هل تعرفون وسيلة نقل أمتعة "آمنة" ... أريد أن أنقل كومبيوتري إلى كندا

ما انصحك تشحن الشاشة أبدا

واذا ما تبي الشحن الجوي للخطوط استخدم دي اتش ال أو فيديكس وخلهم يلفونه كويس بالبلاستك اللي فيه كور هواء اللي يطقطق حق التخزين ..

اشكرك على الرد يا غالية ..

الشاشة ما خفت عليها كثير .. لأنها خفيفة LCD و قيمتها 1250 ريال ..
بس الخوف على الجهاز نفسه , قيمته غالية جدا ..!

بصراحة ما تعاملت سابقا مع فيدكس او الدي اتش إل في نقل أجهزة .. كل اللي ارسله معهم اوراق او شيء ما ينخاف عليه من الكسر ..
بس اذا هم يرمونه زي عمال العفش في الخطوط .. فراح ينكسر أو يتأثر , حتى لو لفوا عليه بالأكياس او الفلين ..

أنا محتفظ بالكراتين حقات الشاشة و الجهاز .. لكن لما قلت لزميلي اللي راح لبريطانيا , ما نصحني ابدا اشحنها عبر الشحن الجوي ..
لأنه هو وصل كومبيوتره مكسر مرررررره و شاشته مشطوبة .. مع انه يقول لي انه كان لافها ببلاستك و فلين و حتى حاط في كراتينها وسايد للحماية !!!!


أتمنى أي شخص شحن معه كومبيوتره إلى كندا ينقل لنا تجربته .. مشكورا ..

السلام عليكم ..

مرحبا اخوي ..

عندي لك حل حلو .. واضمن لك .. وتاخذها معك بالطيارة

بس الحل هذا لابد انك تتخلى عن الكيس

فكك القطع واجمعها بكرتون صغير ولا احلى .. وزن خفيف وحجم صغير .. بس اهم شي اذا فككت القطع خلك حذر شوي .. واذا حطيتها بالكرتون ايضاً افصلها عن بعض وخلها محفوظه بحيث ما يجيها الغبار ووووالخ ..

او انك تشحن الجهاز كامل بشركات الشحن .. اراميكس فيدكس ودي اتش ال وووالخ ... ولا ادري هل يوصلك الجهاز سليم ام لا ... ما عندي علم



تحيتي

الله يعطيك العافية يا اخوي عبدالعزيز ..

حلك هذا كنت مفكر فيه .. بس تخيل الكيس (case) لحاله شاريه بـ 500 ريال !! بدون (power supply) !!
لأن الجهاز قطعه خاصة و غالية جدا ..

ابزور فديكس و ارامكس و الدي اتش إل و اشوف اذا يضمنون لي نقلها سليمة ..
أو مالي إلا اتخلي عن الكيس .. و اشيل القطع مفصلة زي ما قلت


و تسلم لي يا ابن الأجواد ,,

بعض المرات يدفعونك تاكس على الشحنة لمن توصل كندا و بعض المرات تمشي من ربك سبحانه تعالى


قبل كم يوم وصلت شحنة لواحد من اصحابي وكانت مجرد تيشرت و جكت خفيف و جهاز اي بود و قدرو الشحنة بي الف و شويه ولار المهم قالو ادفعو تاكس 175 دولار و دفعناها احنا المساكين .


انتيه من هاذا الشيء


اخوك
نمنم تورنتو

الله يستر يالنمنم

انا ابجيبها معي اذا جيت لكندا , يعني ما راح اشحنها كشحنة لحالها .. هل تتوقع ياخذون علي تاكس ؟

فيدكس اكسبرس اودي اتش ال افضل شي بس غالي اذا تبي شي رخيص الطيار للسفر والسياحه او بعض شركات السفر والسياحه يوصلوا بس للمطار انتا تروح تستلمها بالنسبه للتكسير وخوفك على الجهاز لف الطرد بطريقه تحمي الي بداخله واطلبهم واتأكد انهم وضعو استكرات مكتوب عليها ((قابل للكسر)) عشان يتعاملو مع جهازك بحنييه .

ما راح ياخذون اي نوع من التاكس لانها ملك لك انتا جايبها مو احد مرسلها لك

اخوك
نمنم تورنتو

أوكيات .. يعطيك العافية ..
ابمرهم اليوم و اشوف وش يقولون
تسلم على ردك ,,



نمنم تورنتو ..
يعطيك العافية ..
شكرا يالغالي