الأعضاء الإشتراك و التسجيل

الملتقيات
ADs

هذا النادي السعودي وافشيلتاه

هذا النادي السعودي وافشيلتاه


NOTICE

تنبيه: هذا الموضوع قديم. تم طرحه قبل 5726 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية طالب الحور العين
    طالب الحور العين

    مبتعث جديد New Member

    طالب الحور العين غير معرف

    طالب الحور العين , تخصصى طالب , بجامعة sfu
    • sfu
    • طالب
    • غير معرف
    • vancouver, bc
    • غير معرف
    • Jul 2008
    المزيدl

    July 26th, 2008, 10:41 AM

    السلام عليكم ورحمه الله وبركاته

    بعرض عليكم قصت اليوم

    هذه اول زياه لي للنادي السعودي وصراحه ياليتني ما رحت لانه ليس بمستوى الاسم الذ يحمله

    تم دعوي انا والشباب من قبل شاب معانا بالمعهد له صله قويه بالنادي السعودي

    وقال لنا نبي حظور قوي لطلاب عشان قدام الملحق الثقافي يكون لنا وزن وانه هذا

    له رواد وفائدة فرحنا من باب الفزعه وانه نبيض وجيه القائمين عليه قدام الملحق.

    فرحنا انا والشباب في رحله جلست ما بين ساعيتن الا ثلاث ساعات عشان نعرف المكان

    بالضبط يعني غير متوقع ان النادي السعودي يكون غرفتين والا ثلاث في مستودع شي

    جدا لم اكن اتخيله واصلا من الشكل الخارجي لا يوجد اي شي يدل انه هذا شي تابع لسعوديه

    يا ناس يا الي قائمين عليه حطو علم حطو لوحه والله والله والله اتحدى اي واحد رايح لحاله

    لاول مره يعرفه مستحيل اذا ما ضاع ساعتين فهو بطل .

    ليه بعيد النادي السعودي الي هذي الدرجه ساعتين من الداون تاون عشان اوصل تذكرو انا اتكلم بالباص يعني

    بدون سياره هذا الوقت للي يعرف المكان بالضبط
    واكتشفت شي اسمه ثلاثه زون عشان اروح وارجع 6 دولار تقريباا وامتلا بشكل

    فضيع الله لا يفرقهم يا اخي الكريم اذا انت شايف ناديك ما يشيل العدد هذاا ليه تنادون الطلبه !!!

    طيب سمعت انا من قبل لا اروح انه فيه عشان الي يبي يدفع 25 دولار والي من اعضاء النادي

    يعني الي دايم يجون مجاني طيب اولا 100 دولار على النفر شايفه قويه 100 ريال سعودي

    تقريبااا

    ولا اكبر مطعم في فانكوفر ياخد منك اذا اكلت فيه 18 دولار انا اتكلم عن شخص واحد

    يجينا واحد يبشرنا يقول بشرى ساره وحنا جالسين خير يقول انه نزلو خمسه دولار يعني

    ب 20 دولار يا سبحان الله تخفيض للطلبه يا سلام !!!(( ترى المشهد هذا كل ما تذكرته اضحك))

    ترى عيب والله طلبه بعضهم ما اخذو مكافات تاخذون منهم 20 دولار والله انه يحسب الدولار باليوم

    واعرف واحد ماعنده الا 60 دولار وينتظر الرد من الملحقيه واعتقد انه دفعهاا .

    اني استحيت انا ما احاسب الا بالبطاقه وما كان معي كاش يعني فشيله انهم يقولون

    عطنا فلوس اقول ما عندي الا بطاقه وش بيقول بيطقطق على راسي طبعا لا خذ من خويك

    خصوصن اننا سمعنا

    انه الي يجمع الفلوس حقاني بزياده وانا والله مو عشان الفلوس فستحيت يفشلني فمشيت

    وكمان مشيت الملحق ما جااء تاخر عن موعده فتوقعت انه ما راح يجي قلت يالله اهم شي شفنا

    الوجوه الطيبه لاكنه وصل بعد ما مشيت


    وترى السعودي معروف بالكرم ما اظن انه كاست مويه ولا شاي والا اي شي بتكلف شي يا ابوي

    عطنا مويه من الحنفيه ما راح نقول شي بس مويه اقلهاا

    وبالنسبه لنصائح والله يا واحد اعرفه نصحوه لا تطلع جوال ترى في باقات توضع مصيده للزبائن

    اي مصيجه ضحك على السكين ذا يا اخي اذا انت شايفه بيطيح في مصيده على قولك يا اخي حرام

    عليك روح معه طلع له والله تكسب فيه اجر الولد انغسل مخه واحد من الشباب يقوله اروح معك

    يقول له لا ابداا مصيده ياا رجال حرام عليك الولد له شهر ونص في البلد ما عنده جوال الي متى

    يا تنصحكه نصيحه تنفعه يا تسكت .

