اخذ كف ولاقفى .. وقالوا له لاعاد تلعب جنب المسجد

    المهم خلصت لفلفة ورجعت البيت وانا مااشوف الطريق

    اليوم اللي بعدة قررت اروح المعهد
    صحيت وافطرت ولبست وع السب واي
    وصلت يونق اند بلوور استيشن .. مشيت اشوي ولقيت المعهد

    طبعا المعهد في الدور الثالث والرابع .. وفية مبنى ثاني قريب بس لل ادفانس كلاس
    المهم دخلت .. وبغيت اخرج تاني ... قلت ياولد لايكون داخل مدرسة صينية بالغلط
    وش ذا .. ياجوج ومااجوج في كل مكان .. كل ماتروح ماتلقى الا ذولا ابوعيون مسحبة

    وعلى حسب ماشفت .. تقريبا المعهد .. 60% شرق اسيا .. 20 % امريكا الجنوبية ..15% سعودين .. 5% مشكل
    المهم قابلت المسوؤل عن الطلاب السعوديين وجنسيتة تركي .. ناسي اسمة بصراحة .. لفيت معاة على الكلاسات وشفت ايش هية انشطة المعهد
    ورحت سلمت على مصطفى .. وقلت له معاك علي اللي طفشك بالايميلات
    وقال معروف مايحتاج خخخخخخ
    سالتة على بطاقة الطالب واني ودي اخذها عشان استفيد من خصم السب واي .. قال اصلا التخفيض للطلاب الكندين فقط (بالمناسبة البطاقة ب 109 دولار للشهر) .. وقالي تستلم البطاقة الطالب والتامين بعد ماتبدا الدراسة
    سلمت علية ومشيت
    رجعت البيت تغديت

    وبعدها اخذت لي غفوة عشان في الليل كان فية بارتي .. رحتة مع صاحبي

    اليوم اللي بعدة رحت صليت الجمعة في مسجد بلال
    سويت سيرش في جوجل ايرث عن اقرب مسجد للعائلة ولقيت دا المسجد الاقرب

    صليت الجمعة ورجعت البيت

    اليوم الاخير اللي هوة امس صحيت ولقيت الولد المسلم اللي معاية في العايلة
    يقولي هاة فيك شدة .. قلت على وين .. قال بنروح السوق وبعدها ع البيتش
    قلت له .. ماعندك مشاكل .. قووو هيييد
    طبعا رحنا ع السوق اشترى اغراض
    وانا اشتريت برنقلز .. وشكلولاتات .. واسكريم
    بعدها حركنا على اونتاريو ليك


    هذا الفيس هدية لكم
    << الفضاوة وماتسوي خخخخخخخ

    وهذا ابو الشباب جاء عندي .. وتراه يسلم عليكم كلكم هههههه



    وهذي قصة اسبوع كامل في تورنتو
    وبكرة ان شاء الله ح يبدا دوام المعهد .. دعواتكم

    عارف اني طولت وكثرت كلام بس اتمنى انة البعض استفاد ولو شي بسيط من هذا الموضوعين
    وكمان اللي مااستفاد شي من دي القرقة كلها .. هذا رابط لملف .. ( كتاب حصن المسلم) على شكل بوربوينت .. جميل جدا ومفيد لكل واحد
    http://file9.9q9q.net/Download/88393...oslim.ppt.html
    (حجم الملف 550 كيلو بايت فقط)


    في الاخير اتمنى التوفيق للجميع .. وان الله يسهل جميع أموركم

    مراسلكم من تورنتو

    علي
  2. Lipitor
    لا عاد مو مرررة ابو زيد موجود
    انا قلت مطعم افغاني يسوي شي خبز زي التميس ... لاني مريت جنبة بس مادخلتة وترا مافية معصوب ومطبق ..لايجي واحد بعدين مطفي الانوار يقولي يالله فين المعصوب والمطبق .. ترا


    --------------------------------
    هلا والله ب kingcom
    طيب وريني سنحتك (على قولك ) .. عشان اذا شفتك .. اغير الطريق على طوول ههههههههه

    بالنسبة اني مااخذ الدعوى سياحة .. فبصراحة كنت متوقع أحصل رد زي كذة
    بس فية شغلتين لازم الجميع يعرفها
    الاولى اني انا طالع قبل الدراسة بااسبوع عشان اغير جو واتاقلم على الوضع قبل بدا الدراسة
    ثاني شي انو لما تطلع برا مع العايلة او غيرها .. فانتة مو طالع بس تمشية .. لا .. انتة راح تتكلم معهم انجليزي طول الوقت .. وهذا الشي ح يفيدك الف مرة اكثر من المعهد .. لانك لو تروح المعهد بس وماتخرج من غرفتك ومذاكرة .. عمر الواحد ماراح يتعلم انجليزي بدي الطريقة لانة مااتمرن ولااستخدم الكلمات والقرامر اللي اخذة في المعهد

    سوررري طولت في دا الموضوع .. بس عارف انة اكثر من واحد بيقول نفس الشي

    يعطيك العافية اخوي كينجوم .. ونشوفك ان شاء الله يوم الاثنين
    ------------------------------------------------------------------------
    اوكلاند
    تسلم والله كلك ذوق
    وربي يوفقك انتة كمان
    -------------------------------
    اخصائي علاج طبيعي
    مرة موضوووعك يجمعنا << عجببتي دي الجملة
    بالنسبة للاختبار .. فهو اختبار عادي .. تحديد مستوى .. لاتشيل همة
    ------------------------
    مستر انج
    مرورك الاروع
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.