أنسب وسيلة مواصلات للطلبة المبتعثين

فكرة حلوة بس وقت الثلج وش تسوي

يبغالك تشتري مركب و تجدف فيه لين ما توصل لمقر دراستك او مقر سكنك

يا الحبيب ان جيت تفكر فيها فا هيا في النهاية طالعه مواصلات طالعه موصالات سيارة خاصه كانت او مع البشر في المواصلات العامه


بس ممكن الدراجة تستفيد منها في الصيف فقط اما الشتاء فا خليها على ربك لين ما تذوق مرورته خاصتا اذا كان بيتك بعيد عن الشارع العام او عن المحطه

اخوك
نمنم تورنتو

من صج السيكل مشروع ناجح خخخخ وخصوصا في الصيف

انا ناوي اخذ لي واحد لما ارجع الحين

ومثل ماقلت ترا السيارة غالية ,, انا عندي سيارة وزي ماتقول شبه متوهق هههههههههه بنزين وفوق البنزين فلوس مواااااااااااااقف

طيب هذا الحل للأولاد بس ما اعتقد انه مناسب لبنات السعودية هههههههههه

لو ما كان فيه سعوديين يمكن بس مع وجودهم هذا شي مستحيل

دور لنا على طريقة ههههههههه

ما نقدر نحكم إلا لما نجي نشوف الوضع كيف

فكرة معقولة للغايه ممكن تنفع عندنا في استراليا

تقبلوا مروري

أشكر لكم أيها الإخوة حسن تفاعلكم (النمنم- عقد- معجزة- والمتوهق بسيارته الله يعينه- وخوينا الاسترالي mamy) واللي نسيته يسامحني ترا الذاكرة عندي ماش ماهي بالحيل خلوها على الله>>>>> أحزن خخخخخ
المهم... السيدات أولا لأنهن مشغولات الله يعينهن:
يا أختي الكريمة اولاً شرعاً لك أن تقودي ما شئت ولكن يجب النظر إلى المصلحة والمفسدة المترتبة على ذلك...عندنا في كندا ما أظن إنه يوجد مشكلة حتى بوجود السعوديين ومادمت محافظة على حجابك والله لن يتعرض لك أحد بسوء (وأنت كذلك ولله الحمد) .وعلى فكرة يوجد سياكل نفرين يسوقونها جربيها إنت ومحرمك وشوفي النتيجة والله أحسن من السيارة والكنديين ماهم يمك والسعوديين لا شافوك متحجبة ومعاك محرمك والله محد يرفع عينه بالعكس راح يسوون مثلك> ممكن مواعيد المحاضرات تختلف بس ما يمنع من الذهاب مبكراً وهذا يساعد على أنه الواحد يحضر بدري ويثبت أنه يحترم الوقت اللي حنا مقصرين معاه .وجزاك الله خير

وبالنسبة للثلج ترا على حسب الشوارع في شوارع يشيلون الثلج منها باستمرار وفي مدن ما فيها ثلج كثير يعني يا نمنمنا العزيز الواحد يعني ينظر للظروف المحيطة به طبعا ً قبل كل شي وهي في الأخير وسيلة للتوفير حتى لو مؤقتاً .ولك جزيل الشكر......
خلينا نشوف بعض الفوائد للسيكل:
أولا الصبح يوم تقوم وتصلي الفجر وتذكر الله وتعين من الله الخير تفطر عليك بالعافية ثم تطق سيكلك وتجهم يم الجامعة الدم يتحرك بعروقك فتصير فايق ومخك يتقبل المعلومات ويستقبلها بشكل أسرع وثانياً غالبية ربعنا ما شاء الله راعيين كروش فلازم من هذه الوسيلة التي تاخذ منك إذا كثرت 15 دقيقة يوميا بخلاف النزهات والروحات والجيات - طبعا على حسب مسافة سكنك وكل ما بعد كان أفضل(وجهة نظر) - وثالثا ما تدفع للمواقف ولا من ذا الخرابيط موقفك حيثما حللت وحطيت رجلك وتوفر حق المواصلات للشتا إن الله عطانا وياكم عمر.....
وأي اسستفسار أو نقد ترا صدري وسيييييييييييييييييييييييييييييييييييييييييييييييع >> يعنني ما أدخن
والله يوفقنا وإياكم وجميع المبتعثين.....................

صحيح و الله عادي نسوق سيكل!!

تراني حريفة سواقة و من كنت صغيرة دايم و الله اتخيل اني اشترك في مسابقة سياكل لما اشوفهم في التلفزيون و اني اطلع الأولى عليهم خخخخخخخخخخخخخخخ

بس ما اتوقع اتجي لي الجرأة عشان اسوق قدام العيان


شكرا جزيلا لك على الفكرة الراااااااائعة

ترا يا أخت معجزة الشغلة ماهي على تطقين السيكل وعلى الشارع لالالا مو كذا أولا ً استأذني من محرمك وإذا وافق أبدأوا في حارتكم وفي أماكن التنزه والأماكن القريبة منكم بعدين شوي شوي روحوا على الجامعة بس شرط مع بعض موتروحين لحالك ما عندنا بنات يسوقون سياكل لحالهن << شديد خخخخخخخخخخ

لا لاتخاف محرمي معاه مثل ظله


لكن هو يسوق سيكل و انا سيكل ثاني جنبه هههههه