    واخيراا انا سمعت وسمعت الكثيررر ما يمدح في النادي مافيه فائده تجمع تضيع وقت والله والله

    يبي لكل يوم كامل تفرع عشان تروح له انا اتوقع انه خارح فانكوفر كيف وبعض الاخوه اسبوعياا



    كل الي اقوله يارب يكون كل الموجودين سعودييين له الفضيحه بين السعوديين تنستر اما لوفيه

    خليجييين الله يستر وبس

    في الاخير يا اخي الكريم اذا بتاخذون مبلغ عشان عشاء ترى هو صحيح مو من شيم السعودييين

    لكن كمان حط مبلغ معقول لو ان الحضور ما شاء الله 100 على حسب واحد يقولي اجل لو كل

    واحد دفع 20 صارت 2000 دولار يعني حوالي 7 الي 8 الاف ريال سعودي وش بتاكلون ب 8

    الالف والله لو تتبرعون فيها احسن لكم وترى مع ال6 دولار صارو 26 دولار بالعربي استغلال .



    النادي السعودي الاسم اكبرر من الي شفناه وعن نفسي وجميع الحضور هذي اخر مره اروح فيها

    ((( نراكم ان شاء الله في تقدم والرجاء الرجاء حسنو الصوره اكثرر )))

    مع احترامي لك من في النادي او زار النادي
    وتحياتي للسعودين والله هم الي نوروا الجلسة
  2. هلا اخوي


    الحماس أثر في وصفك ورأيك في النادي السعودي


    عموماً أنا أحب أذكر كم نقطة وليست دفاعاً عن النادي السعودي فأنا لا أمثله وليس لي علاقة بأي شخص متواجد في هذا النادي


    بخصوص النادي فهو قائم بجهود ذاتية كأي نادي سعودي في اي بلد حول العالم

    الأخوة المنضمون والمشرفون لايتقاضون مرتبات على اشرافهم او تنظيمهم بمعنى انهم فئة غير مكلفة وانما هم مجموعة من الشباب المتبرعين بوقتهم ومجهوداتهم لإيجاد فرصة للترويح عن النفس في الغربة


    طبعاً هذا اعتقد كافي للرد ايضاً على ذكرك مسئلة الـ 20 دولار فهي منطقية بناء على ماتم ذكره سابقاً فالنادي السعودي ليس بيت فلان بن فلان لكي يتكفل بجميع الحاضرين بالمجان وهو تكفل بالفئة التي لديها اشتراك شهري بالنادي ويدفعوا رسوماً لدعم النادي


    بخصوص موقع النادي هو في افضل مكان لوجود اغلب العرب والعوائل السعودية بقرب النادي ولو اخذنا برأي كل شخص عن موقع النادي لدخنا في دوامة كل شخص يريده بالقرب منه واعتقد انك بالغت كثيراً بالمسافة التي قطعتها الا اذا كنت ضيعت على قولتك



    اخيراً احب اذكرك انا ليس لدي اي علاقة بالنادي وكنت اتمنى زيارة النادي في الايام الماضية


    وجميل ان ننقد لكن يا أخي الكريم النقد البناء وليس الجلد بالنقد
    7 "
  3. اخي عبدالعزيز المحترم

    اود اذكر بعض النقاط التالية:-
    1- النادي السعودي مدعوم من الحكومه السعودية خاصتا السفارة .
    2- بالنسبة للنادي موقعه بعيد لان اكثر الطلابه يكون في وسط المدينه.
    3- يجب ان يوضح النادي بوضع لوحة وعلم بشكل جيد لانها تمثل السعودية والدولة غيره مقصره من جميع النواحي وخاصتا من الناحية الماديه.
    4- يجب القائمين على النادي برفع الملاحظات والاقتراحات لدعم النادي للملحق.
    5- التجهيازات بموقع النادي جدا متواضع وانا ارى هذه مخزي جدا .
    واخيرا احب ان اقول الرجاء الاهتمام بالنادي واشددد على المسؤولين بالنادي رفع الملاحظات للتطوير النادي من جميع النواحي المكان والموقع والامور الماديه يجب ان يكون ميزانية معقوله للنادي وذلك للاجتماعات في المناسبات والاعياد .
    وشكرا لكم يا اخوتي واخواتي
    7 "
  4. هاذي الرسالة لو أرسلت للمسؤول في النادي كرسالة مناصحة كان أولى من وضعها هنا..
    هذا ماهو أسلوب صحيح للتغيير.. ولا هو من حسن الخلق.. ما ودي أسترسل في الموضوع..
    لكن كان الأولى التواصل مع المسؤولين في النادي ومناصحتهم.. وإذا ما كان فيه رد أو تجاوب.. من الممكن يطرح الموضوع هنا للنقاش..

