كندا <----- جايك (طلــب)

اعضــــــاء احلى منتدى، السلام عليكم

صار لي فتره ابحث وادور واسال عن الدوله الي تناسبني والي راح اكمل دراستي فيها، كان محاور البحث بالنسبه لي في نقطتين:
1- الراحه النفسيه(طبعا انا ذكرت الراحه النفسيه اول شي لانه عارف نفسي اذا كنت مو مرتاح مستحيل حتى افكر): من حيث الامن، جمال الدوله وتقدمها، طبيعه شعبها، وانها تكون ساحليه(يعني بشكل عام ارتاح للدوله).
2- مستوى الجامعات.
<<< لا يا شيخ وش بقى؟؟
ولازم يكون فيه من ذولا بعد ما دري ليه استانس عليهم فله

المهم بعد البحث والتحري اكتشفت انه كندا فيها كل الصفات الي ابيها وعلى قولت القايل الي يا عله للي من قايل (حبيبتي يا كاملة الصفات من حسنك خليتي القمر في سبات) .
صراحه انا هالدوله ارتحت لها كثير واحس انها فعلا متكامله من كل ناحيه، مالكم بالطويله
قررت ابدا اليوم بالتقديم لكن بصراحه من عارف من وين ابدا، الي اعرفه انه قبل التقديم للبعثه بشهر سبعه لازم اجيب القبول من احد الجامعات بعدين اقدم على البعثه.
الي بغيته منكم تعلموني من وين ابدا. اذا كان فعلا الخطوه الاولى هي القبول الجامعي يا ليت تزودوني باسماء الجامعات الي تعطي ماستر في ادارة الاعمال والبزنس. مع التركيز على الجامعات الي في اتوا و ادمنتون ومنتريال لاني حبيتهم .

وجزاكم الله الف خيــــــــــــــــــــــــــر