السيــــــارات المكشوفة و الأطفال.

اشلك واشل السيارات الكشف.. إذا كان لابد سيارة فأي سيارة تمشي الحال.. وتفي بالغرض.. وربك سامع الدعا..

معليش بس أحسك رايق.. وحبيت أطقطق عليك حبتين..

إي والله يالزميل أني رايق ويش عندي عاد أنا حتى ما أصير رايق. أولاً ما بيصير إلا إللي ربك كاتبه و بعدين الموضوع مو بس دراسة و اجتهاد لكن ساعة و ساعة و النفس تشتهي و انت عطها ما دامك مو معطيها شي يغضب الله و رسوله و انشا الله عندنا و عندك خير يالزميل.

بذمتك بعد كل هالفلسفة مو من حقي أصير رايق و أفكر أطرخ لي مستانج كشف شد الوكالة

ما شاء الله.. على كذا السالفة فيها مستنج..

مادام كذا لا إنت رايق بالمرة.. وفيلسوف بعد..

طيب ماهي مشكلة يالزميل.. لو رحت تشتري المستنج.. شفلي وحدة بالله معاك إذا ماعليك كلفة يعني.. إنت أشتريها وأنا أعطيك الفلوس بعدين..

خلينا نكشخبها بتورنتو..

خلينا نمتربها الينج استريت.. يقولوا إنه أطول شارع بالعالم بس ما أظنه يعوق مع السعوديين.. صدقني يقطعوه طالعين رايح جي..

تحياتي..
إلى كندا..

شكلك راعي فلووووووووس لان الدنيا هنا وايد غالية بما ان عندك فلوس وش رايك تتبرع لي بشوي منها لان احس انا صايرين في كندا زي الهنود الي عندنا نسينا الكشخة والفلة
وبالنسبة للاطفال اجباري تركب كرسي وتهتم فيهم وايد لان على طول لو شافوك مهمل الطفل يعطونة عائلة كندية وعاد بعدين ردد ياليل مطولك وبعدين جو تورنتو اذا انت جاي اغلب الوقت مطر يعني بتصير السيارة مسكرة وش الفايدة من الكشف
بالتوفيق واذا نويت تعطيني شوي تراني انتظر خخخخ

الله يسامحك ضيقتي خلقي يا ياقوتة، يا شيخة الخيال ببلاش خليني أتخيل أن الشمس مشرقة و الجو حلو طول السنة و أنا أسوق المستنج و جنبي المدام و حاط عبودي ورا بكرسي الأطفال!

لا والله فلوسي ما هي واجد لكن و بحكم أني موظف 9 سنوات و رب أسرة فطبيعي أنو يكون عندي احتياطات مالية و أني أخطط لحياة مرتبة من جميع النواحي لأسرتي أول ما أوصل كندا و عندنا و عندك خير يا بنت الحلال.

الله يوفقنا و يوفقكم و يوفق الجميع.