    تحياتي..
    7 "
  5. المشاركة الأصلية كتبت بواسطة الصابر111
    اخي عبدالعزيز المحترم

    اود اذكر بعض النقاط التالية:-
    1- النادي السعودي مدعوم من الحكومه السعودية خاصتا السفارة .
    ليس مدعوم يااخي وانما ذلك كان سابقا
    2- بالنسبة للنادي موقعه بعيد لان اكثر الطلابه يكون في وسط المدينه.
    مثل ماذكر عبدالعزيز قريب من اكثر السعوديين
    3- يجب ان يوضح النادي بوضع لوحة وعلم بشكل جيد لانها تمثل السعودية والدولة غيره مقصره من جميع النواحي وخاصتا من الناحية الماديه.
    والله لوتدري ايش المضايقات اللي يعيشوها من الملحق الجديد لكان عرفت يقولون نحاول فيه ان يستمر دعم النادي وهو مصر ان تقفل الأندية ولو تدخل على موثع الملحقية في الصفحه الرئيسية تجد ان الدعم مازال مستمر وفي النهاية ضحك على الدقون لأني ينفسي امس قابلت احد القائمين بلأندية الطلابية بهاليفاكس وقلي هذا الكلام وقبل كذا كنت بتورنتو والأخوة قالو لي هذا الكلام
    4- يجب القائمين على النادي برفع الملاحظات والاقتراحات لدعم النادي للملحق.
    كنت اتمنى منكم قبل وضع هذا الموضوع ارسلتم رساله للقائمين
    لأنه لاتوجد فايده من وضعكم للموضوع هنا
    5- التجهيازات بموقع النادي جدا متواضع وانا ارى هذه مخزي جدا .
    يااخوي لايوجد اي دعم وانما من القائمين ولاتنسى الايجار بيدفعوه من دعم الطلاب
    واخيرا احب ان اقول الرجاء الاهتمام بالنادي واشددد على المسؤولين بالنادي رفع الملاحظات للتطوير النادي من جميع النواحي المكان والموقع والامور الماديه يجب ان يكون ميزانية معقوله للنادي وذلك للاجتماعات في المناسبات والاعياد .
    وشكرا لكم يا اخوتي واخواتي
    شكرا والله يوفقك
    7 "
  6. السلام عليكم ورحمه الله وبركاته


    والله يا الأخوه الكرام وجدت هذا الكلام في موقع الملحقيه واظن اي واحد بيقرأه بيفهم شي وشوفو وش الي بتفهمونه وكمان تأكيدا على كلامي بحط الرابط حق الملحقيه


    ((تؤكد الملحقية الثقافية السعودية في كندا - وبناءً على توجيهات معالي وزير التعليم العالي - على أنها مستمرة في تقديم الدعم المادي والمعنوي لجميع الأندية الطلابية والمراكز التعليمية ، وتنتهز هذه الفرصة لتقديم الشكر لحكومة خادم الحرمين الشريفين لكل ما تبذله للمبتعثين ولحرصها الدائم على مصلحة المواطنين داخل الوطن الحبيب وخارجه ))

    http://www.saudibureau.org/Arabichome.html
    7 "
  7. المشاركة الأصلية كتبت بواسطة طالب الحور العين
    السلام عليكم ورحمه الله وبركاته


    والله يا الأخوه الكرام وجدت هذا الكلام في موقع الملحقيه واظن اي واحد بيقرأه بيفهم شي وشوفو وش الي بتفهمونه وكمان تأكيدا على كلامي بحط الرابط حق الملحقيه


    ((تؤكد الملحقية الثقافية السعودية في كندا - وبناءً على توجيهات معالي وزير التعليم العالي - على أنها مستمرة في تقديم الدعم المادي والمعنوي لجميع الأندية الطلابية والمراكز التعليمية ، وتنتهز هذه الفرصة لتقديم الشكر لحكومة خادم الحرمين الشريفين لكل ما تبذله للمبتعثين ولحرصها الدائم على مصلحة المواطنين داخل الوطن الحبيب وخارجه ))

    http://www.saudibureau.org/Arabichome.html
    اخوي انا بعد ماقريت هالخبر اتصلت بمسؤول النادي
    وقلت لهم الخبر قالو خبر حلو وامس لما قابلت المسؤول قال لي مثل ماقلتك ضحك على الدقون
    وإنا الخطه الجديده هي ان يكون ممثل في كل جامعه للملحقية
    حتى اليوم يوجد اجتماع لدراسة اقفال النادي بهاليفاكس
    لأنه لايوجد هناك اي دعم
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.